Ripote ni Tabana ni Dikevi iVola ni Lotu
Ki na Mataveiliutaki Taumada ni Lotu i Jisu Karisito ni Yalododonu Edaidai.
Kemuni na Veitacini. Na Lotu i Jisu Karisito ni Yalododonu Edaidai e tiko na kena tabana ni dikevi ivola ka cakacaka sara ga vakataki koya mai na veitabana kece tale ni Lotu kei na kena veicakacaka tale eso. Na Manidia Liu ni Tabana ni Dikevi iVola ni Lotu e ripote sara ga vakadodonu ena veigauna ki na Mataveiliutaki Taumada. Era okati vakatamata cakacaka ena Tabana ni Dikevi iVola ni Lotu o ira na daunivika vakadonui kilai raraba, o ira na daudikevi ivola vakadonu, kei ira na kenadau vakadonui ena veitabana tale eso.
Ena nodratou vakatulewa na Mataveiliutaki Taumada, sa soli kina na veivakadonui ki na Tabana ni Dikevi iVola ni Lotu me dikeva na ivola ni veitabana kece ni Lotu, kei na veicakacaka kece ni Lotu e vuravura raraba.Na Tabana ni Dikevi iVola ni Lotu e vakatarai me raica na ivolatukutuku kece, ni tamata yadua, na iyaubula, kei na ivakarau ni cakacaka e gadrevi me dikevi kina na isolisoli ki na Lotu, na ilavo vakayagataki, kei na ivurevure eso. Ena dau vakatau na kena digitaki na tabana me dikevi na kena ivola kevaka e nanumi ni na rawa ni basika kina eso na leqa.
A vakadonui na kena vakayagataki na ilavo ni Lotu ni 2001 mai na Matabose e qarava na Vakayagataki ni iKatini. Eratou lewena na matabose oqo na Mataveiliutaki Taumada, na Kuoramu ni i Apositolo Le Tinikarua, kei na Matabisopi Veiliutaki, me vaka a digitaki ena ivakatakila. Eratou na raica na vakayagataki ilavo na Tabana ni Tuvailavo kei na iLavo ena ruku ni nodratou vakatulewa na Komiti ni Tuvatuva kei na Vakayagataki iLavo. A dikevi ka soli na ripote ni kena vakayagataki na ilavo vakadonui.
Ni yavutaki mai na cakacaka ni dikevi ivola, eratou sa nanuma kina na Tabana ni Dikevi iVola ni Lotu ni sa salavata kei na lawatu kei na ivalavala ni vakayagataki ilavo vakadonui ena Lotu na ciqomi ni isolisoli kei na vakayagataki ilavo ena Lotu ena yabaki ka mai cava ena i ka 31 ni Tiseba 2001.
A sega ni dikevi mai na Tabana ni Dikevi iLavo ni Lotu na nodra vakayagataki ilavo na veisoqosoqo ka nona na Lotu ka ra dui cici ga vakataki ira. Na veisoqosoqo oqori era okati kina na Deseret Management Cooperation kei na veitabana eso kei na Brigham Young University kei na veikoronivuli ni vuli torocake eso. Ia a dikevi na nodra vakayagataki ilavo na veisoqosoqo oqo mai na veikabani ni dikevi fika. Me kena ikuri ga, a qai dikeva ga na Tabana ni Dikevi iLavo ni Lotu vata kei na nodra dui komiti ni dikevi ilavo na veisoqosoqo oqo ni sa ripotetaki vakadodonu na macala ni dikevi ivola.
Sa soli yani ena yalo veidokai
TABANA NI DIKEVI IVOLA
Wesley L. Jones
Manidia Liu
1 ni Epereli, 2002