“Auaunaga i le Lalolagi o Agaga,” Fuafuaga mo Suesuega o le Eseta (2024)
Aso Toonai, 30 Mati
Auaunaga i le Lalolagi o Agaga
“Ona latou o ai lea, ua faamauina le tuugamau, ua faamaufaailoga i le maa, ma tuu ai tagata e leoleo.” (Mataio 27:66).
E faigata ona vaai faalemafaufau i le tiga atonu na lagonaina e soo o Iesu Keriso i le aso ina ua mavae Lona maliu. O le po na muamua atu, sa tapenaina ai ma le alofa Lona tino ma tuu i se tuugamau i le togalaau. O lenei la ua tuua i latou e fuafua pe mafai faapefea ona ola le olaga e aunoa ma Ia. E toetoe lava ina mautinoa na aveesea e Lona maliu se mea mai ia i latou, ae o le mea na toesea mai ia i latou sa lemafaatusalia i mea uma na tuuina mai e Lona soifua. Pe na latou malamalama i ai pe leai, sa faia e Iesu Keriso se ala fou i luma mo i latou uma o e o le a mulimuli ia te Ia, o se ala sa tutuina i se faamoemoe lea e susulu malamalama atu nai lo soo se pogisa tatou te ono fetaiai.
Sa valaaulia i tatou e Peresitene M. Russell Ballard e suesue i le faaaliga vaaia ofoofogia a Peresitene Iosefa F. Samita e uiga i le galuega a le Faaola i le lalolagi o agaga lea na tupu ina ua mavae le Faasatauroga o le Faaola:
Ou te valaaulia outou ina ia faitauina ma le maeaea ma le manatunatu loloto lenei faaaliga. A o outou faia lea mea, ia faamanuia le Alii ia te outou ina ia malamalama atoatoa atili ma talisapaia le alofa o le Atua ma Lana fuafuaga o le faaolataga ma le fiafia mo Ana fanau.
Ou te molimau atu o le faaaliga na maua e Peresitene Iosefa F. Samita e moni. Ou te molimau atu e mafai ona faitauina e tagata uma ma iloa ai e moni. (“O Le Faaaliga o le Togiolaina o e ua Maliliu,” Liahona, Nov. 2018, 173; tagai i le Mataupu Faavae ma Feagaiga 138)
Faitau ma Mafaufau loloto
E faapefea e se malamalama i le lalolagi o agaga ma le olaga pe a mavae le oti ona faamanuiaina ai oe ma lou aiga?
Maimoa
“Ua Tuuina Iesu i le Tuugamau”
Pese
“Na Ia Auina Mai Lona Alo,” Tusipese a Tamaiti, 20–21