Naaltsoos Mormon Wolyéhígíí

Ákohgo, éí éiyá Nephi dineʼé ndaʼazoyę́ę áłtsʼíísígo ályaaígíí átʼé, dóó Laman dineʼé ałdóʼ—Laman dineʼé bichʼįʼ ályaa, éí éiyá Israel bighandóó diné chʼéédzíʼígíí danilį́; dóó Jew dineʼé dóó Gentile dineʼé ałdóʼ bichʼįʼ ályaa—Bikʼeh hólʼį́į dooleełgo naʼasdzo, dóó ałdóʼ diyingo áhodooníłígíí dóó diyingo ił ííshją́ą́ ályaaígíí bikʼehgo—Naʼasdzo dóó bidáʼdaʼdeeshjééʼ, dóó Diyin Bóhólníihii choidoołʼįįłgo néideesʼį́į́ʼ, doo doolchxǫǫł da biniyé—Diyin God bibee aʼiilyéii dóó bibee adziilii bee ńdootʼááł dóó dííshjį́įdi saadígíí bee áńdoolnííł—Moroni bílaʼ yee yidáʼdeeshjééʼ, dóó Diyin Bóhólníihii yichʼįʼ néideesʼį́į́ʼ, áajįʼ ayííłką́ągo Gentile dineʼé bitsʼą́ą́dę́ę́ʼ ńdootʼááł—Diyin God bibee aʼiilyéii binahjįʼ dííshjį́įdi saadígíí bee áńdoolnííł.

Naaltsoos Ether wolyéhígíí íiyisíí daʼílį́įgo ahíísdzohígíí bitsʼą́ą́dę́ę́ʼ ałdóʼ, éí éí Jared bidineʼé baa ndaʼasdzooígíí átʼé, éí éí Diyin Bóhólníihii bílaʼashdlaʼii bizaad ałʼąą áyiilaayę́ędą́ą́ʼ daʼníłtsʼą́ąjigo adahineeskaad, yáʼąąsh gódei kin dajótłʼinyę́ędą́ą́ʼ—eii éí Israel bighandóó chʼéédzíhígíí haitʼáo Diyin Bóhólníihii dabizhéʼé tʼáá íiyisíí yíká eelwodgo bił ííshjání ádoolnííł biniyé; dóó Diyin Bóhólníihii bibee ahadaʼdeestʼánée bił béédahodoozįįł, doo éí hoolʼáágóó nahjįʼ kóbiʼdiilyaa da—Dóó ałdóʼ Jew dineʼé dóó Gentile dineʼé Jesus éí Christ nilį́įgo deidoodląął biniyé, Hoolʼáágóó Diyin God nilį́, diné tʼáá ałtsogóó dah deíkáhígíí yichʼįʼ ííshją́ą́ ádílʼį́—Áádóó kʼad, ndaʼiidzihígíí éí diné ndaʼiisíhígíí átʼé, ákohgo, Diyin God binaadeełii tʼáadoo bikʼijįʼ yádaałtiʼí, áko Christ bibee ánihwiitʼaah bikááʼdahʼasdáhídi doo nihikʼijįʼ siʼánígóó bééhodoozįįł.