1 Áko shooh shí, Moroni, éí shizhéʼé, Mormon, baa haneʼę́ę ałtso íishłaa. Áko shooh, shí éí tʼáá díkwíhígo tʼéiyá nááhásóóh, éí éí shizhéʼé bikááʼ ádíílííł shidííniidę́ę tʼéiyá.

2 Áádóó áko baa hoolzhiizh tʼóó báhádzidgo Cumorahdi daʼahijoogą́ą́ʼ dóó bikʼijįʼ, áko shooh, Nephi dineʼé shádiʼááhjigo adahineezhchą́ʼą́ą éí Laman dineʼé hadabinitáago, ałtso ndabistseedjįʼ.

3 Áádóó shizhéʼé ałdóʼ dayiisxį́, dóó tʼáá sáhí éí naasháago díí shidineʼé ałtso ásdįįdę́ę baa yínííł nishłíigo haneʼ nááhásóóh. Ákondi shooh, éí ałtso ásdįįd, dóó shizhéʼé áshidííniidę́ę ałtso bohooshłaa. Áádóó dashidiyoołhééł daatsʼí, éí doo shił bééhózin da.

4 Éí bąą nʼdeesoh dóó nahasdzáán biyiʼ ńdideeshʼį́į́ł; dóó háajigo deesháłígíí éí doo baa ntséskees da.

5 Áko shooh, shizhéʼé éí díí haneʼ áyiilaa, dóó íinízinígíí éí yiiʼ nááyíizo. Áádóó áko shooh, shídóʼ éí biniyé nááhídéesoh nisin ndi béésh tʼą́hí bikááʼ haneʼígíí, éí doo bikááʼ hazʼą́ą́góó biniinaa, doo ádeeshłíił da; dóó tsé béésh tʼą́hí bitsʼą́ą́dóó álʼínígíí éí shee ádin, háálá tʼáá sáhí éí naashá. Shizhéʼé éí daʼahijoogą́ąʼgo biʼdiisxį́, dóó tʼáá ałtso shikʼéí, dóó áhánígo bił ahéédahasinée ádaadin doodago háajigo deesháłígíí éí doo shił bééhózin da; dóó haashį́į́ nízahjįʼ Diyin Bóhólníihii hinishná dooleełígíí yee shá hoołʼaʼígíí éí doo shił bééhózin da.

6 Áko shooh, dį́įʼdi neeznádiin éí ałtso nááhai nihiBóhólníihii dóó Yisdáʼiiníiłii níyáhą́ądą́ą́ʼ dóó wóshdę́ę́ʼ.

7 Áádóó áko shooh, Laman dineʼé éí shidineʼé, Nephi dineʼé, tʼáá ałtso, kindaatahgóó, dóó ndahazʼą́ągo, hadeinitáago, tsʼídá ałtso ásdįįdjįʼ ndi; dóó ayóó átʼáo ádabiʼdisdįįd; aooʼ, ayóó átʼáo shidineʼé, Nephi dineʼé, ndabiʼdistseed.

8 Áádóó áko shooh, díí éí Diyin Bóhólníihii bílaʼ bikʼehgo áhóótʼįįd. Áádóó ałdóʼ áko shooh, Laman dineʼé ałdóʼ tʼáá bí ałkʼiijééʼ; dóó díí kéyah tʼáá ałtso bikááʼgóó diné ndaʼahiltseedgo hahoolzhiizh; doo díí daʼahijigą́ ndootʼihígíí éí doo bił bééhóziní da.

9 Áádóó áko, shooh, éí doo baa yánáádeeshtih da, háálá kéyah bikááʼgóó éí Laman dineʼé dóó daʼniʼįįhii tʼéiyá hólǫ́.

10 Áádóó tʼáá háiida Diyin God tʼáá aaníí hináago dayoodlánígíí éí ádin tʼáá hazhóʼó Jesus yikééʼ naazínée tʼéiyá, háálá éí éiyá tʼáá íiyisíí diné bąąhági átʼéii yaa ńdiikaijįʼ yitahgóó ndaakai ńtʼę́ę́ʼ áko Diyin Bóhólníihii nahjįʼ ayíínil; dóó tʼahdii daatsʼí kéyah yikááʼ naakai éí doo bił bééhóziní da.

11 Ákondi shooh, shizhéʼé dóó shí éí yiiltsą́, dóó nanihineeztą́ą́ʼ dóó nihikʼijisdliʼ.

12 Áádóó tʼáá háiida díí haneʼ beítʼą́ągo, dóó doo niʼiilzííh biiʼ hólónígíí biniinaa dóó tʼáá ádzaagóó yá haadzíʼígíí, éí diné náásgóó ayóó átʼéii ádahodooníłígíí ałdóʼ bił bééhodoozįįł. Áko shooh, shí éí Moroni áshtʼį́; dóó tʼáá bíighahgo, éí tʼáá ałtsoní nihił ííshją́ą́ ádeeshłííł ńtʼę́ę́ʼ.

13 Áko shooh, éí tʼáá ákótʼéhégo díí diné baa hodeeshnih. Shí éí Mormon biyeʼ nishłį́, dóó shizhéʼé éí Nephi yitsʼą́ą́dóó hazlį́į́ʼ.

14 Áádóó shí éí tʼáá éí diné díí haneʼ Diyin Bóhólníihii bichʼįʼ ńdéłʼį́ʼę́ę áshtʼį́; díí béésh tʼą́hí éí doo bą́ą́h ílíní da, háálá Diyin Bóhólníihii ádííniidígíí biniinaa. Háálá tʼáá aaníí ádííniid tʼáá háiida éí doo yee ńdiʼdoodléeł da; ndi haneʼ biiʼígíí éí tsʼídá ayóó ílį́; dóó tʼáá háiida hootʼį́įjįʼ chʼíiníʼánígíí, éí Diyin Bóhólníihii bikʼihojidoodliił.

15 Háálá tʼáá háiida éí doo yikʼidínóotʼáał da tʼáá hazhóʼó Diyin God beiníʼą́ągo tʼéiyá; háálá Diyin God iinízingo díí binʼdoonishígíí ayóó átʼáo bichʼįʼ aʼdéistʼį́įgo ádoolnííł; éí doodaiiʼ ałkʼidą́ą́ʼ dineʼé dóó taooskaiyę́ę Diyin Bóhólníihii yił ahadaʼdeestʼánée yił ííshjání íidoolííł.

16 Áádóó tʼáá háiida díí ííshją́ą́ íidoolíiłgo éí bikʼihojidoodliił; háálá Diyin God bizaad áníigo, éí díí chahałheeł biyiʼdóó dóó ńléí adinídíín biyiʼjįʼ hadootʼááł; aooʼ, tʼáá aaníí nahasdzáán biyiʼdę́ę́ʼ hadootʼááł, dóó chahałheełdę́ę́ʼ bee chʼídiʼdooldlał, dóó diné bił béédahodoozįįł; dóó díí éí Diyin God bibee adziilii binahjįʼ ákódoonííł.

17 Áádóó niʼiisdzííʼgo éí diné tʼáá bí átʼį́į dooleeł. Ákondi shooh, nihí nihił béédahózingo éí niʼiisdzíʼígíí biyiʼ ádin; ákótʼée ndi Diyin God éí tʼáá ałtsoní bił bééhózin; éí bąą, díí haneʼ bikʼijįʼ yájíłtiʼígíí éí tʼáá ádaa áhojilyą́ą doo háálá ákójítʼį́įgo éí chʼį́įdiitah hodookʼą́ą́ł ákʼizhdidootʼááł.

18 Áádóó tʼáá háiida kónínígíí: Shił ííshją́ą́ óhłééh, éí doodago atínihideeshłííł—éí hazhóʼó ádaa ákoznidzin dooleeł háálá éí Diyin Bóhólníihii dooda nínée éí yee hadoodzih.

19 Háálá áko shooh, tʼáá háiida tʼáadoo hazhóʼó baa ntsáhákeesí ánahwiiʼaahígíí éí ałdóʼ tʼáadoo hazhóʼó baa ntsáhákeesí bá nahodootʼááł; háálá naanish áyiilaaígíí éí binahjįʼ bichʼįʼ nʼdoolyééł; éí bąą, tʼáá háiida atíʼáłʼínígíí éí Diyin Bóhólníihii ałdóʼ atíbidoolííł.

20 Áko shooh Diyin bizaad bee akʼedaʼashchínígíí éí ání—diné éí doo atíʼáłʼį́į da dooleeł, doo ndóʼ ánihwiiʼaah da; háálá Diyin Bóhólníihii áníigo éí, ánihwiitʼaah éí shí, dóó akʼeʼdinih ałdóʼ shí, dóó shí éí ninaʼdeeshdlééł.

21 Áádóó tʼáá háiida Diyin Bóhólníihii binaanish bikʼee há háchįʼgo dóó bikʼijįʼ yájíłtiʼgo, dóó Diyin Bóhólníihii bidineʼé yił ahadaʼdeestʼánée da éí éí Israel bighandóó danilínígíí, kódajiníigo: Diyin Bóhólníihii binaanish éí dadiilchxǫǫł, dóó Diyin Bóhólníihii éí Israel bighandóó danilíinii yił ahadaʼdeestʼánée doo yénálniih da dooleeł—éí áko jinínígíí éí Diyin God bidineʼé bitahdóó nahjįʼ hodookʼą́ąłjįʼ kóhodiʼdoolnííł;

22 Háálá Diyin Bóhólníihii hoolʼáágóó bohootʼáłígíí éí tʼáá náás yiltsʼił dooleeł, ńléí yee nihoníʼą́ ałtso bidaʼalyaajįʼ.

23 Isaiah náásgóó ádahodoonííł níigo yaa halneʼę́ę éí deínóhłtaʼ. Áko shooh, shí bikááʼ ádeeshłíłígíí éí doo bóhónéedzą́ą da. Aooʼ, áko shooh shí éí ánihidishní, tʼáá ałtso diné Diyin yá naazínée shilą́ąjįʼ aheeskaiyę́ę, dóó díí kéyah yikááʼ kéédahatʼínée, aooʼ, éí łeezh biyiʼdóó Diyin Bóhólníihii yichʼįʼ nidaʼookąąh dooleeł; dóó Diyin Bóhólníihii hinánígíí éí yił ahadaʼdeestʼánée éí yéédoolnih.

24 Áádóó éí bikʼiské yá sodadoolzinée, bił bééhózin. Áádóó éí éí bidaʼoodląʼ bił bééhózin, háálá bízhiʼ binahjįʼ éí dził nahgóó kódeiléehgo yídaneelʼą́; dóó éí bízhiʼ binahjįʼ nahasdzáán ndeidiyoołnáałgo yídaneelʼą́; dóó bizaad bibee adziilígíí binahjįʼ éí awáalyah niʼjįʼ ndahaasdááz; aooʼ, kǫʼ dookʼą́łígíí ndi doo atídabiiłʼį́į da, dóó naaldlooshii daʼałchinii doodago naʼashǫʼii ndaʼałtseedígíí ałdóʼ doo baa ńdaatʼį́į da, háálá bizaad ayóó bidziilígíí biniinaa.

25 Áádóó áko shooh, Diyin Bóhólníihii náasdi díí haneʼ yichʼįʼ kwíidoołíłígíí ałdóʼ yá sodadilzin.

26 Áádóó doo ádahodooníił da tʼáadoo dadohníní, háálá éí tʼáá aaníí ádahodoonííł, Diyin Bóhólníihii bílaʼ yee yiʼdoolííł, háálá Diyin Bóhólníihii yee haadzííʼ; nahasdzáán biyiʼdę́ę́ʼ, doo éí háiida niʼíidoolíił da; áadi yoołkáałgo baa hodoolzhish álílee ádin haʼníi doo; dóó éí andahaskaiyę́ę yádaałtiʼ nahalingo éí áhodoonííł.

27 Áádóó áadi yoołkáałgo baa hodoolzhish Diyin yá naazínée bidił dadeeznaʼąą Diyin Bóhólníihii yichʼįʼ sodadilzin doo, háálá chahałheeł biiʼ nanilʼingo naʼanishígíí hólǫ́ǫgo biniinaa.

28 Aooʼ, áadi yoołkáałgo baa hodoolzhish Diyin God bibee adziilii doo dayoosdląądgóó, dóó sodizin ałtso tʼóó baaʼih daazlį́įʼgo dóó ádaa dahaʼniih daazlį́įʼgo; aooʼ, áadi yoołkáałgo ndi sodizin alą́ąjįʼ ndaazínígíí dóó yá ndaʼnitinígíí éí ádaa dahasnihgo, sodizinjí yił yah ańdaajahígíí da yidááh danilį́į dooleeł ndi.

29 Aooʼ, áadi yoołkáałgo baa hodoolzhish ndahodiiltłiʼ haʼníigo baa dahaneʼ, dóó níyoltsoh ndaakai doo, dóó ayóó átʼáo łid danízaadgo kédaayah bikááʼgóó dahólǫ́ǫgo, éí áko ákódeitsʼaʼgo;

30 Áádóó daʼahijigą́ haʼníi doo, ałkʼináájiijééʼ jiní haʼníi doo, dóó ałʼąą ádahootʼéégóó kéyah ndahaʼná dahaʼníigo ádahodoonííł.

31 Aooʼ, áadi yoołkáałgo baa hodoolzhish tʼáá ałtso kéyah bikááʼgóó níłchʼi dóó tó dóó kéyah da tʼóó baaʼihígíí biiʼ dahólǫ́ǫ doo; dóó diné ndaʼałtseedii, dóó daʼniʼįįhii, dóó dabiyoochʼíidii, dóó bindaʼadloʼii, dóó diné dóó asdzání bee tsíʼnaʼadáh hólǫ́ǫ doo, dóó tsʼídá aláahdi joodláhí ałʼąą ádaatʼéhígíí baa naʼaldeeh dooleeł; tʼóó ahayóí kódaaní silį́įʼgo, Díí ánílééh, éí doodago éí ánílééh, doo éí átʼéhé da, háálá tʼáá háiida kónínígíí éí Diyin Bóhólníihii bá nihodooʼááł. Ákondi yíi ákódaanínígíí, háálá éí bikʼeʼashchʼííʼgo bikʼeʼíyééʼdéé dóó bąąhági átʼéii dabótąʼ dooleeł.

32 Aooʼ, áadi yoołkáałgo baa hodoolzhish sodizin bá hooghan tʼóó ahayóí ałʼąą bee dah daʼíldééh silį́įʼgo éí, kódaaníi dooleeł: Wóshdę́ę́ʼ shaa hohkááh, dóó nihibéeso binahjįʼ bąąhági ádaotʼínígíí bee nihaandiʼdootʼááł.

33 O nihí diné bąąhági átʼéii dóó doo yáʼátʼéehii baa naahkaiígíí dóó doo nihidáʼdídzil da dasoolį́ʼígíí, haʼátʼíísh éí biniyé sodizin bá hooghan achʼįʼ ádaoołyaago bee béeso ádaołʼį́? Haʼátʼíísh biniyé Diyin God bizaad dílziniiyę́ę łahgo átʼáo ádaohłaa, áko nihiiʼ naazíinii tiʼhooʼnííhgóó bá nihodootʼááł? Áko shooh, Diyin God nihił ííshją́ą́ áyiilaaígíí bichʼįʼ dadínóhį́į́ʼ; háálá áko shooh, díí tʼáá ałtso baa dahodoolzhish doo bidaʼdoolnííł.

34 Áko shooh, Diyin Bóhólníihii éí ląʼída naanish ayóó ádaatʼéhígíí tʼáadoo hodinaʼgo nihitahgóó ádahodooníiłgo, baa dahodoolzhishígíí dóó bidaʼdoolníłígíí, shił ííshją́ą́ áyiilaa.

35 Áko shooh, shił dahonohłǫ́ nahalingo éí nihichʼįʼ yáshtiʼ, dóó ákondi doo éí kǫ́ǫ́ dahonohłǫ́ǫ da. Ákondi shooh, Jesus Christ éí ádanohtʼéhígíí shił ííshją́ą́ áyiilaa, dóó baa naahkaiígíí shił bééhózin.

36 Áádóó ádaa dahohniihgo ndaahkaigo shił bééhózin; dóó tʼáá hazhóʼó tʼáá díkwíhí éí doo ádaa dahohniih da; áko ééʼ daʼílíinii biiʼ nishoojééʼ, dóó daʼoołchʼį́į́d, dóó saad dahonohłǫ́, dóó aa ńdaahtʼį́, dóó átídaʼółʼį́, dóó bąąhági átʼéii éí baa naahkai; dóó nihisodizin bá hooghan bee dah deínóhkahígíí, aooʼ, éí tʼáá átʼé, tʼóó baaʼih daazlį́į́ʼ háálá ayóó nihijéí biyiʼ ádaa dahohniihgo biniinaa.

37 Háálá áko shooh, béeso, dóó nihinaalyehé, dóó niheʼééʼ daʼílínígíí, dóó nihisodizin bá hooghan daʼílíinii bee ndaachʼąąhígíí éí, diné baa dahojoobáʼíyę́ę dóó bee bichʼįʼ ańdahaztʼiʼę́ę, doo bitah dahatsʼídę́ę dóó tiʼdahooníhę́ę, biláahdi ayóí ádeiínóhʼní.

38 O nihí diné doo yáʼátʼéehii baa naahkaiígíí, dóó tʼóó ádahoʼdołʼíinii, dóó ndaʼnohtinígíí, tʼáadoo leʼé nihí deidoołchǫǫłgo bichʼįʼ ahohkáahii, haʼátʼíísh éí biniyé Diyin God bisodizin bá hooghan diyinyę́ę doo yáʼátʼéehii bee dasoołchxǫʼ? Haʼátʼíísh éí biniyé Christ bízhiʼ ákʼidadidoohtʼáłígíí baa yá danohsin? Haʼátʼíísh éí biniinaa hoolʼáágóó ił hózhóonii éí hoolʼáágóó tiʼhooʼníhígíí doo biláahdi ílį́įgo éí doo baa ntsídaahkees da—háálá nihokááʼgi aa haʼniihígíísh biniinaa?

39 Haʼátʼíísh éí biniyé tʼáadoo leʼé iiná bitsʼą́ą́dóó ádinígíí éí ayóó ádeiínóhʼní, dóó ákondi bíniʼdii diné dichin danízinígíí, dóó bichʼįʼ ańdahaztʼiʼígíí, dóó beʼééʼ ádaadinígíí, dóó bitah dahoneezgaiígíí dóó tiʼdahooníhígíí nihíighahgóó chʼíńdaahkahgo, doo baa ákodanohsin da?

40 Aooʼ, haʼátʼíísh éí biniyé tsʼídá aláahdi joodláhígíí ndanohłʼin ádaołʼį́įgo bee daʼohtʼį́, dóó díí bąą asdzání bąąh ádahasdįįdii éí Diyin Bóhólníihii yidááhdóó daachago ádeiínóhsin, dóó ałdóʼ áłchíní bimá dóó bizhéʼé ádaadinígíí éí Diyin Bóhólníihii yidááhdóó daacha, dóó ałdóʼ dabizhéʼéyę́ę dóó dabihastiinée éí nahadzáán biyiʼdę́ę́ʼ Diyin Bóhólníihii yichʼįʼ daacha, éí doo bee nihá ndiníʼą́ą da?

41 Áko shooh, béésh hał bee kʼééhooldǫǫłii nihikʼi dasitą́; dóó tʼáadoo hodinaʼí éí Diyin yá naazínée, daneeznánée bidił nihikʼijįʼ yá kʼééʼdoołdǫǫł, háálá doo éí náásgóó náádaacha da doo.