Ti Pagannurotan ti Pammati
Ti Simbaan ni Jesucristo Dagiti Santo iti Ud-udina nga Aldaw

1 ^aMamatikami iti ^bDios, ti agnanayon nga Ama, ken iti ^cAnakna a ni Jesucristo, ken iti ^dEspiritu Santo.

2 Mamatikami a madusanto dagiti tao gapu kadagiti ^abukodda a basol a saan a gapu iti ^bnagbasolan ni Adan.

3 Mamatikami a babaen ti ^aPannubbot ni Cristo, ^bmaisalakan amin a sangkataw-an, babaen ti ^cpanagtungpal kadagiti ^dpaglintegan ken ^eordinansa ti Ebanghelio.

4 Mamatikami a dagiti umuna a pagbatayan ken ^aordinansa ti Ebanghelio: umuna, ^bPammati ken ni Apo a Jesucristo; maikadua, ^cPanagbabawi; maikatlo, ^dPanagbuniag babaen ti ^epannakaipabatok iti danum para iti pannakaugas dagiti basol; maikapat, Pannakaipatay dagiti ^fdakulap a para iti ^gsagut ti Espiritu Santo.

5 Mamatikami a nasken nga ^aawagan ti Dios ti tao babaen iti ^bpadto, ken babaen ti panangipatay kadagiti ^cdakulap dagiti naikkan iti ^dturay a ^emangikasaba iti Ebanghelio ken mangannong kadagiti ^fordinansa.

6 Mamatikami iti ^atimpuyog a kapada ti Nagkauna a Simbaan, a buklen dagiti ^bapostol, ^cpropeta, ^dpastor, maestro, ^emangaskasaba, ken dadduma pay.

7 Mamatikami iti ^asagut ti ^bpagsasao, ^cpadto, ^dpaltiing, ^eparmata, ^fpanagagas, ^gpanagipatarus ti pagsasao, ken dadduma pay.

8 Mamatikami a ^asao ti Dios ti ^bBiblia no ^chusto la ketdi ti pannakaipatarusna; mamatikami met a sao ti Dios ti ^dLibro ni Mormon.

9 Mamatikami iti amin nga ^aimpalgak ti Dios, amin nga ipalpalgakna, ken mamatikami nga adu pay ti ^bipalgakna a naindaklan ken napateg a banag maipapan iti Pagarian ti Dios.

10 Mamatikami iti makita a ^apanaguummong ti Israel ken ti pannakaisubli ti kasisigud ti ^bSangapulo a Tribu; a mabangonto ti ^cZion (ti Baro a Jerusalem) iti kontinente ti America; nga ^dagturayto a mismo ni Cristo iti daga; a ^emapabaronto ti daga ken awatennanto ti ^fkangayedan a ^gpannakaitan-okna.

11 Itandudomi ti ^akarbengan nga agrukbab iti Mannakabalin a Dios babaen ti ^bpanangibagnos ti ^ckonsensiami, ken ipalugodmi iti amin a tao ti umasping a karbengan, bay-anmi nga ^dagrukbabda iti wagas no kasano, sadino, ken no ania pay.

12 Mamatikami nga agtungpalkami kadagiti ari, presidente, mangituray, mahistrado, iti panagtungpal, panagdayaw, ken panangkanunong iti ^apaglintegan.

13 Mamatikami iti ^akinalinteg, kinapudno, ^bkinadalus ti dayaw, kinamanangngaasi, kinasaguday ken iti ^cpanagaramid iti naimbag iti amin a tao; ngarud, masaomi a sursurotenmi ti ^dpannursuro ni Pablo—Mamatikami iti amin a banag, ^emangnamnamakami iti amin a banag, adun a banag ti inibturmi, ken mangnamnamakami a kabaelanmi pay nga ^fibturan ti amin a banag. No adda ^gnadalus, makaay-ayo, wenno addaan iti nasayaat a pakasaritaan wenno pakaidayawan, tun-oyanmi dagitoy a banag.