Scriptures
3 Nefi 25


U tas 25

Cätakex u tzʼibaxic tak ri u tzij ri Malaquías; ri Elías cʼo jun nimalaj chac ri jachatal pa u kʼab; cäpe na ri nimalaj xibibal u kʼij ri Ajawaxel; cäjunamaxic we u tas riʼ rucʼ ri Malaquías 4.

1 Chiwilampeʼ cʼut, cäpe na ri kʼij ri cäcʼatic je tä ne jun tuj. Conojel ri cäquinimarisaj qui kʼij cʼut, kas jeʼ, conojel cʼu ri quebanow etzelal, are cäban na je pulax cʼu chque. Pa ri kʼij ri cäpetic, cäsach na qui wäch rumal ri kʼakʼ, man cäcanaj tä na cʼu ri qui xeʼ, mawi qui kʼab. Jewaʼ cubij ri Ajawaxel que ri ajchʼoʼjab.

2 Are cʼu riʼ, ri u Cojol ri Suqʼuilal cäpakiʼ na ulok rucʼ utzil wächaj pa ri u xicʼ. Je cuban chiwäch ix ri quixej iwib che nu biʼ. Ix cʼut quixbe na apanok, quixqʼuiy na je jas ri alaj tak wacäx pa ri qui corral.

3 Quitacʼalej cʼu na ri itzel tak winak. E areʼ quebux na je ri chaj chuxeʼ ri u pa ri iwakän. Cäban na waʼ pa ri jun kʼij ri quinban na waʼ, cächa ri Ajawaxel que ri ajchʼoʼjab.

4 Chinatajisaj ri pixab ri xubij ri Moisés, ri nu pataninel. Are riʼ ri pixab ri xintak che, chilaʼ pa ri tinimit Horeb. Xintak ulok waʼ pa u kʼab chque conojel ri e aj Israel, cucʼ ri takbal tzij y ri kʼatbal tak tzij.

5 Chiwilampeʼ, quintak na ri Elías chiwäch, are ri kʼalajisanel che ri cäpe na. Quinban na waʼ cʼä majok cäpe ri nimalaj xibibal u kʼij ri Ajawaxel.

6 Ri areʼ cʼut cutzolkʼomij ri canimaʼ ri tataʼib chque ri calcʼual, cutzolkʼomij cʼu na ri canimaʼ ri acʼalab chque ri qui tat. We tä ma tä cäban na jewaʼ, quinpe na, quinsoc u wäch ri ulew rumal jun nimalaj itzel tzij.