1 Nooria, ngkai e a koro bukina bwa n aia kaonobwi ma ruaiwa n ririki n tautaeka taan moti i aoia te botanaomata ae Nibwaite, ao Nibwaai are natin Ereman, e ^aoki nakon te aba are Taraemera man te aba are e nako meang.

2 Bwa e a tia ni mena i buakoia te botanaomata ake a mena n aba are nako iang, ma ni kabwarabwara ana taeka te Atua nakoia, ma n taetae ni burabeti ni bwaai aika a mwaiti nakoia;

3 Ao a bon aki butimwaei ana taeka ni kabane, n te aro are e aki kona n tiku, ma e a manga oki nakon te aba are e bungiaki iai.

4 Ao e nooria aomata bwa a mena n te aro ae kakamaaku buakakana, ao and taan iraa Kateanton a kaaina te kaintekateka ni motikitaeka—bwa a tia n anaa te mwaaka ao te kariaiakaki n anga te tua n te aro ae aki riai; ma ni katikui ana tua te Atua, ao aio are e aki eti i matana; ma n aki karaoa ae momotiraoi nakoia natia aomata.

5 A kabuakakaia aika a raoiroi ibukin raoiroia; ma ni kariaia bwa taan karaoa te bure ma aika a buakaka a na aki katuaeaki ibukina bwa iai aia mwane; ao riki bwa aonga n tiku n aia tabo ni mwakuri n atuun te tautaeka, bwa a na kairiri ma ni karaoa are a tangiria, bwa aonga ni karekea aia raka ma mimitongin te ^aaonaba, ao riki, bwa e aonga riki ni beebete karaoan te wenenibure, ao te iraa, ma te tiritiri, ao ni karaoa aron are oin nanoia—

6 Ngkai te bure ae korakora aio a karaoia Nibwaite i nanon te maan ae e aki bati te ririki; ao ngke e noora aio Nibwaai, e onrake nanona n te nanokawaki; ao e bon bwaebwaeti ibukin kainnanon tamneina.

7 O, tera ngke I kona ni karekei boong aika aekan boong ngke e moan roko tamau are Nibwaai man te aba are Ierutarem, bwa N na kona ni kimwareirei mangaia n te aba ni berita; n te tai anne ao e rang beebete boakiia ana botanaomata, a nene ni kaawakin ana tua te Atua, ao a iremwe nakon karaoan ae bure; ao a waekoa n ongo n ana taeka te Uea—

8 Eng, ngke arona bwa au bong aekan boong aikanne, ao ngkanne e na bon kimwareirei tamneiu ibukin raoiroia tariu.

9 Ma nooria, I a karaua nanou bwa bon aikai au bong, ao bwa tamneiu e na onrake n te nanokawaki ibukin buakakaia tariu.

10 Ao nooria, ngkai e a koro bukina bwa iai te taua are e mena n ana onaroka Nibwaai, are e mena i rarikin te kawai ae rang totouaki are e kaineti nakon te tabo ni bobwai ae bubura, are e mena n te kaawa are Taraemera; ngaia are, Nibwaai e bobaraaki iaon te taua are e mena n ana on aroka, are te taua are e uakaan naba ma mataroan te onnaroka are e kaineti nakon te kawai ae rangi n totouaki.

11 Ao e a koro bukina bwa bon iai mwaane ake a rirarikiia ma n noora Nibwaai ngke e a kabaabanea nanona nakon te Atua iaon te taua; ao a biri nako n tuangiia aomata te bwai are a nooria, ao aomata a roko n uanao bwa a kan ataa bukin te nanokawaki ibukin buakakaia ana botanaomata Nibwaai.

12 Ao ngkai, ngke e teirake Nibwaai e nooria aomata ake a uanao ake a tia n ikoikotaki.

13 Ao e a koro bukina bwa e kaurea wiina ma n taku nakoia: Nooria ^ae aera ngkai kam a ikotingkami? Bwa N na tuangingkami buakakami?

14 Eng, ibukina bwa I toka iaon au taua ma ni kabaabanea nanou nakon Atuau, ibukin korakoran rawawatan nanou, are e riki ibukin ami buakaka!

15 Ao ibukin au tang ni wenei ma au bwaebwaeti ao kam a ikoikotingkami, ma ni miimi, eng, ao kam bon riai ni miimi; eng, kam riai ni miimi ibukina bwa kam anga nanomi, ao te riaboro e bon korakora ana tautau iaon nanomi.

16 Eng, kam kanga n anga nanomi nakon ana kabwakabwaka teuare e ukoukora karenakoan tamneimi nakon te nanokawaki ae aki totoki ao te maraia ae aki totoki?

17 O rairinanomi, rairinanomi! ^aE aera ngkai kam na mate? Rairaki, rairaki ngkami nakon te Uea ae Atuami. E aera ngkai e kitaningkami?

18 Ibukina bwa kam kamatoatoai nanomi; eng, kam rawa n ongo ni bwanaan te ^atia kaawakin tiibu ae raoiroi; eng, kam ^bkaunna bwa e na kaaitaraingkami n unna.

19 Ao nooria, ngkana kam aki rairinanomi ao e na aki ^aiakotingkami ma e na kamaenakoingkami ao kam na riki bwa te amwarake ibukiia kamea ma maan aika a kaakang.

20 O kam kanga ni mwaninga taekan Atuami i nanon boong are e kainaomataingkami iai?

21 Ma nooria, bon ibukin tangiran te raka ma aia kamoamoa aomata, eng, ao bwa e aonga n reke iroumi te koora ma te tirewa. Ao kam a tia ni kabanei nanomi iaon taian kaubwai ma bwain te ^aaonaba aio ae akea manenaia, are kam a tiriaomata ibukina, ma n iowawa n anaibwai, ma n iraa, ma ni ^bkabuakakaia raomi, ma ni karaoi aekan bure nako.

22 Ao ibukin aio ao e na roko iaomi te maraia ngkana kam aki rairinanomi. Bwa ngkana kam aki rairinanomi, nooria, te kaawa ae bubura aio, ma taian kaawa ake a uakaan, ake a mena n te aba are ti bwaibwai iai, a na bon anaaki ao e na akea nnemi iai; bwa nooria, te Uea e na bon aki anganingkami te ^akorakora, n aron are mai i mwaaina, are kam na tei iai ni kona ni kaaitaraia ami kairiribai.

23 Bwa nooria, e taku te Uea: N na bon aki kaota korakorau nakoia ake a buakaka, nakon te botaki ae buakaka teuana ao teuana, ma ti nakoia ake a rairinanoia man aia bure, ma n ongo n au taeka. Ao ngkanne ngaia are I tangiria bwa kam na nooria, tariu, bwa e ^anakoraoi riki ibukiia Reimwanaite nakoimi ngkana kam aki rairinanomi.

24 Bwa nooria, a bon raoiroi riki nakoimi, bwa a tuai ma ni bure ni kaitaraa te atatai are e korakora are kam a tia ni karekea; ngaia are te Uea e na nanoangaiia; eng, e na ^akaanaanaua aia bong ma ni kamwaita aia kariki, e ngae ngkana kam a bon bane ni ^bkamaunaki ngkana kam aki rairinanomi.

25 Eng, e na mena te maraia iaomi ibukin te mwakuri ae bati n ribaki are e korakora are e mena i buakomi; ao kam a tia n irekereke mangaia, eng, ma te koraki ni ^akaraba are e kateaki iroun Kateanton!

26 Eng, e na roko te ^amaraia nakoimi ibukin te kainikatonga are kam a tia ni kariaia bwa e na rin inanomi, are e a tia n tabekingkami rake riaon ae raoiroi ibukin korakoran ^bkaubwaimi aika a korakora!

27 Eng, te maraia nakoimi ibukin buakakami ma ami mwakuri aika bati n ribaki.

28 Ao ngkana kam aki rairinanomi kam na bon mate; eng, ao abami a na bon anaaki mai iroumi, ao kam na kamaunaki mai iaon te aonaba.

29 Ma nooria, I aki taekinna bwa a na riki bwaai aikai, mai irou, ibukina bwa I aki ^aatai bwaai aika mai irou; I bon nooria, I ataia bwa a koaua bwaai aikai ibukina bwa te Uea ae te Atua e a tia ni kaoti nakoiu, ngaia are I kakoauai bwa a na bon riki.