1 Ao e koro bukina bwa ngai, Nibwaai, I okira ana umwa n rianna tamau i mwin au kaakarabakau ma te Uea.

2 Ao e koro bukina bwa e taetae nakoiu, ni kangai: I a tia ni mia te ^amii, are E tuangai iai te Uea bwa ko riai n oki ma tarim nako Ierutarem.

3 Bwa noria, iai iroun Raban aia rongorongo Iutaia ao aia ^akateiriki naba ara bakatibu, aika a koreaki i aon bwaatua aika buraati.

4 Mangaia ae e tua te Uea nakoiu bwa ngkoe ma tarim kam riai n nako nakon ana auti Raban, ao kam na kakaaei taian rongorongo, ao kam na uoti n oki nako nanon te rereua.

5 Ao ngkai, noria a ngurengure tarim, ni kaangai, e bon rangi ni kaangaanga te bwai are I a tia ni mwiokoiia iai, ma noria, I aki kainnanoa aei mai irouia, ma bon ana tua te Uea.

6 Mangaia ae, ko na nako natiu, ao ko na buokaki iroun te Uea, ngkai ko ^atuai ni ngurengure.

7 Ao e koro bukina bwa ngai, Nibwaai, I taku nakon tamau: N ^ana nako ao N na karaoi baike e a tia n tua te Uea, bwa I ataia bwa e na bon aki anga te ^bkaetieti te Uea nakoia natiia aomata, ma ti ngkana e a tia ni ^ckatauraoa te kawai ibukiia are a na kona iai ni kakoroa bukin te bwai are e tua nakoia.

8 Ao e koro bukina bwa ngke e tia n ongo taeka aikai tamau ao e a onrake n te kukurei, ngkai e ataia ae I a tia ni kakabwaiaaki mai iroun te Uea.

9 Ao ngai, Nibwaai, ma tariu ti a moana mwanangara i nanon te rereua, ma ara umwanrianna, bwa ti na nakon te aba ae Ierutarem.

10 Ao e koro bukina bwa ngke ti a roko n te aba are Ierutarem, ngai ma tariu ti a kaakarabakau imarenara.

11 Ao ti ^atautimoi—bwa antai mai buakora ae e na nako nanon ana auti Raban. Ao e a koro bukina bwa te timoi e reke iroun Reimwan; ao e nako Reimwan nako nanon ana auti Raban, ao e kaakarabakau mangaia n tekateka i nanon ana auti.

12 Ao e a butiia Raban taian rongorongo ake a koreaki i aon bwaatua aika buraati, aika iai i nanona taekan ana ^akateiriki tamau.

13 Ao noria, e koro bukina bwa e un Raban, ao e kaotinakoa mai matana; ao e aki anganna taian rekooti. Mangaia are, e taku nakoina: Noria bon te tia iraa ngkoe, ao N na tiringko.

14 Ma e biri nako Reimwan mai matana, ao e taekin baike e karaoi Raban, nakoira. Ao ti taonaki n te nanokawaki ae korakora, ao a kuri n oki tariu nakon tamau n te rereua.

15 Ma noria I taku nakoia bwa: Ngkai e maiu te Uea, ao ngkai ti maiu, ti na aki oki nakon tamara n te rereua ni karokoa ae ti tia ni kakoroa bukin te bwai are e a tia n tuatua te Uea nakoira.

16 Mangaia ae, ti riai ni kakaonimaki ni kaawakin ana tua te Uea; mangaia ae ti riai n okira aban ^arikin tamara, ngkai e katikui ana koora ma ana tirewa, ao aekan kaubwai nako. Ao e karaoi baikai ni kabane ibukin ana ^btua te Uea.

17 Bwa e ataia bwa e na ^auruakaki Ierutarem, ibukin buakakaia aomata.

18 Bwa noria, a tia n ^aaki butimwaai aia taeka burabeti. Mamgaia ae, ngke arona bwa e teimatoa ni maeka tamau iaon te aba i mwin ^btuangana bwa e na kitana te aba, noria, e na bon mate naba. Mangaia ae, e riai bwa e na kitana te aba.

19 Ao noria, e bon te wanawana iroun te Atua bwa ti riai n anai rongorongo^aaikai, bwa ti aonga ni kateimatoai iai aia taetae ara bakatibu nakoia natira;

20 Ao ti aonga naba ni ^akateimatoai nakoia taeka ake a tia n taekinaki mai wiia burabeti aika a tabu, aika anganaki mai iroun te Tamnei ni mwaakan te Atua, man moan rikin te aonaba, ni karokoa naba te tai aei.

21 Ao e koro bukina bwa I kairi nanoia tariu n te aro aio, bwa a na kakaonimaki ni kaawakin ana tua te Atua,

22 Ao e koro bukina bwa ti a mwananga nakon aban rikira, ao ti a booti ara ^akoora, ma ara tirewa, ma ara bwai aika a kakaawaki.

23 Ao ngke ti a tia ni booti baikai, ti a manga nako nakon ana auti Raban.

24 Ao e koro bukina bwa ti rin ni kawara Raban, ao ti butiia bwa e na anganiira taian rekooti ibukin rongorongo ake a koreaki iaon taian ^abwaatua aika buraati, ao ti na anganna ara koora, ma ara tirewa, ma ara bwai aika a kakawaki ni kabane bwa booia.

25 Ao e koro bukina bwa ngke e noori ara bwai Raban, aika moan te mwaiti, ao e ^amataai nanona iai, n te aro are e kakioira nako, ao e kanakoia ana toro bwa a na tiringira, bwa e aonga n anai ara bwai.

26 Ao e koro bukina bwa ti a birinako mai irouia ana toro Raban, ao ti kairoroaki bwa ti na katikui ara bwai, ao a reke i nanon bain Raban.

27 Ao e koro bukina bwa ti biri nakon te rereua, ao ti aki reke irouia ana toro Raban, ao ti karabaira i nanon te nangananga ni bwa.

28 Ao e koro bukina bwa e un Reimwan irou, ao iroun naba tamau; ao e un naba Remuera, bwa e ongo n ana taeka Reimwan. Mangaia ae a taekin ^ataeka aika rawawata Reimwan ma Remuera nakoira, tariia aika karimwiia, ao a oroira naba n te kai.

29 Ao e koro bukina bwa ngke a tabe n oroira n te kai, noria, e kaoti ana ^aanera te Uea n tei i mataia, ao e taetae nakoia, ni kangai: Bukin tera ngkai kam orea tarimi ane te karimwi n te kai? Kam aki ataia ae e a tia te Uea n rineia bwa e na ^btautaeka i aomi, ao aio ibukin buakakami? Noria, kam na manga nako riki nako Ierutarem, ao te Uea e na anga Raban nako nanon baimi.

30 Ao ngke e a tia n taetae nakoira te ^aanera, ao e nako.

31 Ao ngke e a tia n nako te anera, ao a manga ^angurengure naba Reimwan ma Remuera, ni kangai: E na kanga te Uea n anga Raban nako nanon baira? Nooria, bon te mwaane ae moan te korakora, ao e tautaekaniia tautia aika nimangaun, eng, e kona naba n tiringia nimangaun; ao tera bukina bwa e na aki tiringiira?