1 Kwaye ngoku kwenzekile okokuba emva kokuba uAlma ephezile ukuthetha ebantwini bebandla, elaye limiselwe kuso isixeko saseZarahemla, ^awamisela ababingeleli ^bnabadala, ngokubeka ^cizandla zakhe ngokohlobo lukaThixo, ukuba balongamele kwaye ^dbaligcine ibandla.

2 Kwaye kwenzekile okokuba nabani ababe ngengabo abebandla abathi baguquka kuzo izono zabo ^ababhaptizelwa enguqukweni, baza bamkelwa ebandleni.

3 Kwaye kanjalo kwenzekile okokuba noobanina ababengengabo abebandla ^aababengaguquki kuyo inkohlakalo yabo baze bazithobe phambi koThixo—ndithetha ngabo babephakamele ^bkwikratshi leentliziyo zabo—abo bakhutshwa, aza amagama abo ^cacinywa, ukuze amagama abo angabalelwa phakathi kwalawo angawamalungisa.

4 Kwaye njalo baqalisa ukumisa uhlobo lwebandla esixekweni saseZarahemla.

5 Ngoku ndinga ningaqonda okokuba ilizwi likaThixo lalikhululekile kubo bonke, okokuba akukho namnye owahluthwayo ilungelo lokuzihlanganisa kunye ukuze baphulaphule ilizwi likaThixo.

6 Nangona kunjalo abantwana bakaThixo babeyalelwe ukuba bahlanganisane kunye rhoqo, baze bamanyane ^aekuzileni ukudla nasemthandazweni onamandlakazi bethandazela intlalontle yemiphefumlo yabo babengamazi uThixo.

7 Kwaye ngoku kwenzekile okokuba akuba uAlma eyenzile le mimiselo wemka kubo, ewe, kulo ibandla elaye likuso isixeko saseZarahemla, waza wawelela ngasempuma yomlambo iTsidon, ^akwintlambo kaGidiyon, apho kwisixeko esasakhiwe, saze sabizwa isixeko sikaGidiyon, esasikwintlambo eyayibizwa ngokukuba yiGidiyon, esabizwa ngendoda ^beyabulawa sisandla sikaNehore ngekrele.

8 Waza uAlma wahamba waza waqalisa ukuvakalisa ilizwi likaThixo kulo ibandla elaye limiswe kwintlambo kaGidiyon, ngokwesityhilelo sobunyani belizwi elalithethiwe ngooyise, kwaye nangokomoya wesiprofetho owaye ukuye, ^angokobungqina bukaYesu Krestu, uNyana kaThixo, owayeza kuza kukhulula abantu bakhe ezonweni zabo, nohlobo olungcwele awayebizwa ngalo. Kwaye njalo kubhaliwe. Amen.