1 Ao ngkai, ngai, Nibwaai, I waaki ni koroi i aon taian ^abwaatua aikai aron au waaki, ma au tautaeka ma au mwakuri n ibuobuoki; mangaia are, ni waakinan taekan rongorongou, N na riai n taekin baike a riki nakon tamau ao nakoia tariu naba.

2 Ao e koro bukina bwa nooria, i mwin tian tamau n taekin kanoan ^amiina, ao ni kaungaia naba nakon te botumwaaka ni kabane, e taetae naba nakoia ni kaineti ma taekaia Iutaia—

3 Bwa i mwin are a na riai n tiringaki, iriana naba te kaawa ae korakora ae ^aIerutarem, ao a mwaiti ake a na ^buotaki nako ^cBwaburon bwa bure n ana tai te Uea are e a tia ni baireia, a na manga ^doki riki, eng, ni kamaiuaki man te tautaekanaki; ao i mwin kaokaia man te tautaekanaki, ao a na manga bwaibwai riki n aban rikiia.

4 Eng, ^aonobubua te ririki i mwin kitanan Ierutarem iroun tamau, ao e na kaikawaarake te ^bburabeti te Uea ae te Atua i buakoia I-Iutaia—ae te ^cMesia, ke n atongana teuana, te Tia Kamaiua te aonaba.

5 Ao e taetae naba ibukiia burabeti, ao a rangi ni mwaiti ake a tia ni ^akakoaua ibukin baikai, ni kaineti ma te Mesia aio, are e a tia n taekinna mai mwaaina, ke te Tia Kaboa te aonaba.

6 Mangaia are, a bane ni bua ao ni ^abwaka aomata nako, ao a na teimatoa n aroia aio ni karokoa ae a onimakina te Tia Kabooira aio.

7 Ao e taekina naba te ^aburabeti temanna are e na roko i mwaain te Mesia, bwa e na katauraoa kawain te Uea—

8 Eng, e na nako nakon te rereua n tataekina: ^aKatauraoa kawain te Uea, ao taraia bwa e na eti kawaina; bwa ane e na tei temanna i buakomi ae kam aki kinaa; ao e korakora riki nakoiu, are I aki tau bwa N na kabwara kabaean ana kau. Ao a mwaiti baike e taekin tamau ni kaineti ma aio.

9 Ao e taku tamau bwa e na bwabwabetito i ^aBetabara, are i mainikun Ioretan; ao e taku naba bwa e na ^bbwabwabetito n te ran; ao e na bwabwabetitoa naba te Mesia n te ran.

10 Ao ngkana e a tia ni bwabetitoa te Mesia n te ran, ao e na ataia ma ni kakoaua bwa e a tia ni bwabetitoa ^aAna Tiibu te Teei te Atua, are e na kamaunai buren aonaba.

11 Ao e koro bukina bwa ngke e a tia n taekin baikai tamau ao e a kaakarabakau nakoia tariu ni kaineti ma te euangkerio are e na riai n tataekinaki i buakoia I-Iutaia, ao ni kaineti naba ma ^abuaia Iutaia i nanon te ^baki onimaki. Ao ngkana a tia n ^ctiringa te Mesia, are e na roko, ao e na ^dmangauti mai buakoia maate i mwin tiringana, ao e na kaota rongorongona, iroun te ^eTamnei are Raoiroi, nakoia Tientaire.

12 Eng, e taetae naba tamau ni kaineti ma taekaia Tientaire, ao ni kaineti naba ma taekan te bata are Iteraera, bwa a na kabotauaki ma te ^akai ae te oriwa, aika a na oteaki mwangana ao a na ^bkamaenakoaki nako aon te aonaba.

13 Mangaia ae, e taku bwa ti riai ni katiteuanaki ni kairaki iroun te Uea nakon te ^aaba ni berita, bwa ti na kakoroa bukin ana taeka te Uea, are ti na kamaenakoaki nako aon te aonaba.

14 Ao i mwin kamaenakoan te bata are Iteraera ao e na manga ^aikotaki riki; ke, ni kakimototoa, i mwin ae a tia ^bTientaire ni karekea bwaninin te euangkerio, oin mwangan te ^ckai ae te oriwa, ke nikiraia kaain te bata are Iteraera, a na manga kanimwaki, ke a na karekea ataan rongorongon te Mesia ae koaua, are aia Uea ao aia Tia Kaboia.

15 Ao aikai aekan bwaai nako ake e taetae ni burabetia tamau n taekin nakoia tariu, ao a mwaiti riki bwaai ma I a aki koroi i nanon te boki aio; bwa I a tia ni koroi aika mwaiti ake I taku bwa a kakawaki i nanon au ^aboki are teuana.

16 Ao baikai ni kabane, aika I a tia n taekin, a karaoaki n ana tai ni maeka tamau i nanon te umwanrianna, n te mwarua are Remuera.

17 Ao e koro bukina bwa ngke I a tia ngai, Nibwaai, n ongora n ana ^ataeka ni kabane tamau, ni kaineti ma baike e noori i nanon ^bmiina ni burabeti, ao ni bwaai naba ake e taekin man mwaakan te Tamnei ae Raoiroi, ae te mwaaka are reke irouna man onimakinan Natin te Atua irouna—ao Natin te Atua bon te ^cMesia are e na roko—ngai, Nibwaai, I bon tangiria naba bwa N na kona n nooria, ao N na ongo, ao n atai baikai, rinanon mwaakan te ^dTamnei ae Raoiroi, are ana bwaintituaraoi te Atua nakoia ni kabane ake a ^ebotumwaaka n ukoukoria, tiaki ti n taai ake ^fngkoa ma n taai naba ake e na kaotia iai nakoia natiia aomata.

18 Bwa ^atitebo ngaia ngkoananoa, n te bong aio, ao n aki toki; ao e katauraoaki te kawai ibukiia aomata ni kabane ma ni moan katean te aonaba, ngkana a rairi nanoia ao a nakoina.

19 Bwa ane botumwaaka ni ukoukoria ao e na kunea; ao a na kaotaki ana ^abwai te Atua aika raba nakoia, ni mwaakan te ^bTamnei ae Raoiroi, ni boong aikai n aiaron naba boong ake ngkoa, ao n aiaron naba boong ake ngkoa ma boong aika a na roko; mangaia ae, ^ckawain te Uea bon te mronron ae akea tokina.

20 Mangaia ae uringnga, O te aomata, bwa e na ^amotikaki taekam man aroarom ni kabane.

21 Mangaia ae, ngkana ko motikia bwa ko na karaoa ae buakaka n am bong ni ^akataaki, ao e na motikaki taekam bwa ko ^baki itiaki imatan ana kaintekateka ni motiki taeka te Atua; ao bon akea te bwai ae bareka ae kona ni maeka ma te Atua; mangaia are, ko na tewenakoaki n aki toki.

22 Ao e a tia n anganai te kariaiakaki te Tamnei ae Raoiroi bwa N na taekin baikai, ao n aki karabai taekaia.