Faamaloloina o Tagata

“E i ai ea ni isi o ia te outou ua mamai? … Ia aumai i latou iinei ma o le a ou faamaloloina i latou, ona ua ou agaalofa tele ia te outou; ua faatumuina o’u lagona i le alofa mutimutivale” (3 Nifae 17:7).

Ata

Scene from BOM video

Ina ua mavae se aso umi o le auaunaga, a o sauni Iesu e tuua sa Nifaē, sa Ia vaaia “sa maligi o latou loimata” ma sa lei mananao e alu o Ia (3 Nifae 17:5). I le tali atu i ai, sa ofoina atu e le Faaola Lona mana faamalolo. “Ua tumu lo’u loto i le agaalofa ia te outou,” na Ia fetalai atu ai, ona talosaga atu lea mo e mama’i ina ia aumai ia te Ia. “Ma sa ia faamaloloina i latou uma taitoatasi ina ua aumaia i latou ia te ia” (fuaiupu 9).

E faapena foi ona ofoina mai e Iesu Keriso le agaalofa ma le faamalologa ia i tatou taitoatasi i aso nei. Na aoao mai Peresitene Russell M. Nelson o Iesu Keriso o le tali lea i a tatou fesili ma faafitauli. I le talanoa ai i le valaaulia a le Faaola e “foi mai ia te a’u, … ina ia mafai ona ou faamaloloina outou,” na saunoa ai Peresitene Nelson:

Ua tuuina atu e Iesu Keriso lena lava valaaulia e tasi ia te outou i le asō. Ou te aioi atu ia outou ia o mai ia te Ia ina ia mafai ona Ia faamaloloina outou! O le a Ia faamaloloina oe mai le agasala pe a e salamo. O le a Ia faamaloloina oe mai le faanoanoa ma le fefe. O le a Ia faamaloloina oe mai manu’a o lenei lalolagi.

Po o a lava au fesili po o faafitauli o i ai, e maua lava le tali i le soifuaga ma aoaoga a Iesu Keriso. Aoao atili e uiga i Lana Togiola, Lona alofa, Lona alofa mutimutivale, Lana aoaoga faavae, ma Lana talalelei toefuataiina o le faamalologa ma le alualu i luma. Liliu Atu ia te Ia! Mulimuli ia te Ia! (“O Iesu Keriso Lava le Tali,” Liahona, Me 2023, 127)

Faitau ma Mafaufau loloto

3 Nifae 17:1–10

O anafea na e lagonaina ai le mana faamalolo o le Faaola? O a nisi o auala e te manaomia ai Lona mana faamalolo i le taimi nei?

Maimoa

“E Agaalofa Iesu Keriso ma Faamalolo i Tagata”

Pese

“O Mai ia Iesu,” Viiga, nu. 65