Noumi Puken Kokkoten Pristut
Fori pwisin noumi puken kokkot ren ifa usun oupwe pwarata pwe ami chon kunon Kraist.
Non ewe December, ewe Aewin Presetensi a awora ew esinesin pwe 11 ier at repwe “poputa fiti … mwichen Aaronic Pristut … nepoputan ewe January non ewe ier repwene 12.”1
Pokiten ena, non ewe aewin kinikinin ei ier, mi chommong 11 ier mi mairu pwe tiper pwe repwe nomwetiw non Kinter tori pwan uputiwer mwirin nge iei ra pasini ewe sakrament non Raninfel pwe ir minafon soukowa.
Ua ekieki ika ion ekon nap an mairu ren ewe siwin—ekkewe soukowa ika semer me iner kewe. Me nein ekkei arap ngeni 80,000 minafon soukowa, chommong ir mi nom rech non ei pwinin non ei watten Conference Center ika ir mi fiti kich ren technology. Feito ngeni ewe watten Pwipwiochun ewe pristut!
Ei siwin a fori ei mwich epwe ew mi itefouno—mi tufich pwe epwe fen iei ewe watten mwichen chon amwochu ewe Aaronic Pristut non fansoun mi fiti mwichen pristut ren mwichenapen mwichefen. Pokiten auchean met mi fis, upwe awena ai kapas akkaewin ngeni ekkewe anuon non ewe Pristut seni Aaron.
Nesen kich mi Kaeo seni Urumwot
Ami pekin chon sukun, chommong neimi mi pwan awatteno ami sinenap, sa, mettoch oua sani seni pwan ekkewe ekkoch urumwot non sukun ika non pwisin ami nesen, kumi, me mwicheich nukun sukun, mi pachenong pekin urumwot.
Pokiten ua men sani pekin urumwot non unusen manauei, ua kan soun ingeiti ekkewe ir mi aochueno ar tufichin sensu tori ar angochuno. Ren an emon epwe ennetin angoch non och mettoch, mi nap, pwan fiti an pwisin sinenap, watte emmirit, fangeno, me chommong awa ren kait me practice. Ekkei sokkun chon sensu ir mi kan soun rong pochokunen esit me ren nour kanchi me ra chengen ne isonano met ir mi mochen iei fan iten mettoch mi nap non ekkan ran mwach.
Kich mi sinei chon Mwichefen me chon amwochu pristut ekkewe ir mi fen fetanoch ren kinikinin tekian pekin urumwot. Mi wor chommong awewe mi och, nge ua tongeni chok etettenatiw ekkoch ikei pokiten nouch kunok. Menin oupwe esinna ekkoch ekkei athlete: non iakiu, Jeremy Guthrie me Bryce Harper; non basketball, Jabari Parker me Jimmer Fredette; non soccer, Ricardo Rojas; me non rugby, William Hopoate; me non football, Taysom Hill me Daniel Sorensen. Emon me emon a fen awora watten an aninis ngeni an we urumot.
Nupwen ir mi fokkun fetanoch non ar urumot, ekkei athlete ir akkom repwe pwari pwe esap ir chon sensu mi unusoch ika aramas mi unusoch. Ra angang weires ar repwe angoch non ar kewe urumot—me manaueni ewe kapas allim. Ra uta nupwen ra turuno, me achocho ne nikitu tori nesoponon.
Anneani ewe Puken Kokkot
Non kumien urumot, mwokutukutun ew me ew urumwot a fis me achufengen non ew puken kokkot. Chon sensu ra kaeo wiser ren ew me ew mwokutukutun urumwot. Chon urumwot mi angangoch mi unusen kaeo ewe puken kokkot pwe nupwen ew mwokutukut a akko, ir mi wesen sinei, rese pwan ekieki ian repwe no ia me met repwe fori.
Sasing seni Dave Kaup/REUTERS/stock.adobe.com
Non ena chok napanap, kich chon amwochu ewe pristut mi pwan wor ach kumi (ew mwich) me ew puken kokkot (ekkewe pukefel me kapasen nouch soufos ikenai).
En mi apochokuna chon om we kumi?
Ifa ochun om kaeo noum we puken kokkot?
En mi wesewesen weweiti wisom?
Punungeni ekkewe Chon Ungenikich
Ach sipwe sopweno ewe kapasen anennefengen, kanchi mi murino ir mi sinei pochokunen me nipakingawen ar we kumi usun pwan an ekkewe chon ungenir. Ra forata ewe kokkoten urumwot epwe ngenir ewe tufichin win. Nge ami?
Ami mi sinei met sossot ami mi apwangapwang ngeni, me ami mi tongeni esinna ifa usun ewe chon koum epwe sotuni ne atano me enetipengawa kemi. Ami mi fori ami pwisin mwokutukutun urumwot me puken kokkot pwe oupwe sinei ifa usun oupwe ponuweni nupwen oua eppenufengen?
Nupwen oua weri sokopaten sossotun wenechar—ika me nein ekkoch ika nupwen oua anamon ne nenengeni ewe tv ika fon—ami mi sinei ami we kokkot. Ika emon chienom a ara kopwe un sakaw ika sotuni safei mi ngaw, en mi sinei met kopwe fori. Oua fen kaeo me sinei ifa usun oupwe ponuweni.
Ren ew kokkoten urumwot, ew puken kokkot, me ew nukuchar ne fori wisemi, oupwe kuna pwe sossot mi kukkun an nemenem womi. Oua fen finata ifa usun oupwe ponuweni me met oupwe fori. Ese auchea oupwe finata iteiten fansoun oua weri sossot.
Emon ekkewe Engon me Ruemon a keran chok aporousa ew porous mi awewei ei nongonong. Nupwen i emon pris non high school, a kukunou ren chienan kewe. Mwirin ar wes me mwongo, ra wunteng fetan nupwen emon neir a apasa pwe repwe no ngeni ew sokkun kachito. Ewe osukosuk pwe i mi sinei pwe ina echo kachito i esap katon. Ina mwo a mwitir mefi echimw me noninen usun ewe mettoch, i a fen kokkot ren ei. Iei ew peich seni noun we puken kokkoten pristut.
A ngasepwich me angei an pwaracho, a apasa, “Use pwapwaiti ena kachito. Waeino ren imwei we,” minne ra fori. Ew mecheresin mwokutukut a uwei ngeni win! Ier mwirin, emon chienan kewe mi nom ren non na pwinin a awewei ifa usun ei nenien appiru a pwari pwe ew minen pochokun ngeni an epwe pwaracho ngeni mettoch usun chok non manauan.
Peich seni ewe Puken Kokkot
Ua eisini ekkoch Chienei kewe repwe auroura ngenikich ekkoch mwokutukut oupwe wanong non noumi puken kokkot. Iei ar aurour mi murino:
-
Iotek iteiten ran fan iten watten saram me ew kapasen pwarata usun Jises Kraist.
-
Auseningoch ngeni afanafanen semom me inom, noum pisop, me noum souemwenin ekkewe Anuon me om mwich.
-
Kosap katon sasingin mi seneno me masowen won media mi ngaw.
-
Chechemeni ekkewe pwon ka fori ngeni Kot, me angang ne apwonureta.
-
Kaeo tutunapen pukefel usun soufos, me eppiru nongonongur mi och.
-
Efeiochu noun Samach won Nang ren ach angang ngenir.
-
Kuta chienemi mi och pwe repwe anisikemi ne winiti ewe aramas oua mochen.
-
Oupwe angangoch ne aea ewe app, ren FamilySearch me kutta pwisin uron om famini.
-
Ota nenien tumun ikewe kopwe suno ie seni ngawen mwokututuk.
-
Tongei me apochokuna ekkoch chon om we mwichen pristut.
Ua pwan porous ngeni ekkewe chon urumot ekkewe sasingir sia keran katon. Ua mwar ren ar rese affatereno ren met ir mi fori, ir chon urumot mi sinenap, nge ren pwan ir ion, pwe ir noun Samach won Nang mi tong me ir chon amwochu ewe pristut an Kot.
Iei sipwe ausening ngeni ar ekiek:
-
Jimmer Fredette, ikei i emon tiken a kaeo an epwe mina an neck tie, a apasa: “Ua fen kaeo ai upwe anongonong watte won ai mirit me nuku usun ennetin ewe kapas allim. A emweniei ai upwe emon ... chon ewe pristut mi nimenimoch me nap seni meinisin—eu nenien appiru mi murrino.”
SasingJimmer Fredette I emon tiken -
Bryce Harper, ikei i emon pwan mi pupunu, a makkei: “Ua ekieki pwe sufen, monil, me ewe MVP award epwe esenipato pwapwa. Eu mettoch ese nom. Iwe, Ua ... ammonata me [feino] ngeni ewe temple. Iei ua nom won ewe an [ne niwin] ngeni Semei won Nang me nom ren ai famini ese much—iei met a esenipato pwapwa mi nap won fonufan!”
SasingBryce Harper fiti punuwan we -
Daniel Sorensen, iei emon misineri, a apasa: “Eu puken kokkot mi och a eu kokkot a aea pochokunen me nipwakochun emon me emon ewe kumi. ... Nupwen ua anneani me anganga ekkewe nongonongen ewe kapas allimin Jises Kraist, ua tongeni sinei ifa usun ai upwe aea ai nipwakoch ne angang non ewe pristut.”
SasingDaniel Sorensen I emon misineri -
Jeremy Guthrie, iei i emon presetenin misin, a apasa: “Nupwen ngang emon tiken mi engon me ru ieri ... [Ua mefi] ewe Ngun mi Fel pwarata ngeniei [pwe] ‘Ei manau iei ewe fansoun ... [ach sipwe] monneta ne churi Kot.’2 Ewe kokkot pwe sipwe nuku non Kot me anganga ach nuku me aier me ren ewe Chon Amanau. ... Ewe puken kokkot a nom non ekkewe pukfel me ren ekkewe soufos mi manau.”
SasingJeremy Guthrie nupwen I emon presetenin misin -
Jabari Parker, ikei a efeioch ngeni emon elter, a apasa: “Use tongeni ekieki ewe aramas upwe winiti ika use finata ai upwe papatais. … Ua kinisou pwe Kot a nom non manauei an epwe emweniei iteiten ran.”
SasingJabari Parker atun efeiochun pristut -
Ricardo Rojas, iei a wisen presetenin pranch, a apasa: “Me ren an [Kot] pristut [sia] tongei aninis ren An angang. Sia kokko ach sipwe ‘tipe-pochokun o epinukunuk’3 non ach tumunu met mi ennet.” Ei a anisi an epwe feioch non an urumot me non wisan emon chon pristut.
SasingRicardo Rojas nupwen I emon presetenin pranch -
Taysom Hill, iei emon misineri, a mefi pwe ewe kapas alllimin Jises Kraist a eu puken kokkot non manauan. A apasa, “Ai nuku non an [Kot} kokkot me ai achocho ai upwe fori wisei non a awora kinamwe me pwapwa non manauach, ua sinei pwe Kot a pwapwa ren met ua fori.”
SasingTaysom Hill nupwen I emon misineri -
William Hopoate, iei a nom atun an efeiochu noun monukon fiti ruanu tapin aramas, a apasa pwe ewe kapas allim a anisi i an “epwe esina ewe chon ungeni kokkot me a ngeni pochokun non pekin ngun an epwe fiu ngeni ekkewe foun pek me angang ngeni ekkoch.”
SasingWilliam Hopoate atun efeiochun monukon
Nge en? En mi esinna nikinikum mi nap me pin pwe en noun Kot, emon chon uwei An pristut mi pin? Ren om ekieki nikinikum esemuch, fori om kokkot me puken kokkoten pristut pwe epwe emwenuk fansoun sossot me osukosuk. Ekieki me ru kokkoten pekin ungeni me eppeti.
Kokkoten ungeni a apochokuna kapasen pwarata me anapano om kopwe nom won ewe aan mi aukukkun me chokisikis. Awewe mi pachenong iotek iteitan, kaeo pukefel, fiti fan me tempel, moni ew ne engon, tapweno mwirin aurour mi pwa non ewe For the Strength of Youth puk.
Kokkoten eppeti mi pachenong kokkot me mwan ifa usun kopwe ungeni sossot. Nupwen oua sossot pwe oupwe ekisatiw ami nongonong, ami mi sinei me mwan met oupwe fori.
Mi auchea ngenikemi ew puken kokkot ren ena.
Ouse mefi pwe oua mochen iotek ikenai? Iei fansoun oupwene fori ewe mwokutukut oua fen okokkota.
Ami mi mefi ami kapasen pwarata a kisino? Mi wor ami mwokutukut ren ena. Ami mi sinei met oupwe fori.
Chon Angangoch non Mesen Kot
Ami chon uwei ewe pristut an Kot mi pin. Ami nikitu ne kamwochunuk ngeni ewe wokun mecha epwe siwini kemi ngeni ewe aramas esemuch ewe oua fen foruta pwe oupwe winiti.
Kot a sineok me tongek. I epwe efeiochu kemi me emweni kemi eipw me eipw.
Meni oupwe ekieki pwe ouse auchea, pwe ouse kiren mi fokkun angoch. Nge ena ese pung. Ouse sinei pwe Kot a esinei, ekkewe mettoch mi apwangapwang non ewe fonufan repwe feito atatiw ekkewe mi nap me pochokun?4
Iwe, en mi mefi apwangapwang? kese auchea? Congratulation, oua choni ewe mwichen urumot!
En mi mefi pwe kose auchea? en mi kis? Eni en Kot a mochen.
Met nenien appiru mi nap seni an David no ngeni ewe nenien manau ngeni emon chon ungeni mi eniweniw, Goliath? A anongonong won ewe Samon, ren ew kokkot, David a angasa i me ewe sounfiun Israel!5 Oupwe sinei pwe ewe Samon epwe nom remi nupwen oupwe kutta ami pwaracho ne nom won pekin ewe Samon. “Ika God a peni kich, io epwe tongeni ungeni kich?”6
I mi tongeni suki asam me anisi kich ne kutta pochokun me tufich sise sinei pwe mi wor rech.7
Ausening ngeni noumi kewe kanchi, usun ren sememi me inemi, pisop, me souemwenin ekkewe Anuon. Kaeo ewe puken kokkot. Anea ekkewe pukfel. Anneani kapasen ekkewe soufos non ei fansoun soponon. Fori pwisin noumi kokkot ren ifa usun oupwe pwarata pwe ami chon kunon Kraist.
Oupwe sinei me mwan ewe foffor oupwe fori ne apochokuna ngunumi me suseni saren ewe chon koum.
Fori ei me Kot epwe aea ami.
Iei, naman mi wor ekkoch mi eimueno inisir seni ewe kapas allim me rikino. Naman ekkoch ra mwot won nenien mwot me katon ewe urumot seni towaw. Naman ekkoch ra finata ne nomwetiw won ewe koskake, ina mwo ika ewe kanchi a fen sotuni tinirenong. Ua pesekemi oupwe amanaua, anisi me tongeir pwe ir chon ami team!
Ekkoch ra mochen tonong non ewe urumot—me ra fori. Met mi kon auchea pwe esap ifa usun angochur nge ifa usun ar chengen ne choni ewe urumot. Rese witi nour we nampa epwe kokko, pokiten ra sinei ekkewe uwokisin ra apasa, ika oua mochen angang ngeni Kot oua kokko ngeni ewe angang.8
Oupwe fori pwe oupwe tufichin play.
Oupwe fori ena ren ami kaeo me fori masowen noumi puken kokkoten pristut.
Won ewe aan oupwe muan me turuno—menin, fan chommong. Ouse unusoch; tur ina kinikinin ewe angangen murinono ewe mi mut ngeni kemi oupwe nimeti nikinikimi me angang non ew napanap mi och me uren tong. Ewe Chon Amanau me An Achesefan a awora ew aan ne akkufu ach muan seni ennetin aier.
Chon sensu mi angangoch ra aochueno ew kukkun kinikinin ar urumot non ipuku awa. En emon chon amwochu ewe pristut, mi auchea kopwe pwan a ani ei ekiek. Ika ka tur, aier me kaeo seni. Kaeo ne fori epwe murino mwirin. Amuchunon, epwe chok finiom. Kopwe kaeo ewe puken kokkot?
Ua peseok: Nuku non ewe Samon. Pwinitanong ewe unusen fouten Kot,9 me choni ewe urumot.
Ese chommong ekkewe mi sinenap ne play sport ren ewe kinikin mi tekia, nge ren chon kuno, mi chommong mi finata ar repwe tapweno mwirin Kraist.
Ennetin, ina ami misin non ei manau—ne kaeo napanapen ewe Samon, tonong won aanen chon kuno, me achocho ne manau anongonong won an Kot kokkot. Kot epwe anisikemi me efeiochukemi nupwen oupwe kun ngeni I. Ka tongeni fori ei pokiten en emon mi angangoch non Mesan.
Ua iotek pwe oupwe nikitu ne manau nimenimoch ngeni ewe pristut mi pin ami mi amwochu me achocho ne fori wisemi mi pin iteiten ran. Ua efeiochu kemi ren ewe tufich me mochen pwe oupwe fori. Ua apachata ai kapasen pwarata usun manamanen ewe pristut oua amwochu, usun soufos mi manau, me usun Jises Kraist me Wisen ach Chon Amanau me Chon Angasano. Non iten Jises Kraist, amen.