១០ ៖
បង្ហាញសេចក្ដីទៀងត្រង់
-
រាយការណ៍ ៖សូមចែកចាយជាមួយក្រុម នូវចម្លើយសម្រាប់ការអធិស្ឋានរបស់ អ្នកកាលពីសប្ដាហ៍មុន ។
-
ពិចារណា ៖ហេតុអ្វីបានជាព្រះអម្ចាស់សព្វព្រះទ័យអស់អ្នកដែលមាន « សេចក្តីទៀងត្រង់នៃចិត្ត » ?
-
មើល ៖« What Shall a Man Give in Exchange for His Soul? » មាននៅលើគេហទំព័រ srs.lds.org/videos ។ ( គ្មានវីដេអូឬ ? សូមអាន ទំព័រ ២៥ ) ។
10:5តើមនុស្សនឹងយកអ្វីទៅដូរឲ្យបានព្រលឹងខ្លួនវិញ ?
តើមនុស្សនឹងយកអ្វីទៅដូរឲ្យបានព្រលឹងខ្លួនវិញ ?
ប្រសិនបើអ្នកមិនអាចចូលមើលវីដេអូបានទេ សូមអានអត្ថបទរឿងនេះវិញ ។
អែលឌើរ រ៉ូប៊ើត ស៊ី ហ្គេ ៖ នៅគ្រាមួយព្រះអង្គសង្រ្គោះបានមានបន្ទូលសួរពួកសិស្សទ្រង់នូវសំណួរដូចខាងក្រោម ៖ « តើមនុស្សនឹងយកអ្វីទៅដូរឲ្យបានព្រលឹងខ្លួនវិញ ? »
នេះគឺជាសំណួរមួយ ដែលឪពុកខ្ញុំបានបង្រៀនខ្ញុំ ឲ្យចេះគិតគូរយ៉ាងផ្ចិតផ្ចង់ជាច្រើនឆ្នាំកន្លងមកហើយ ។ ពេលខ្ញុំធំឡើង ឪពុកម្តាយខ្ញុំបានប្រគល់ការងារក្នុងផ្ទះដល់ខ្ញុំ ហើយបង់ជាប្រាក់កាសបន្តិចបន្តួចលើថ្លៃកិច្ចការនោះ ។ ជាញយៗ ខ្ញុំបានប្រើប្រាស់លុយនោះ លើសជាង ៥០ សេនក្នុងមួយសប្តាហ៍ ដើម្បីនឹងទៅមើលកុន ។ ក្នុងសម័យនោះ សំបុត្រកុនមានតម្លៃ ២៥ សេន សម្រាប់ក្មេងអាយុ ១១ ឆ្នាំ ។ គឺនៅសល់ ២៥ សេនទៀតដើម្បីទុកទិញស្ករបន្ទះ ដែលមួយដុំ មានតម្លៃ ៥ សេន ។ មើលកុនដោយមានស្ករប្រាំបន្ទះ ! ខ្ញុំមិនអាចធ្វើអ្វីបានប្រសើរជាងនេះ នោះទេ ។
អ្វីៗ ប្រសើរទាំងអស់រហូតដល់ខ្ញុំចូលដល់អាយុ ១២ ឆ្នាំ ។ ពេលកំពុងឈរតម្រង់ជួរ នៅរសៀលមួយ ខ្ញុំបានដឹងថា សំបុត្រសម្រាប់ក្មេងអាយុ ១២ ឆ្នាំ គឺ មានតម្លៃ ៣៥ សេន ហើយនោះមានន័យថា ត្រូវខាតស្ករពីរបន្ទះហើយ ។ ដោយមិនទាន់បានត្រៀមខ្លួនដើម្បីធ្វើការពលិកម្មនោះ ខ្ញុំបានរុករកមូលហេតុដោយប្រាប់ខ្លួនឯង៖ « ខ្ញុំមើលទៅនៅដដែល ដូចជាសប្តាហ៍មុនដែរ » ។ បន្ទាប់មកខ្ញុំបានដើរទៅមុខ ហើយសុំទិញសំបុត្រដែលមានតម្លៃ ២៥ សេន ។ អ្នកគិតលុយមិនបានប៉ប្រិចភ្នែក ហើយខ្ញុំទិញបានស្ករប្រាំបន្ទះ ពុំមែនស្ករបីបន្ទះឡើយ ។
ដោយរីករាយនឹងការប្រព្រឹត្តខ្ញុំ ក្រោយមក ខ្ញុំបានរត់ត្រឡប់ទៅផ្ទះវិញ ដើម្បីនឹងប្រាប់ឪពុកខ្ញុំអំពី ការចំណេញនោះ ។ ពេល ខ្ញុំបានប្រាប់គាត់រឿងលម្អិតហើយ គាត់មិនបាននិយាយអ្វីសោះ ។ ពេលខ្ញុំនិយាយចប់ហើយ គាត់គ្រាន់តែសម្លឹងមកខ្ញុំ ហើយនិយាយថា « កូនប្រុសអើយ តើកូននឹងសុខ ចិត្តលក់ព្រលឹងកូនសម្រាប់ប្រាំសេនឬ ? » ពាក្យសំដីរបស់គាត់ បានចាក់ទម្លុះបេះដូង របស់ក្មេងប្រុសអាយុ ១២ ឆ្នាំ ។ វាគឺជាមេរៀនដែលខ្ញុំមិនអាចបំភ្លេចបានឡើយ ។
( « តើមនុស្សនឹងយកអ្វីទៅដូរឲ្យបានព្រលឹងខ្លួនវិញ ? » Ensign ឬ Liahona ខែវិច្ឆិកា ឆ្នាំ ២០១២ ទំព័រ ៣៤ )
សូមត្រឡប់ទៅ ទំព័រ ២៤វិញ ។
-
ពិភាក្សា ៖តើការមានសេចក្តី ទៀងត្រង់មានន័យដូម្តេច ? តើវិធីសាស្រ្តតូចតាចណាខ្លះដែលមនុស្សលះបង់ព្រលឹងខ្លួនដើម្បីទទួលបានរបស់ទាំងឡាយនៅក្នុងជីវិតនេះ ?
-
អាន ៖មាត្រានៃសេចក្ដីជំនឿ ១:១៣ និង យ៉ូប ២៧:៥ ( នៅខាងស្ដាំ )
-
ពិភាក្សា ៖សូមអាន ម៉ូសាយ ៤:២៨ ( នៅខាងស្ដាំ ) និងប្រសាសន៍ដកស្រង់ដោយអែលឌើរ យ៉ូសែប ប៊ី វ៉ឺតលីន ( នៅ ទំព័រ ២៥ ) ។ ហេតុអ្វីបានជាការសងប្រាក់ ឬអាជីវកម្ម ឬប្រាក់កម្ចីសិស្ស ( ដូចជាប្រាក់កម្ចី ភី.អ៊ី.អេហ្វ ) មានសារៈសំខាន់អំពីភាពថ្លៃថ្នូរផ្ទាល់ខ្លួន ?
-
តាំងចិត្ត ៖សូមតាំងចិត្តធ្វើតាមសកម្មភាពដូចខាងក្រោមក្នុងអំឡុងសប្ដាហ៍ ។ សូមគូសសញ្ញាកែងក្នុងប្រអប់ នៅពេលអ្នកបំពេញសកម្មភាពនីមួយៗចប់ ៖
-
សូមកែលម្អចំណុចទាំងប្រាំបីដែលអ្នកបានឲ្យតម្លៃខាងលើ ។
-
សូមចែកចាយនូវអ្វីដែលអ្នកបានរៀននៅថ្ងៃនេះអំពីសេចក្ដីទៀងត្រង់ ជាមួយនឹងគ្រួសារ ឬមិត្តភក្ដិរបស់អ្នក ។
-