E Buki di Moroni
Kapítulo 1
Moroni ta skirbi pa e benefisio di e lamanitanan—Ta mata e nefitanan ku no ninga Kristu. Aproksimadamente 401–421 dK.
1 Awor ami, Moroni, despues di a pone un fin na kompilá e kroniká di e pueblo di Yared, mi a pensa di no skirbi mas, pero mi no a muri ainda; i mi no ta hasi mi mes konosí na e lamanitanan pa nan no destruí mi.
2 Pasobra mira, nan gueranan tabata ekstremadamente feros entre nan mes; i pa motibu di nan odio nan a mata tur nefita ku lo no ninga e Kristu.
3 I ami, Moroni, lo no ninga e Kristu; pues, mi ta anda na unda ku mi por pa protegé mi propio bida.
4 Pues, mi ta skirbi algun kos mas, kontrario na e lokual mi a suponé; pasobra mi a pensa di no skirbi nada mas; pero mi ta skirbi algun kos mas, ku kisas nan por ta di balor na mi rumannan, e lamanitanan, den algun dia futuro, di akuerdo ku e boluntat di Señor.