Aso Gafua, 25 Mati

O Le Faaali Atu o Iesu Keriso i Amerika Anamua

“Faauta, o A’u o Iesu Keriso, o lē na molimau i ai perofeta o le a sau i le lalolagi” (3 Nifae 11:10).

Jesus Christ descends from Heaven in a beam of light in front of a temple in Land Bountiful.

Na faailoa mai e le Atua le Tama Lona Alo Pele, o Iesu Keriso, ia sa Nifaē ma valaaulia i latou e faalogo ia te Ia. Ona afio ifo ai lea o le Faaola toetu ma folafola atu ua Ia faamaeaina le Togiola ma sa “tuuina atu ai i le finagalo o le Tama i mea uma” (3 Nifae 11:11). Na valaaulia e le Faaola sa Nifaē ia fetagofi atu i tulaga o fao i Ona aao ma i Ona vae ma ia iloa mo i latou lava Lona Toetu mamalu. Ina ua uma ona latou faia taitoatasi o lena mea, sa latou alalaga, “Osana!” ma tapuai atu ia te Ia.

I le konafesi aoao ia Aperila 2023, sa valaaulia ai i tatou e Elder Gary E. Stevenson e mafaufau pe mafai faapefea e le tala i le galuega a le Faaola toetu i le Tusi a Mamona ona faaleleia lo tatou faamanatuina o le Eseta:

Vaai faalemafaufau: o sa Nifae i le malumalu na pa’i moni lava i lima o le Alii toetu! Ua matou faamoemoe e fai mataupu nei o le 3 Nifae e avea ma a matou agamasani o le Eseta e faapei foi o la matou agamasani i le Luka 2 o le Kerisimasi. O le mea moni, ua faasoa mai e le Tusi a Mamona le tala aupito silisili ua faamatalaina o le Eseta. Aua ne’i avea ma tala aupito sili o le Eseta e lei faamatalaina lava.

Ou te valaaulia outou e vaavaai i le Tusi a Mamona i se malamalama fou ma mafaufau i le molimau maoa’e o loo tuu mai ai i le moni o le Keriso toetu faapea foi le tamaoaiga ma le loloto o le aoaoga faavae a Keriso. (“O Le Tala Aupito Sili o le Eseta na Faamatalaina,” Liahona, Me 2023, 8)

Faitau ma Mafaufau loloto

• 3 Nifae 11:1-17

E faapefea ona tatou mulimuli i le valaaulia a Elder Stevenson e “faataitai aoaoga ma le faamanatuina o le Toetu o Iesu Keriso, le tala o le Eseta, faatasi ma le paleni e tasi, le atoaga, ma le ’oa o agamasani faalelotu o le soifua mai o Iesu Keriso, le tala o le Kerisimasi?” (“O Le Tala Aupito Sili o le Eseta na Faamatalaina,” Liahona, Me 2023, 6).

Maimoa

“Ua Faaali Mai Iesu Keriso i le Malumalu”

Pese

“Easter Hosanna,” Children’s Songbook, 68