1 E forma ku nan èldernan i presbíteronan tabata atministrá e karni i sanger di Kristu na e iglesia; i nan tabata atministrá esaki di akuerdo ku e mandamentunan di Kristu; pues nos sa ku e manera ta korekto; i e èlder òf presbitero tabata ministrá esaki—

2 I nan a bai na rudia ku e iglesia, i hasi orashon na e Tata den e nòmber di Kristu, bisando:

3 O Dios, e Tata Eterno, nos ta pidi bo den e nòmber di bo Yu, Hesu-Kristu, pa bendishoná i santifiká e pan aki pa e almanan di tur esnan ku partisipá di dje; pa nan por kome den memoria di e kurpa di bo Yu, i testifiká na abo, O Dios, e Tata Eterno, ku nan ta dispuesto pa tuma riba nan e nòmber di bo Yu, i semper kord’é, i warda su mandamentunan kual el a duna nan, pa nan por tin su Spiritu semper huntu ku nan. Amèn.