“O Le Toetu o Iesu Keriso,” Fuafuaga o le Suesuega o le Eseta (2024)
Aso Sa o le Eseta, 31 Mati
O Le Toetu o Iesu Keriso
”Ou te ola a’u, o le mea foi lea e ola ai outou” (Ioane 14:19).
I le taeao po lava, na sau ai Maria le Makatala, o se uo ma se soo o Iesu Keriso, i le tuugamau e tausia lona tino. I lona ofo tele, e alu atu o ia ua leai se tasi i le tuugamau. Mulimuli ane a o tagi o ia i fafo o le tuugamau, sa fai atu se tamaloa ia te ia—o le faitogalaau, sa ia manatu ai. Ona Ia fetalai atu lea i lona igoa, “Maria.” Ma sa ia vaai. O Iesu Keriso lea ua toe soifua mai. Sa matagofie tele le i ai o lea malamalama, ma sa ia tamoe atu e ta’u atu i isi.
O se molimau o loo matagofie pea i aso nei. E mafai ona e iloa, e pei lava ona sa faia e Maria le Makatala, o loo soifua Iesu Keriso. Ona o Ia, o le a toe feola ai foi tagata uma. Afai tatou te mulimuli ia Keriso, e mafai ona tatou maua le fiafia moni i le lalolagi ma tulimatai atu i le olioli e faavavau i le olaga a sau.
Na aoao mai Peresitene Dallin H. Oaks e uiga i le Toetu o Keriso, e faapea:
Ua aumaia e le Toetu ia i tatou le vaaiga ma le malosi e onosaia ai luitau o le olaga faaletino o loo feagai ma i tatou taitoatasi ma i latou tatou te alolofa i ai. E aumaia ia i tatou se ala fou e vaai ai i faaletonu faaletino, faalemafaufau, pe faalelagona tatou te mauaina i le taimi e fanau mai ai pe aafia ai foi i le gasologa o le olaga faaletino. E aumaia ia i tatou le malosi e onosaia ai faanoanoaga, toilalo, ma ni lē fiafia. Ona ua tofu i tatou ma se toetū mautinoa, ua tatou iloa ai o nei faaletonu faaletino ma mea faafeagai ua na o se taimi lē tumau. (Dallin H. Oaks, “O Le A le Mea Ua Faia e lo Tatou Faaola mo i Tatou?,” Liahona, Me 2021, 75)
Faitau ma Mafaufau loloto
O a ni ou lagona pe a e mafaufau e uiga i le Toetu o Iesu Keriso?
Maimoa
“Ua Toetu Iesu”
“Ona o Ia: O Se Savali o le Eseta”
Pese
Ua Toe Tu Mai le Alii,” Viiga, nu. 112