“Faamasinoga, Faasatauroga, ma le Tanuga,” Fuafuaga mo Suesuega o le Eseta (2024)
Aso Faraile, 29 Mati
Faamasinoga, Faasatauroga, ma le Tanuga
“Aua afai tou te faamagaloina atu tagata i a latou agasala, e faamagaloina foi outou e lo outou Tama o i le lagi.” (Matthew 6:14).
Ina ua mavae se faasologa o se faamasinoga e faapito tasi, sa faasalaina ai Iesu Keriso i le oti e ala i le faasatauroga. Sa tauemuina ma sasa o Ia e fitafita Roma ma tutu’i o Ia i le satauro. Ae nai lo le tausalaina o i latou, sa ole atu Iesu Keriso i Lona Tama e “faamagalo i latou; aua ua latou le iloa le mea ua latou faia” (Luka 23:34). E oo lava i Lona taimi sili ona pogisa, sa fetalai Iesu i le alofa ma le togiola. I Lana manava o le a maliu, sa fetalai atu Iesu i Lona Tama. “Ua mae’a,” sa Ia fetalai atu ai (Ioane 19:30). O se molimau e le taumate mai se taitai o le toaselau a Roma ma i latou sa faatasi ma ia: “E moni o le Alo lava lenei o le Atua” (Mataio 27:54). O le iloaina e tutusa lava le musuia i aso nei e pei foi ona i ai i lena taimi.
I le 2022, na fautua mai ai Peresitene Russell M. Nelson tatou te faamutaina feteenaiga i o tatou olaga patino ma faamagalo atu ma saili le faamagaloga e fesoasoani ai ia i tatou ia faatumauina le mausali lelei faaleagaga:
Ou te toe fai atu la’u valaau ia faamuta feteenaiga i lou olaga. Faaa’oa’o ma faaaoga le lotomaualalo, lototele, ma le malosi e manaomia uma e faamagalo atu ai ma saili ai le faamagaloga. …
… Ou te valaaulia outou ia saili e faamuta se fetauaiga faaletagata lava ia ua mamafatu ia te oe. Mata e i ai se faatinoga sili atu ona talafeagai o le lotofaafetai ia Iesu Keriso mo Lana Togiola? Afai e foliga mai e le mafai ona faamagalo atu, aioi atu mo le mana e ala i le toto togiola o Iesu Keriso e fesoasoani ia te oe. A e faia lenei mea, ou te folafola atu le filemu patino ma se puna tele o le malosiaga faaleagaga. (“O Le Mana o le Malosiaga Faaleagaga,” Liahona, Me 2022, 100)
Faitau ma Mafaufau loloto
E mafai faapefea ona faateleina lou faamagaloina o oe lava ma isi tagata i lou olaga?
Maimoa
“Ua Faamasinoina Iesu e Kaiafa: Ua Faafiti Peteru Na te Le Iloaina o Ia”
“Ua Faasalaina Iesu i Luma o Pilato”
“Ua Sasaina Iesu ma Faasatauroina”
“Faamagalo Atu i Isi: O Se Savali o le Eseta mai ia Peresitene Russell M. Nelson”
Pese
“Ou Te Tu ma Ofo,” Viiganu. 107.