1 Ao ngkai I tangiria bwa kam na ataia, bwa ngke e a tia tamau, ae Riaai, ni katoka ana ^ataetae ni burabeti ni kaineti ma kanoana, ao e koro bukina bwa e a manga taetae riki nakoina te Uea, n taekinna bwa e aki tamaroa, iroun Riaai, ngkana e na kairiia ti kaain ana utu nako nanon te rereua; ma a riai natina mwaane ni karekeia ^bnaati aine bwa ^cbuuia, bwa aonga ni kariki nakon te Uea n te aba ni berita.

2 Ao e koro bukina bwa E ^atua nakoina te Uea bwa ngai; Nibwaai, ma tariu, ti riai ni manga oki riki nako aban Ierutarem, ao ni kairiia Itimaera ma ana utu nakon te rereua.

3 Ao e koro bukina bwa I a ^amanga nako naba ngai, Nibwaai, ma tariu n ri nanon te rereua n okira Ierutarem.

4 Ao e koro bukina bwa ti a nako ni kawara ana auti Itimaera, ao e reke tangirara imatan Itimaera, n te aro are ti taekin nakoina ana taeka te Uea.

5 Ao e koro bukina bwa te Uea e kamarauraua nanon Itimaera, ma kaain batana, n te aro are a mwananga ma ngaira n rinanon te rereua n okira ana umwanrianna tamara.

6 Ao e koro bukina bwa i aon kawaira i nanon te rereua, ao akea bwa a teirake ni kaaitaraira Reimwan ma Remuera n ikotaki ma natin Itimaera aine aika uoman, ma ^anatin Itimaera mwaane aika uoman ao kaain aia utu, eng, ni kaitaraai, ngai Nibwaai ma Taam, ma tamaia, ae Itimaera, ao buuna, ma natina aine ake teniman.

7 Ao e koro bukina bwa n tain te unraa aio ao a tangiria bwa a na oki nako aban Ierutarem.

8 Ao ngkai ngai, Nibwaai, e ^arawawata nanou n aron matoatoan nanoia, mangaia ae I a taetae nakoia, ni kangai, eng, nakoia naba Reimwan ma Remuera: Taraia ngkami tariu aika ikawai riki nakoiu, ao bukin teraa ngkai a rangi ni matoatoa nanomi, ao ni mataki ami kaantaninga, n te aro ae e riai bwa N na taetae nakoimi, ngai, ae tarimi ae te karimwi, eng, bwa I aonga ni katea te katooto ibukimi?

9 Kam a kanga n aki kan ongo ana taeka te Uea?

10 Kam a kanga naba ni ^amwaninga are kam a tia n noora ana anera te Uea?

11 Eng, ao kam a kanga n tia ni mwaninga aron korakoran bwaai ake e a tia te Uea ni karaoi ibukira, n aron ^akamaiuara mai nanon bain Raban, ai uana naba ma karekean taian rekooti iroura?

12 Eng, ao kam kangaa ni mwaninga ae e kona ni karaoi ^abwaai ni kabane te Uea ngkana a kaineti ma ana kaantaninga ibukiia natiia aomata, ngkana a kammwakura ^bonimakinana irouia? Mangaia ae, e riai bwa ti na kakaonimaki nakoina.

13 Ao ngkana ti kakaonimaki nakoina, ao ti na karekea te ^aaba ani berita; ao kam na ataia i nanon taai aika na roko ae a na koro bukin ana taeka te Uea n aron ^buruakan Ierutarem; bwa a na koro bukin bwaai ni kabane ake e a tia n taekin te Uea ni kaineti ma uruakan Ierutarem.

14 Bwa noria, e a kaan toki ana mwakuri Tamnein te Uea ni kairi nanoia; bwa noria, a tia ni ^akaakeaia burabeti, ao a tia ni karina ^bIeremia i nanon te umwa ni kaikain. Ao a tia ni kataia n anaa ^cmaiun tamau, n te aro are a kakioa nako man te aba.

15 Ao ngkai noria, I a tuangkami bwa ngkana kam oki nako Ierutarem ao kam na tiringaki naba ma ngaia. Ao ngkai, ngkana nanomi anne, okira te aba, ao uring au taeka ake I a tia n taekin nakoimi, ae ngkana kam nako ao ane kam na tiringaki naba; bwa e kairoroai Tamnein te Uea bwa N na taetae.

16 Ao e koro bukina bwa ngke I a tia n taekin taeka aikai, ngai ae Nibwaai, nakoia tariu, ao a un irou. Ao e koro bukina bwa a katokai baia iaou, bwa noria, a bon rangi n un ao a ^akabaeai n taian bwai ni kabaebae, bwa a kan anaa maiu, bwa a na katukai i nanon te rereua bwa N na kanaki irouia maan ni kaakang.

17 Ma e koro bukina bwa I tataro nakon te Uea, ni kangai: O te Uea, ni kaineti ma aron onimakinam irou, ko kona ni kamaiuai mai nanon baia tariu; eng, ao n anganai te korakora bwa I aonga ni kona ni ^amotiki kabaebae aika I kabaeaki iai.

18 Ao e koro bukina bwa ngke I a tia n taekin taeka aikai, noria, a kabwaraki kabaebae mai iaon baiu ma waeu, ao I a teirake i mataia tariu, ao I a manga taetae riki nakoia.

19 Ao e koro bukina bwa a manga un naba irou, ao a manga kataia naba ni katokai baia iaou; ma noria, temanna mai buakoia ^anatin Itimaera te aine, eng, ni ikotaki ma tinana, ma temanna natin Itimaera te mwaane, aika a bubuti nakoia tariu, n te aro are a kamarau nanoia; ao a katoka kan anaan maiu.

20 Ao e koro bukina bwa a nanokaawaki ibukin aia buakaka, n te aro are a katorobubua imatau, ao a butiai bwa N na kabwarai aia bure ibukin te bwai are a tia ni karaoia nakoiu.

21 Ao e koro bukina bwa I a waekoa ni ^akabwarai aia bure ni kabane are a tia ni karaoia nakoiu, ao I a tua nakoia bwa a na tataro nakon te Uea ae Atuaia ibukin kabwaran aia bure. Ao e koro bukina bwa a karaoa anne. Ao ngke a tia n tataro nakon te Uea, ao ti a waakina kawaira ni mwananga nakon ana umwanrianna tamara.

22 Ao e koro bukina bwa ti a nakon ana umwanrianna tamara. Ao ngke I a roko ma tariu ma kaain batan Itimaera n ana umwanrianna tamau, ao a anga aia ^akaaitau nakon te Uea ae Atuaia; ao a anga ^bkarea ao angabwai aika kabuekaki nakoina.