1 E palabranan di Kristu, kual el a papia na su disipelnan, e diesdosnan kende el a skohe, ora el a pone su mannan riba nan—

2 I el a yama nan na nòmber, bisando: Boso lo pidi e Tata den mi nòmber, den orashon poderoso; i despues ku boso a hasi esaki boso lo tin poder pa duna e Spiritu Santu na esun kende boso lo pone boso mannan riba dje; i den mi nòmber boso lo dun’é, asina mi apòstelnan ta hasi.

3 Awor Kristu a papia e palabranan aki na esnan na e tempu di su promé aparishon; i e multitut no a skuch’é, pero e disipelnan a skuch’é; i riba tur esnan ku nan a pone nan mannan, e Spiritu Santu a desendé.