An ewe Mwichefen Kinikinin Cheki Repotun Moni, 2018
Ngeni ewe Aewin Presetensi an Ewe Mwichefenin Jises Kraist ren Aramas mi Pin non Fansoun Soponon
Pwi Achengicheng: Usun mi pwa non sopun 120 non ewe Doctrine and Covenants, ewe Mwichen kefinitan Aean Asoren Eu-ne-Engon, —mi masou ngeni ewe Aewin Presetensi, ewe Mwichen Engon me Ruemon Aposel, me ewe Chon Nemeni Pisop—, ra mutata aean moni seni Mwichefen. Kinikinin Mwichefen ra atou moni anongonong won kokkot, annuk, me foffor mi punguno.
An ewe Mwichefen Kinikinin Cheki Repotun Moni, minne a masou ngeni sou tipachem me a imuno seni meinisin kinikinin ewe Mwichefen, ra wisen cheki moni fan iten ar repwe tumunuochu ekkewe asor sia etiwa, moni sia aea, me tumunuochun pisekin Mwichefen.
Anongonong won kewe chek ra fis, an ewe Mwichefen Kinikinin Cheki Repotun Moni ra nuku pwe, non sokkopaten pekin meinisin, ekkewe asor sia angei, moni sia nounou, me pisekin ewe Mwichefen fan iten ewe ier 2018 mi rekotuni me aeaochu won nongonongen kokkot, annuk, me fofforun aneani moni. Ewe Mwichefen a tapweno ekkewe afanafan ngeni chon Mwichefen usun kokkoten moni, touau seni niwinimmang, me isois ngeni fansoun mi namwot.
Mi kawor ren sufon,
An ewe Mwichefen Kinikinin Cheki Repotun Moni
Kevin R. Jergensen
Meinapen Souemwen