Faamamaina le Malumalu

“E ta’ua lo’u fale,o le fale tatalo; a ua faia e outou ma ana o e faomea,” (Mataio 21:13).

Ata

Ua Faamamaina e Keriso le Malumalu, saunia e Carl Henrich Bloch

Ao i ai Iesu i Ierusalema, sa Ia asiasi atu ai i le malumalu. O iina i totonu o le maota paia o Lona Tama, na silasila ai Iesu i faatauoloa eseese o faia pisinisi. Sa ofo o Ia i le vaaia o se nofoaga paia o tapuaiga ua faaleagaina ma liua i “le ana o e faomea” (Mataio 21:13). I le talanoa ai ma le pule e le mafaaseseina, sa Ia poloaiina ai le au faatauoloa ma le au fefaataua’i tupe e o ese.

Ua valaaulia i tatou e Iesu Keriso e tapuai ma aoao e uiga ia te Ia i malumalu o aso nei. I le konafesi aoao ia Oketopa 2022, na aoao mai ai Peresitene Russell M. Nelson:

Ia ‘aua lava ne’i see ese la tatou vaai mai mea o loo faia e le Alii mo tatou i le taimi nei. O loo Ia faia Ona malumalu ia mauagofie atili. O loo Ia faatelevaveina le saoasaoa o loo tatou fausiaina ai malumalu. O loo Ia faateleina lo tatou tomai e fesoasoani ai e faapotopoto Isaraelu. O loo Ia faafaigofieina foi mo i tatou taitoatasi ina ia faamamāina faaleagaga. Ou te folafola atu o le faateleina o taimi e i ai i totonu o le malumalu o le a manuia ai lou olaga i auala e le mafai e se isi lava mea ona e manuia ai. (“Taulai Atu i le Malumalu,” Liahona, Nov. 2022, 121.)

Faitau ma Mafaufau loloto

E mafai faapefea ona e faamamaina lou lava loto ma lou mafaufau e saunia ai oe lava e tapuai i le aiga, i le lotu, ma i le malumalu?

Maimoa

Ua Faamamaina e Iesu le Malumalu

Pese

“Faapaia Mai Au,” Viiga, nu. 70