1 E an verite an verite, m di nou m gen ^alòt brebi ki pa nan peyi sa a, ni nan peyi Jerizalèm nan, ni nan onkenn pati nan peyi m t al preche yo.

2 Paske, moun m ap pale yo se moun ki poko tande vwa m yo; ni tou m poko janm prezante m devan yo.

3 Men, m te resevwa kòmandman nan men Papa a pou m t al kote ^ayo, pou yo tande vwa m e pou yo konte nan pami brebi m yo, pou kapab vin gen yon sèl twoupo ak yon sèl bèje; se poutèt sa, m al fè yo wè m.

4 Epi m kòmande nou pou nou ekri ^apawòl sa yo lè m fin ale, pou si pèp mwen an ki nan Jerizalèm nan, moun ki te wè m yo, e ki te avèk mwen nan travay ministè mwen an, pa mande Papa a nan non m, pou yo resevwa yon konesans nan men Sentespri a konsènan nou menm, ak konsènan lòt tribi yo pa konnen yo, pou pawòl sa yo n ap ekri a kapab kache, e pou yo kapab prezante devan ^bJanti yo; konsa, pa mwayen tout Janti yo nèt, rès desandan pèp Jerizalèm yo ki pral dispèse sou sifas latè a poutèt enkredilite yo a, kapab rasanble oubyen yo kapab gen yon ^ckonesans konsènan mwen menm, Redanmtè yo a.

5 Epi lè sa a, m ap ^arasanble yo sòti nan kat kwen tè a; e lè sa a, m ap akonpli ^balyans Papa a te fè avèk tout moun yo ki nan ^ckay Izrayèl la.

6 Epi ^ajanti yo beni poutèt yo kwè nan mwen, ak nan ^bSentespri a, ki ba yo temwayaj konsènan mwen menm ak konsènan Papa a.

7 Gade, Papa a di konsa, poutèt yo kwè nan mwen, e poutèt enkredilite nou, O, kay Izrayèl la, nan ^adènye jou yo verite a pral jwenn Janti yo, pou yo kapab konnen tout bagay nèt.

8 Men Papa a di konsa, men, malè Janti ki enkredil yo—paske, malgre yo te vini sou tè sa a, e yo te ^agaye pèp mwen an ki fè pati kay Izrayèl la; e yo te ^bchase pèp mwen an ki fè pati nan kay Izrayèl la sòti nan pami yo, e yo te pase yo anba pye yo;

9 Epi, poutèt mizèrikòd Papa a pou Janti yo, ak jijman Papa a tou sou pèp mwen an ki fè pati kay Izrayèl la, an verite an verite, m di nou, apre tout bagay sa yo, e m te fè bat pèp mwen an ki fè pati kay Izrayèl la, m te fè aflije yo, ^atouye yo, chase yo sòti nan pami yo, e m te fè rayi yo, yo te vin tounen yon wout ak yon non jwè nan pami yo.

10 Epi men sa Papa a te kòmande m di nou: Nan jou sa a lè Janti yo peche kont levanjil mwen an, e lè yo rejte plenitid levanjil mwen an, e lè yo ^agonfle kè yo avèk lògèy plis pase tout lòt nasyon, e plis pase tout moun ki sou tout tè a, e lè yo chaje avèk tout kalite manti, ak desepsyon, ak dega, ak tout kalite ipokrizi, ak asasina, ak ^bentrigdeprèt, ak abominab seksyèl, ak abominasyon sekrè; e si yo fè tout bagay sa yo e si yo rejte plenitid levanjil mwen an, Papa a di konsa, gade, m ap wete plenitid levanjil mwen an nan pami yo.

11 Epi lè sa m ap ^asonje alyans mwen yo m te fè avèk pèp mwen an, O kay Izrayèl la, e m ap pote levanjil mwen an ba yo.

12 Epi m ap montre nou, O kay Izrayèl la, Janti yo p ap gen pouvwa sou nou; okontrè m ap sonje alyans m te fè avèk nou yo, O kay Izrayèl la, e n ap vin gen ^akonesans plenitid levanjil mwen an.

13 Papa a di, men, si Janti yo repanti, e si yo retounen vin jwenn mwen, y ap ^akonte nan pami pèp mwen an, O kay Izrayèl la.

14 Epi Papa a di konsa, m p ap kite pèp mwen an ki fè pati kay Izrayèl la ale nan pami yo pou pyetine yo.

15 Men, si yo pa tounen vin jwenn mwen, e si yo pa koute vwa m, m ap kite pèp mwen an, O kay Izrayèl la, ale nan pami yo pou ^apase yo anba pye, e y ap tankou sèl ki pèdi gou l, e konsa ki pa bon pou anyen, eksepte pou yo voye l jete e pou pèp mwen an pase l anba pye, O kay Izrayèl la.

16 An verite an verite, m di nou, Papa a te kòmande m pou m bay pèp sa a tè sa a pou eritaj yo.

17 Epi lè sa ^apawòl pwofèt Ezayi a ap akonpli, pawòl ki te di konsa:

18 ^aSantinèl ^bou yo pral leve vwa yo; yo pral chante ansanm, paske avèk je pa yo, yo pral wè lè Senyè a ap mennen Siyon ankò.

19 Chante ak lajwa, chante ansanm nou menm zòn dezole Jerizalèm yo; paske Senyè a te rekonfòte pèp li a, li te rachte Jerizalèm.

20 Senyè a te dekouvri ponyèt li devan je tout nasyon; e tout kwen tè a ap wè sali Bondye a.