Бүлэг 24
Иайрын охиныг үхлээс амилуулсан нь
Иайр өөрийнх нь 12 настай охин нь маш хүнд өвчтэй байгааг хэлэв. Тэр Есүс уруу ирж охиноо адислахыг хүсэв. Есүс түүнийг эдгээж чадна гэдэгт тэр итгэж байлаа.
Есүс Иайрыг дагаад гэр лүү нь явж байлаа. Гэхдээ тэр замдаа нэгэн эмэгтэйг эдгээхээр зогслоо. Есүсийг тэр эмэгтэйтэй ярилцаж байх зуур нэг хүн ирж түүний охин нас барсан—одоо хэтэрхий оройтсон хэмээн Иайрт хэлэв.
Тэр хүний хэлсэн зүйлийг Есүс сонссон байв. Есүс Иайрыг бүү ай, зөвхөн надад итгэ гэж хэлэв.
Тэгээд Есүс Иайрын хамт гэр уруу нь явав. Бяцхан охин нас барсан гэж бодоод уйлж байгаа хүмүүсээр байшин дүүрсэн байлаа.
Есүс тэдэнд охин нас барсан биш харин унтаж байна гэж хэлэв. Хүмүүс Түүнийг ингэж хэлэхэд инээлдэцгээв. Тэд охиныг нас барсан гэдэгт итгэлтэй байв.
Аврагч шавь нараа, Иайр болон түүний эхнэрээс бусад хүмүүсийг байшингаас гаргав. Тэд бяцхан охины хэвтэж байсан өрөө уруу орлоо.
Есүс охины гараас барив. Тэр охинд “бос” хэмээн хэлэв. Тэрээр босоод алхав. Түүний эцэг эх нь ихэд гайхацгаажээ. Тэдэнд үүний талаар хүмүүст “бүү хэл” хэмээн Есүс сануулав. Тэгээд Тэр эцэг эхэд нь охиндоо идэх юм өг гэж хэлэв.