1 Ao ngkai ngai, Nibwaai, I aki korea kateirikiaia au bakatibu i nanon ^amwakoron au rekooti aei; ao bon akea riki te tai are N na manga koroia riki iai iaon taian ^bbwaatua aika I koroboki iaoia; bwa e a tia ni koreaki i nanon rekooti ake a koreaki iroun ^ctamau; mangaia are, I aki koroia i nanon bwaatua aikai.

2 Bwa e tau ngkana I a taekinna naba bwa ngaira boni kanoan ^aIotebwa.

3 Ao I taku bwa e aki kakawaki bwa N na karaua ni koroi bwaninin rongorongon baike a riki nakon tamau, bwa a aki kona ni koreaki iaon ^abwaatua aikai, bwa I kan kamwawa nnen baike I kan koroi aika taekan ana bwai te Atua.

4 Bwa oin bukin au koroboki bon ^aanaan nanoia aomata bwa a na ^bnakon Atuan Aberaam, ma Atuan Itaaka, ma Atuan Iakobwa, bwa a na kamaiuaki.

5 Mangaia are, I aki koroi bwaai aika ^akakukurei nakon te aonaba, ma I koroi baika a kakukurei nakon te Atua ao nakoia naake tiaki man te aonaba.

6 Mangaia ae, N na anga tua nakoia kanoau, bwa a na aki kanoai bwaatua aikai n taekan baika akea bonganaia nakoia natiia aomata.