1 Ao e koro bukina bwa e taku te anera nakoiu: Taraia, ao nooriia kanoam, ao kanoaia naba tarim. Ao I taraia ao I a noora te ^aaba ni berita; ao I a nooriia aomata aika a uanao, eng, ae a kuri n titebo mwaitia ma mwaitin tanon marawa.

2 Ao e koro bukina bwa I a nooriia aomata aika a uanao aika a botaki bwa a na buaka, ni buaka imarenaia; ao I a noori naba taian ^abuaka, ma taekan taian buaka, ma te tiritiri ae korakora n te kabaang imarenaia au botanaomata.

3 Ao e koro bukina bwa I a noora te rooro ae mwaiti ae a bua, i nanon te bubuaka ma te itabaraara i aon te aba; ao I a noori naba taian kaawa aika a mwaiti, eng, ao I aki kona ni wareki mwaitia.

4 Ao e koro bukina bwa I a noora te ^abubu n nang ae ^broo i aon te aba ni berita; ao I a noori naba itin karawa ma n ongo rebwen te baa, ao mwaeiei, ma taian rebwetaua n aekaia nako; ao I a noora naba aontano ma taian bwaa bwa a tabwenaua; ao I a noori naba taian maunga aika a bwaka man riki bwa mwakoro aika a uarereke; ao I noori naba aaba aika aoraoi, bwa a uruaki; ao I noori naba taian kaawa aika a mwaiti aika a ^cinako; ao I noori kaawa aika a mwaiti aika a urarake n te ai; ao I noori aika a bwaka nako aontano, man korakoran rurun aontano.

5 Ao e koro bukina bwa ngke I a tia n noori bwaai aikai, ao I a noora te ^abubu n nang ae roo, ae e betinako mai matan te aonaba; ao taraia, I a nooriia aomata aika a uanao aika a aki bwaka ibukin ana moti te Uea ae kakannato ma ni kakamaku.

6 Ao I noora karawa ae uki, ao ^aAna Tiibu te Teei te Atua ae ruo rikaaki mai karawa; ao e ruo nako naano ao e kaota rabwatana nakoia.

7 Ao I nooria ma ni kakoaua naba bwa e ruo te Tamnei ae Raoiroi nako aoia aika ^atengaun ma uoman riki; ao a katabuaki mai iroun te Atua, man n rineaki.

8 Ao e taetae te anera nakoiu, ni kangai: Nooriia ana reirei te Tiibu te Teei aika tengaun ma uoman, ake a tia n rineaki bwa a na ibuobuoki nakoia kanoam.

9 Ao e taku nakoiu: Ko uringia ana ^aabotoro te Tiibu te Teei ake tengaun ma uoman? Nooria, bon ngaia ake a na ^bmotiki taekaia ana baronga Iteraera ake tengaun ma uabaronga; mangaia ae a na motikaki taekaia taan ibuobuoki ake tengaun ma uoman nakoia kanoam irouia; bwa bon kaain te bata are Iteraera ngkami.

10 Ao taan ^aibuobuoki ake tengaun ma uoman ake ko nooria, a na motiki taekaia kanoam. Ao nooria, a na teimatoa n raoiroi n taainako; bwa bukina ngkai e korakora aia onimaki iroun Ana Tiibu te Teei te Atua aia ^bkunnikai ana kamainainaki n raraana.

11 Ao e taku te anera nakoiu: Nooria! Ao I taraia, ao I nooria bwa ^ateniua rooro aika a bwaina te raoiroi i nanon maiuia: ao a mainaina kunnikaia n aiaron mainainan kunnikain Ana Tiibu te Teei te Atua. Ao e taku te anera nakoiu: A riki ni mainaina kunnikaia man raraan te Tiibu te Teei, ibukin aia onimaki irouna.

12 Ao Ngai, ae Nibwaai, I a nooria naba angiia kaain te ^akaaua n rooro aika a bwaina te raoiroi i nanon maiuia.

13 Ao e koro bukina bwa I a nooriia kaain te aonaba aika a uanao aika botaki.

14 Ao e taku te anera nakoiu: Nooriia kanoam, ma kanoaia naba tarim.

15 Ao e koro bukina bwa I taraia ao I nooriia aomata aika kanoau ni botaki ni mwaiti aika a uanao ni ^akaaitaraia kanoaia tariu: bwa a botaki bwa a nang buaka i marenaia.

16 Ao e taetae te anera nakoiu, ni kangai: Noora te koburake n ^aran ae kammaira are e a tia n nooria tamam; eng, are bon te ^bkaraanga are e taekinna; ao taabo ake a nano iai bon aiaron nanon ^cmoone.

17 Ao taian ^abubu n nang aika roo bon ana kariri te riaboro, aika a ^bkamataki taian mata, ao ni kamatoai nanoia natiia aomata, ao e a kairia nako nakon taian ^ckawai aika a rababa, bwa a aonga ni mate ao ni bua.

18 Ao te ^akateitei are buubura man mwawawa, are e a tia n nooria tamam, bon ^bnanoia ni kamoamoaia i bon irouia ma aia ^ckainikatonga natia aomata. Ao n te ^dmarenaua ae korakora man kakamaku e a kamaenakoia; eng, ae ana taeka ae ^emotiraoi te Atua ae Akea Tokina, ma te Mesia ae bon Ana Tiibu te Teei te Atua, are e kakoauai te Tamnei ae Raoiroi, man moan rikin te aonaba aio ni karokoa ngkai, ao ma ngkai ao n aki toki.

19 Ao ngke e tabe te anera n taekin taeka aikai, ao I a nooriia kanoaia tariu bwa a kaaitaraia natiu, n aiaron are e taekinna te anera; ao ibukin kainikatongaia kanoau, ma ana ^akariiri te riaboro, I a noora ^btokanikaia kanoaia tariu iaoia aia botanaomata kanoau.

20 Ao e koro bukina bwa I a taraia, ao n nooriia aia botanaomata kanoaia tariu aika a konaia kanoau; ao a maenako ni koraki aika a uanao ni kabuta te aonaba.

21 Ao I nooriia ni botaki n aroia aika uanao; ao I noori taian ^abuaka ma taekan taian bubuaka i marenaia; ao i nanon taian buaka ma taekan taian buaka I noori rooro aika a mwaiti aika a bua.

22 Ao e taku te anera nakoiu: Nooria aikai ake a na ^akerikaaki n aia aki onimaki.

23 Ao e koro bukina bwa I a nooria, bwa i mwin ae a kerikaaki n aia aki onimaki ao a riki bwa aomata aika ^abwatabwata, ao a kammaira, ma ni ^bbareka, ni kaonaki n te ^ctaningaroti ao mwakuri aika ribaki n aroia nako.