MANATU MO AFIAFI FAALEAIGA

O nei manatu e mafai ona faaaogaina mo aoaoga i potuaoga faapea foi i le aiga. E mafai ona e fetuunaia nei manatu i lou aiga po o le vasega.

“Faamalosia le Faatuatua a o E Sailia le Poto,” i. 10: Fai se meaai manaia mo le afiafi faaleaiga a o outou aoao mai lenei tusiga. Tofi tagata taitoatasi o le aiga i se tasi o mea e faaaoga mai le Resipi. Ia talanoaina le taua o ia mea taitasi ma le auala e le gata ina faaleleia ai se resipi ae e taua foi. A o e faia le meaai manaia, ia talanoaina pe aisea e taua ai mataupu faavae taitasi e lima ma pe faapefea ona faaleleia ai o tatou olaga.

“O Le Mana o le Suesue ma le Filiga,” i. 16: Faitau vaega e fa na aoao mai e Elder Jay E. Jensen mai ia Peresitene Boyd K. Packer. Ia talanoa i auala e mafai ona fesoasoani ai ia manatu taitasi ia te oe e avea ai ma se tagata aoao sili atu. Fai i tagata o le aiga e fai se sini e faaaoga ai nei manatu ina ia avea ma ni tagata aoao lelei.

“Mai Lea Tupulaga i lea Tupulaga,” i. 44: Tusi mau nei i ni fasipepa, ma tuu i totonu o se pesini: 1 Nifae 8:12–18; 1 Nifae 10:17; 1 Nifae 15:6–11; Mosaea 17:1–4; Mosaea 18:1–3. Tuufaasolo le pesini i tagata o le aiga, ma tuu atu i ai e ave sa na fasipepa ma faitau leotele le mau. Faaauau seia uma ona faitau ia mau. Fesili atu pe o le a se mea o laugatasia ai nei mau. Ia talanoaina le taua o le tuufaasolo atu o le talalelei mai lea tupulaga i le isi.

“O Lo’u Uso ma le Tamai Taifau,” i. U12: Tuu atu i tagata taitasi o le aiga se ata o se tamai taifau. Faitau le tala e uiga i le taifau, ma ia faalogologo lou aiga po o ai le tagata sa faamaoni i ai le taifau ma pe aisea. Ia talanoaina ni auala e tumau ai i le faamaoni i lou lava aiga. I le vaiaso a sau, pe a fai e se tasi o lou aiga se galuega agalelei, tuu lana ata o le tamai taifau i le mea na fai ai le galuega lelei. Ia tatai atu manatu i nei mea na tutupu i se afiafi faaleaiga i le lumanai.