1 ¡Chitatabej, ix Gentilib, chitatabej ri u tzij ri Jesucristo, ri u Cʼojol ri Dios ri cʼaslic, ri u takom chwe chi quintzijonic chiwij ix! Chiwilampeʼ, areʼ cutak chwe chi quintzʼibaj, cubij:

2 ¡Chizolkʼomij iwib iwonojel ix, ri Gentilib, che ri itzel tak i be. Chiqʼuexaʼ i cʼux che ri itzel ri i banom, y che ri banow tak i tzij, y che ri subunic, y che ri i mac ri banom chquixol achijab y ixokib, y che ri i mac ri man esam taj chi sak, y che ri i kʼijilanic chque alaʼs tak tiox, y che ri i cämisanic, y che ri i banow tak itzibal re ajkʼijab, y che ri itzel quiwil wi ri cäquiban ri winak, y che ri i chʼoʼj, y ronojel ri i mac, cʼu ri itzel ri i banom! ¡Tisaj cʼu wucʼ, chibanaʼ i kasbal xeʼ jaʼ pa ri nu biʼ rech quicʼam ri resabal ri i mac, y rech quixnojisax che ri Lokʼalaj Uxlabixel, rech quixajilataj cucʼ ri e aj ri nu winakil, ri e aj uwo rachoch ri Israel!