1 Mo nao, ^aJekob i bin talemaot plante moa samting long ol pipol blong mi long tetaem ia, be ol samting ia nomo mi bin ^braetem, from ol samting we mi bin raetem oli inaf long mi.

2 Mo nao mi, Nifae, mi raetem moa long ol toktok blong ^aAesea, from sol blong mi i harem gud long ol toktok blong hem. From bae mi yusum ol toktok blong hem long ol pipol blong mi, mo bae mi sendem olgeta i go long evri pikinini blong mi, from i tru we hem i bin luk ^bRidima blong mi, i olsem we mi bin luk hem.

3 Mo brata blong mi tu, Jekob, i bin ^aluk hem olsem we mi bin luk hem; taswe, bae mi sendem ol toktok blong olgeta i go long ol pikinini blong mi blong pruvum long olgeta se ol toktok blong mi oli tru. Taswe, tru long ol toktok blong ^btrifala, God i bin talem se, bae mi pruvum toktok blong mi. Be, God i sendem moa witnes, mo hem i pruvum evri toktok blong hem.

4 Luk, sol blong mi i harem gud blong ^apruvum long ol pipol blong mi, trutok long saed blong taem we Kraes bae i ^bkam; long narafala toktok, from stamba tingting ia nao God i bin givim ^dloa blong Moses; mo evri samting we God i bin givim stat long taem we wol i bin stat, i go long ol man, oli ol saen abaot hem.

5 Mo tu, sol blong mi i glad long ol ^akavenan blong Lod we hem i bin mekem wetem ol papa blong yumi; yes, sol blong mi i glad long gladhat blong hem, mo long jastis blong hem, mo paoa, mo sore long bigfala plan ia we i no save finis blong mekem man i kam fri long ded.

6 Mo sol blong mi i harem gud blong pruvum long ol pipol blong mi, se ^asapos Kraes i no kam bae evri man i mas ded.

7 From sapos i ^ano gat Kraes i no gat God; mo sapos i no gat God, yumi no gat, from i no bin save gat wan taem we oli bin ^bkrietem evri samting. Be i gat wan God, mo hem i Kraes, mo hem i kam long en blong taem we God i makem blong hem.

8 Mo nao mi raetem sam long ol toktok blong Aesea, blong mekem se evri man long ol pipol blong mi we oli luk ol toktok ia bae oli save leftemap hat blong olgeta mo glad from evri man. Nao, hemia nao ol toktok, mo yufala i save yusum long yufalawan bakegen mo long evri man.