Joseph Smith—Mateo 1


Joseph Smith—Mateo

Ti naadaw manipud iti patarus ti Biblia kas naipalgak ken ni Joseph Smith a Propeta idi 1831: Mateo 23:39 ken kapitulo 24.

Kapitulo 1

Ipadto ni Jesus ti agdidiaya a pannakadadael ti Jerusalem—Ibitlana pay ti maikadua a yaay ti Anak ti Tao, ken ti pannakadadael dagiti nadangkes.

1 Ta kunak kadakayo, a didakton makita manipud ita ken maammuan a siak ti insurat dagiti propeta, agingga a kunayo: Nagasat ti aumasideg iti nagan ti Apo, kadagiti ulep iti langit, ken kaduana amin dagiti nasantuan nga anghel. Sa naawatanna dagiti disipulona a nasken nga umay manen iti daga, kalpasan ti pannakaitan-ok ken pannakakoronana iti makanawan ti bDios.

2 Ket rimmuar ni Jesus, ken pimmanaw iti templo; ket sinurot dagiti disipulona, tapno denggenda, nga agkuna: Maestro, ipakitam kadakami dagiti patakder ti templo, a kas iti nasaom—Maduprakdanto, ket mabatidanto kenka a nakalkaldaang.

3 Ket kinuna kadakuada ni Jesus: Diyo kadi makita amin dagitoy a banag, ken diyo kadi ida maawatan? Pudno kunak kadakayo, awanto ti mabati ditoy, iti daytoy a templo, a abato iti rabaw ti sabali a dinto maduprak.

4 Ket pinanawan ida ni Jesus, ket napan iti aBantay ti Olibo. Ket bayat panagtugawna iti Bantay ti Olibo; sinurot dagiti disipulona a sililimed, a kinunada: Ibagam kadakami no kaanonto dagitoy a banag a nasaom maipapan iti pannakadadael ti templo, ken dagiti Hudio; ken ania ti btanda ti cyaaymo, ken ti dpanaggibus ti lubong, wenno ti pannakadadael dagiti enadangkes, nga isu ti panaggibus ti lubong?

5 Ket simmungbat ni Jesus, ket kinunana kadakuada: Dumngegkayo tapno awan ti tao a mangallilaw kadakayo;

6 Ta adunto ti umay a mangaramat iti naganko, nga agkuna—Siak ni Cristo—ket adunto ti maallilawda;

7 Ket iturongdakayonto tapno aagrigat, ket papatayendakayonto, ket bkaguradakayonto dagiti amin a pagilian, gapu iti naganko;

8 Kalpasanna adunto ti mapasakitan, ket liputandanto ti tunggal maysa, ket kaguradanto ti tunggal maysa;

9 Ket adunto ti lumtuad a sinsinan propeta, ket adunto ti allilawenda;

10 Ket gapu ta rumimrimbaw ti kinamanagbasol, adunto ti lumamiis ti apanagayatna;

11 Ngem ti agtalinaed a natibker ken saan a parimbawan, isudanto ti maisalakan.

12 No, ngarud, makitayonto ti amakarimon nga aramid iti panagladingit, a nasao ni bDaniel a propeta, a maipanggep iti pannakadadael ti cJerusalem, agtakderkayonto iti dnasantuan a lugar; isu a makabasa maawatanna koma.

13 Ket agkamang koma dagiti adda iti Juda kadagiti abantay;

14 Pumanaw koma ti adda iti tuktok ti balay, ket saan nga agsubli a mangala iti ania man iti balayna;

15 Wenno ti adda iti talon a mangsubli kadagiti lupotna;

16 Ket ay-ay pay dagiti addaan aanak, ken dagiti agpasuso kadagita nga aldaw;

17 Ngarud, ikararagyo iti Apo a saan koma nga iti panawen ti lam-ek ti pannagnayo, wenno iti aldaw a Panaginana;

18 Ta, kadagitanto nga aldaw, nakaronto ti panagrigat dagiti aHudio, ken kadagiti agindeg iti bJerusalem, dagiti saan pay a napnapan iti Israel, a mangibagi iti Dios, manipud iti punganay ti pagarianda agingga iti daytoy a kanito; saan, wenno iti kaano man a makapanto pay iti Israel.

19 Amin dagiti banag a pasamakenda pangrugian laeng dagiti pagladingitan a dumtengto kadakuada.

20 Ket malaksid no mayababa dagidiay nga aldaw, awanto kadakuada ti maisalakan; ngem para iti pagimbagan dagiti napili, a maibatay iti katulagan, mayababanto dagidiay nga aldaw.

21 Adtoy, imbagak kadakayo dagitoy a banag maipanggep kadagiti Hudio; ket manen, kalpasan dagiti parikut kadagidiay nga aldaw a dumteng iti Jerusalem, no asinonto man ti agkuna kadakayo, Imutektekan, adtoy ni Cristo, wenno dita, diyo patpatien;

22 Ta kadagidiay nga aldaw addanto met dagiti agparang a sinsinan a Cristo, ken sinsinan a propeta, ket agipakitadanto iti adu a tanda ken pagsidsiddaawan, tapno iti kasta, no mabalin, allilawendanto dagiti napili, dagiti napili a maibatay iti katulagan.

23 Adtoy, ibagak dagitoy a banag kadakayo para iti pagimbagan dagiti anapili; ken kasta met a makangngegkayonto iti bgubgubat, ken damdamag iti gubat; kitaenyo a saankayo a mariribukan, ta mapasamakto amin dagiti imbagak kadakayo; ngem saan pay a kanibusanan.

24 Adtoy, naibagakon kadakayo idi;

25 Gapuna, no kunadanto kadakayo: Adtoy, adda iti disierto; saankayo a mapan: Adtoy, adda iti nalimed a siled; saankayo a mamati;

26 Ta iti isisingising ti lawag ti agsapa iti adaya, ket agsaknap ti lawagna uray pay iti laud, ket saknapenna ti intero a daga, kastanto met ti yaay ti Anak ti Tao.

27 Ket ita ipakitak kadakayo ti pangngarig. Adtoy, sadino man ti yan ti bangkay, sadiay, ti paguummongan dagiti agila; kastanto met ti apanaguummong dagiti pilik iti uppat a suli ti daga.

28 Ket makangngegdanto iti gubgubat, ken damdamag iti gubgubat.

29 Adtoy agsaoak para iti pagimbagan dagiti pilik; ta addanto tumakder a pagilian a mangsuppiat iti sabali a pagilian, ken pagarian a mangsuppiat iti sabali a pagarian; addanto abisin, ken angol, ken ginggined, iti lugar dagiti addaan sagubanit.

30 Ket manen, gapu iti yaadunto ti basbasol, lumamiisto ti panagayat dagiti tao; ngem isu a di parimbawan, isunto ti maisalakan.

31 Ket manen, maikasabanto iti intero a alubong daytoy Ebanghelio ti Pagarian, para iti saksi ti amin a pagilian, sa umayton ti kanibusanan, wenno ti pannakadadael dagiti nadangkes;

32 Ket manen ti makarimon nga aramid ti panagladingit, a sinao ni Daniel a propeta, matungpalto.

33 Ket kalpasan a dagus ti riribuk kadagidiay nga aldaw, agsipngetto ti ainit, ket saanto nga ited ti bulan ti lawagna, ken agtinnagto dagiti bituen manipud iti langit, ket madayyegto ti bileg ti langit.

34 Pudno, kunak kadakayo, daytoy a kaputotan, a pakaipakitaanto dagitoy a banag, saanto a mapukaw agingga a saan a mapasamak amin nga imbagak kadakayo.

35 Nupay, umayto dagiti aldaw, a mapukaw ti langit ken ti daga; saanto pay la a mapukaw dagiti abalikasko, ngem matungpalto amin.

36 Ket, kas nasaok idin, kalpasan ti ariribuk kadagidiay nga aldaw, ken ti bileg iti langit madayyeg, isunto pay la ti panagparang ti tanda ti Anak ti Tao iti langit, ket isunto ti panagladingit amin dagiti tribu; ket makitadanto ti Anak ti Tao nga bumay manipud iti ulep ti langit, a nabileg ken napnuan dayag;

37 Ket asino man a mangipateg iti abalikasko, saanto a maallilaw, ta umayto ti Anak ti Tao, ket itugotnanto dagiti banghelna a bayabayen ti naindaklan nga aweng ti trumpeta, ket cummongendanto a sangsangkamaysa dagiti nabati kadagiti pilina manipud iti uppat a suli, manipud iti maysa a ngudo ti langit agingga iti bangir.

38 Ita adalenyo ti pangngarig ti aigos—No naganus pay dagiti sangana, ket mangrugrugi nga agbulong, ammoyo nga asidegen ti kalgaw;

39 Kasta met, kadagiti pilik, no makitadan dagitoy amin a banag, ammodanton nga asidegen, uray pay iti ridaw;

40 Ngem iti dayta nga aldaw, ken oras, awan ti asino man a amakaammo; awan, uray pay dagiti anghel ti Dios iti langit, no di la ti Amak.

41 Ngem kas kadagidi aldaw ni aNoe, kastanto met iti yaay ti Anak ti Tao;

42 Ta addanto kadakuada, kas kadagidi aldaw a sakbay ti alayus; ta agingga iti aldaw nga iseserrek ni Noe iti daong agkakaanda ken agiinumda, agaassawa ken mangaskasarda;

43 Ket awan ti ammoda agingga a dimteng ti layus, ket nilapunos amin ida; isu a kastanto met iti yaay ti Anak ti Tao.

44 Kalpasanna matungpalton dayta naisurat, ta kadagiti amaudi nga aldaw, duanto ti adda iti talon, maalanto ti maysa, ket bmabati ti sabali.

45 Duanto ti aggilgiling iti paggilingan, maalanto ti maysa, ket mabati ti sabali;

46 Ket no ania ti ibagak iti maysa, ibagak iti amin a tao; aagsiputkayo, ngarud, ta diyo ammo no ania nga oras ti yaay ti Apoyo.

47 Ngem ammuenyo daytoy, no ammo ti nasayaat a tao iti balay no ania nga oras ti yaay ti mannanakaw, nasiputanna koma, ket saan koma a nastrek ti balayna, ngem nakapagsagana koma.

48 Ngarud agsaganakayo met, ta iti dayta nga oras a diyo namnamaen, isu ti yaay ti Anak ti Tao.

49 Asino, ngarud, ti anapudno ken masirib a katulongan, nga inaramid ti Apo a mangituray iti pagtaenganna, a mangted kadakuada iti taraon iti naitani a panawen?

50 Nagasat dayta katulongan ti apo, nga inton umay, masarakanna a kasta; ket pudno kunak kadakayo, aramidennanto a mangituray kadagiti amin a sanikuana.

51 Ngem no dayta dakes a katulongan kunananto iti pusona: aItantan ti apok ti yaayna,

52 Ket rugiannanto a dangran ti padana a katulongan, ket makikaan ken makiinum kadagiti nabartek.

53 Umayto ti apo dayta a katulongan iti aldaw a dina sapsapulen, ken iti oras a dina namnamaen,

54 Ket guduaennanto, ket itedna ti guduana kadagiti managinsisingpet; addanto panagsangit ken apanangemkem.

55 Ket kastoy ti idadateng ti akanibusanan dagiti nadangkes, maibatay iti padto ni Moises, a kinunana: Maisinadanto kadagiti tao; ngem saanto pay nga isu ti kanibusanan ti daga, ngem into no kua.