Koroboki Aika Tabu
Ereman 14


Mwakoro 14

Tamuera e taetae ni burabetiia bwa e na oota te bong ao e na iai te itoi ae boou ngkana e bungiaki Kristo—Kristo e kabooia aomata man te mate n rabwata ao te mate n tamnei—Kanikinaean matena bon tenibong te bong n roo, uruakin taian bwa, ao taian mangaongao ni waakin te aba. Uakaan ma 6 I.K.

1 Ao ngkai e a koro bukina bwa aTamuera, te Reimwanaite e bon taetae ni burabetii bwaai aika a mwaiti aika aki kona ni koreaki.

2 Ao nooria, e taku nakoia: Nooria, N na anganiko te kanikina; bwa nimaua riki te ririki ae a na roko, ao nooria, ngkanne e na roko Natin te Atua bwa e na kabooia ni kabane ake a na kakoaua arana.

3 Ao nooria, N na anganingkami aei bwa te akanikina; bwa nooria, e na bon iai taian oota aika a korakora i karawa, n te aro are n te tairiki i mwaain rokona ao e na bon akea te roo, n te aro are e na taraa n ae e ngaina iroun te aomata.

4 Ngaia are e na bon ti teuana te ngaina ao te tairiki ao te ngaina, n aiaron ae ti teuana te bong ao akea te tairiki; ao bon aio te kanikina nakoim; bwa ko na ataa otin taai ao bungina naba; ngaia are ko na ataia ma te koaua bwa e na bon iai uoua te ngaina ao teuana te tairiki; ma e ngae n anne ao e na bon aki roo te tairiki; are te tairiki are i mwaain aae bungiaki.

5 Ao nooria, e na bon iai te aitoi ae boou ae e na oti, ae te aekaki ae kam tuai ma n nonoria ma i mwaaina; ao bon aio naba te kanikina nakoimi.

6 Ao nooria bon tiaki ti aei, a na bon mwaiti taian kanikina ao taian kamiimi i karawa.

7 Ao e na koro bukina bwa kam na bon kubanako ma ni miimi, n te aro are kam na abwaka nako aontano.

8 Ao e a koro bukina bwa ane e akakoaua Natin te Atua, ao e na bon karekea te maiu are aki totoki.

9 Ao nooria, e a bon tia n anganai te tua te Uea, iroun ana anera, bwa N na roko ma n tuangkami te bwai aio; eng, e a bon tia n anganai te tua bwa N na taetae ni burabetii bwaai aikai nakoiu; eng, e taku nakoimi: Takarua nakoia te botanaomata aio, rairinanomi ao katauraoa kawain te Uea.

10 Ao ngkai, ibukina bwa ngai te Reimwanaite, ma n tia n taekin ana taeka te Uea are e tuangai, ao ibukina bwa e bon matoatoa nakoimi, kam bon un irou ma n ukoukora kamaunakiu, ma n tia n ateweai nako ma i buakomi.

11 Ao kam na ongo au taeka, bwa ibukin aei ao I a tia n toka iaon oon te kaawa ae bubura aei, bwa kam aonga n ongo ana motiki taeka te Atua are e tataningaingkami ibukin ami bure, bwa kam aonga naba n ataa te rairannano.

12 Ao bwa kam aonga naba n ataa rokon Iesu Kristo, Natin te Atua, are aTaman karawa ma aonaba, te Tia Karikibwai ni kabane mai moana; ao bwa kam aonga n ataa kanikinaean rokona, bwa kam aonga ni kakoaua arana.

13 Ao ngkana kam akakoaua arana ao kam na rairinanomi man n ami bure ni kabane, bwa kam aonga ni kamaunaki n ana bmwakuri aika a raraoi.

14 Ao nooria, riki, iai riki te kanikina teuana ae N na anganiko, eng, ae kanikinaean matena.

15 Bwa nooria, e na bon mate bwa e aonga n reke te akamaiuaki; eng, e bon kakawaki irouna ao e bon riai bwa e na mate, bwa e aonga ni karekea te bmangauti nakon ane e mate, bwa aonga n uotaki aomata nako matan te Uea.

16 Eng, nooria, te mate e kakoroa bukin te mangauti, ao akaboaia aomata ni kabane man te moan mate—are te mate n tamnei; bwa ni kabane aomata, ma ni bbwakan Atam a bon cteweaki nako mai matan te Uea, ao a aranaki bwa a dmate, ni bwain te rabwata ao bwain te tamnei.

17 Ma nooria, mangautin Kristo e akaboia aomata ni kabane, eng, ni kabane aomata, ma n uotiia ni kaokia nako matan te Uea.

18 Eng, ao e a koro bukina bwa ibukin te aro n rairannano, ao ane e rairananona ao e na bon aki koreaki ma n teweaki nako nanon te ai; ma ane e rawa n rairananona e na bon koreaki man tewenakoaki nako nanon te ai; ao e na bon roko i aoia riki te mate n tamnei, eng, te kauoua ni mate, bwa a manga katokaki ni kaineti ma bwaai aika a raoiroi.

19 Ngaia are rairinanomi, rairinanomi, bwa mwiina kam atai bwaai aikai ao kam aki karaoi ao kam na bon kairaki ngkami nakon te kabuakakaki, ao kam na kairaki nakon te kauoua ni mate.

20 Ma nooria, n aron are I taekinna nakoimi ni kaineti ma te akanikina riki teuana, are kanikinaean matena, nooria, n te bong anne e na bon rinanon te mate ao e na broo taai ma n rawa n anga ootana nakoimi; ao namwakaina naba ma itoi; ao e na bon akea te oota iaon te aba man te tai are e na mate iai, i nanon te maan ae cteniua te bong, nakon te tai are e na manga teirake iai man te mate.

21 Eng, n te tai are e na anga iai tamneina ao e na bon iai arebwen te baa ao itini karawa i nanon te maan ae aoa aika a bati, ao e na ioioaki te aonaba ma n ruru, ao taian bwa ake a mena n te aonaba aei, ake a mena iaon te tano ao ake a mena i aan te tano, ake ti bon atai bwa a matoatoa n te tai aei, ke angiina riki a bon ikotaki n teuana ma ni matoatoa, a na bon uruakaki ma ni bmaenako.

22 Eng, a na bon raeuaki nakon uoua, ma ni kona n anooraki bwa a raeuaki ke a tabwenaua, ao ma n uruaki ni maibibi ni kabuta aon te aonaba, eng, iaon te tano ao i aan te tano.

23 Ao nooria, a na bon iai angibuaka, ao ana mwaiti maunga aika a na karinanoaki, n ai aekan te mwarua, ao e na mwaiti te tabo ake a na aranaki bwa mwarua aika ana riki bwa maunga, ake a ririeta.

24 Ao a mwaiti kawai aika a bati n totouaki aika a na uruakaki, ao a na riki ni kamaroa akaawa aika a mwaiti.

25 Ao a na mwaiti taian arua ni mate aika a na uki, ma n anganako aia mate; ao a na mwaiti aomata aika itiaki ake a na kaoti nakoia aika a mwaiti.

26 Ao nooria, e a tia n taetae te aanera nakoiu; bwa e taku nakoiu bwa e na iai rebwen te baa ao te iti i nanon te maan ae aoa aika a bati.

27 Ao e taku nakoiu bwa i nanon rebwen te baa ao itin karawa, ao te angi buaka, ao a na bon riki bwaai ake I a tia n taekin, ao e na rabunaki te aonaba ni kabuta n te aro i nanon te maan ae teniua te bong.

28 Ao e taku te anera nakoiu bwa a mwaiti aika na noori bwaai aika a korakora riki nakon aikai, bwa aonga ni kakoauai akanikina ao kamimi ake a na koro bukiia iaon te aba ni kabuta, bwa e aonga n ae a na akea bukin ae a na kakewekewe natiia aomata—

29 Bwa aio aan te kantaninga bwa ane e kakoaua ao e na kona ni kamaiuaki, ao akana aki kakoaua, e na roko i aoia te amotikitaeka ae raoiroi; ao ngkana a kabuakakaki naba a na bon karika oin kabuakakakiia.

30 Ao ngkai uringnga, uringnga, tariu, bwa ane e bua tamneina, e bon bua tamneina irouna; ao ane e karaoa te bure, e bon karaoia bon nakoina; bwa nooria, kam bon ainaomata; kam kariaiakaki ni mwakuri i bon ibukimi; bwa nooria, e a tia n anganingkami te batatai te Atua ao e a tia ni kainaomataingkami.

31 E a tia n anganingkami bwa kam aonga n aataa te raoiroi man te buakaka, ao e a tia n anganingkami bwa kam na brinea te maiu ke te mate; ao kam kona ni kaitara te raoiroi ao e na manga ckaokaki ae raoiroi nakoimi; ke te bwai are e raoiroi e na manga kaokaki nakoimi; ke ko kona ni karaoa ae buakaka, ao e na manga kaokaki ae buakaka nakoim.