1 E forma den kual e disipelnan, ku a wòrdu yamá e ansianonan di e iglesia, tabata ordená presbíteronan i maestronan—

2 Despues ku nan a hasi orashon na e Tata den e nòmber di Kristu, nan tabata pone nan mannan riba nan, i bisa:

3 De e nòmber di Hesu-Kristu mi ta ordená bo pa ta un presbítero (òf si e ta un maestro, mi ta ordená bo pa ta un maestro) pa prediká arepentimentu i remishon di pikánan pa medio di Hesu-Kristu, mediante e perseverensia di fe den su nòmber te na fin. Amèn.

4 I di e manera aki nan tabata ordená presbíteronan i maestronan, di akuerdo ku e donnan i yamamentunan di Dios na hende; i nan a ordená nan pa medio di e poder di e Spiritu Santu, kual tabata den nan.