Tseebíí Daʼiiłtsáanii Bizaad Tʼáá Aanínígíí

Bééhózin dooleeł tʼáá ałtso nihokááʼ dineʼé dah deíkááhgóó, ahidaʼdiilchíín, bizaad ałʼąą ádaatʼéii, dóó nihokááʼ dineʼé, díí naanish bichʼįʼ kólnéhígíí: Joseph Smith, Jun., díí naanish nááná łaʼ saadkʼehjí ánéíyiidlaa, éí béésh tʼą́hí baa yáʼootiʼígíí nihichʼįʼ ííshjání áyiilaa, béésh óola nahalingo; Smith wolyéii béésh tʼą́hí bilagáanaa bizaadkʼehjí ánáyiidlaaígíí nihílaʼ bee ndashiijaaʼ; áádóó bikááʼ naʼasdzooígíí ałdóʼ deiiltsą́, tʼáá ałtso ałkʼidą́ą́ʼ ndaʼazhnish, dóó hazhóʼó baa áháyą́ągo binaʼazhnish nahalin. Áádóó saad naʼiiłnáanii bee ádadiiʼní, Smith wolyéii nihichʼįʼ ííshją́ą́ áyiilaa, deiiltsą́ dóó ndashiijaaʼ, dóó tʼáá aaníí nihił béédahózingo Smith wolyéii béésh tʼą́hí baa yádeiiltiʼígíí neiʼá. Áádóó tʼáá ałtsogóó nihízhiʼ bichʼįʼ ádeiilnééh, bílaʼashdlaʼii díí deiiltsánígíí deidoołtsééł biniyé. Áádóó Diyin God nihá ooʼį́įgo, doo danihiyoochʼíid da.