“Faatomuaga o le Faamanatuga,” Fuafuaga mo Suesuega o le Eseta (2024)
Aso Sa o le Eseta, 31 Mati
Faatomuaga o le Faamanatuga
“Ma afai tou te manatua pea a’u o le a outou maua lo’u Agaga e faatasi ma outou” (3 Nifae 18:7).
Sa faailoa atu e Iesu le faamanatuga i tagata na faapotopoto e faalogo ia te Ia. Sa Ia faamanuia le areto ma le uaina ma sa faatonuina Ona soo e avatu i le motu o tagata e toatele. Ona Ia aoao mai lea, “Ma afai tou te faia pea nei mea, amuia lava outou, ona ua outou atia’e i luga o la’u papa” (3 Nifae 18:12). E ui ina sa pu’upu’u lava se taimi o Iesu ma sa Nifaē, ae sa Ia faaaluina le taimi e toe faatautaia ai le faamanatuga i tagata i le aso na sosoo ai, lea e faapupula mai ai le taua o lenei sauniga.
Na aoao mai Elder Gerrit W. Gong e uiga i le taua o le manatuaina o le Faaola e ala i le sauniga o le faamanatuga:
O vaiaso taitasi, i le aai ma feinu ai i le faamanatuga, tatou te osi feagaiga ai e manatua pea o Ia. A fua i le toeitiiti 400 mau faasino i le upu manatua, o auala nei e ono e mafai ona tatou manatua ai pea o Ia.
Muamua, e mafai ona tatou manatua pea o Ia e ala i le mauaina o le talitonuga i Ana feagaiga, folafolaga, ma faamautinoaga. …
Lua, e mafai ona tatou manatua pea o Ia e ala i le faailoaina ma le loto faafetai o Lona aao i o tatou olaga atoa. …
Tolu, e mafai ona tatou manatua pea o Ia e ala i le faatuatuaina pe a faamautinoa mai ia i tatou e le Alii “O ia o lē ua salamo i ana agasala, o ia lava lea ua faamagaloina, ma o A’u, o le Alii, e lē toe manatuaina lava i latou”. …
Fa, Na te valaaulia i tatou ia manatua e Na te faafeiloai pea i tatou i le aiga. …
Lima, e mafai ona tatou manatua pea o Ia i le Sapati e ala i le faamanatuga. …
Ma le mea mulimuli, lona ono, ua valaaulia i tatou e lo tatou Faaola ia manatua pea o Ia e pei ona Ia manatua pea i tatou. (“Manatua Pea o Ia,” Liahona, Me 2016, 108–10)
Faitau ma Mafaufau loloto
O le fea o fautuaga a Elder Gong e te lagona o le a sili ona aoga mo oe e te faataitai muamua ai?
Tusifaamaumau Ou Lagona Uunaia
Maimoa
“Ua Folasia atu e Iesu Keriso le Faamanatuga i Tagata”
Pese
“As Now We Take the Sacrament,” Hymns,, no. 169.