“Auaunaga i le Fanau,” Fuafuaga mo Suesuega o le Eseta (2024)
Aso Toonai, 30 Mati
Auaunaga i le Fanau
“Faauta i o outou tamaiti” (3 Nifae 17:23).
Ina ua uma ona faamalolo i e mama’i, sa valaaulia e Iesu ia tagata e aumai a latou fanau laiti ia te Ia. Ona Ia tatalo lea i se ala lea sa le mafai ai e tagata ona tautatala pe tusi Ana upu, ma sa faatumulia o latou agaga i le olioli. Sa “ave [e le Faaola] a latou fanau laiti, taitoatasi, ma faamanuia i latou” (3 Nifae 17:21). Ina ua uma ona faamanuia tamaiti, sa tagi le Faaola ma tautino atu, “Faauta i o outou tamaiti.” Sa afifio ifo agelu mai le lagi ma auauna atu i tamaiti a o siomia i latou i le afi.
I le saunoa ai e uiga i le valaaulia a le Faaola e “faauta i o outou tamaiti,” na aoao mai ai Peresitene M. Russell Ballard:
Ia matau e lei fetalai mai o Ia “tepa atu ia i latou” po o le “vaai faasamasamanoa ia i latou” po o le “tilotilo atu i nisi taimi i la latou vaaiga lautele.” Sa Ia fetalai mai faauta ia i latou. Ia te a’u lava ia, o lona uiga e tatau ona tatou opogi mai i latou i o tatou mata ma o tatou loto; e tatau ona tatou vaai ma talisapaia i latou i o latou uiga moni: o ni fanau agaga a lo tatou Tama Faalelagi, ua ia i latou ni uiga paia” (“Faauta I A Outou Tamaiti,” Ensign, Ape. 1994).
Faitau ma Mafaufau loloto
E mafai faapefea ona sili atu lou “faauta” ma “auauna atu” i tamaiti laiti i lou lava olaga?
Maimoa
“Ua Tatalo Iesu Keriso ma Auauna Atu Agelu i Tamaiti”
Pese
“Le Alofa o lou Faaola,” Tusipese a Tamaiti, 42