Ulufale Manumalo i Ierusalema

“Osana i le Alo o Tavitia: Ia manuia le afio mai i le suafa o le Alii; Osana i mea aupito a luga.” (Mataio 21:9).

Ata

O Iesu Keriso o loo tietie i se asini ma tagata o loo talotalo atu laupama

Na faia e Iesu Keriso Lana malaga faatupu i Ierusalema a o talotalo atu e Ona soo ia laupama ma tuu i lalo ofutalaloa i Lona ala. Sa latou siomia Iesu i le alofa ma le viiga, ma alalaga “Osana”—o se fasifuaitau o lona uiga “laveai i matou.”’ O le toatele o soo o Iesu na faamoemoe ia te Ia e laveai i latou mai le pulega a Roma, ae o Ana sini sa sili atu ona faavavau. Na afio mai Iesu i le lalolagi ia le aumaia le laveaiga mai tulaga faaupufai ae ia laveaiina tagata uma mai le agasala ma le oti.

E mafai foi ona tatou talileleia atili Iesu Keriso i o tatou olaga i lenei vaiaso. Na aoao mai e Elder Dieter F. Uchtdorf:

E fetaui lelei i le aluga o le vaiaso mai le Aso Sa o le Pama agai atu i le taeao o le Eseta tatou te liliu atu ai o tatou mafaufauga ia Iesu Keriso, o le puna o le malamalama, ola, ma le alofa. Atonu na vaai le motu o tagata i Ierusalema ia te Ia o se tupu maoae o lē o le a tuuina atu ia i latou le saolotoga mai mafatiaga o faiga faapolokiki. Ae o le mea moni, e tele atu mea na Ia tuuina mai nai lo lena. Na Ia tuuina mai ia i tatou Lana talalelei, o se penina e le mafaatauina, o le ki autu o le malamalama lea, o le taimi lava e malamalama ma faaaogaina ai, e tatala ai se olaga o le fiafia, filemu, ma le faamalieina. (“The Way of the Disciple,” Liahona, Me 2009, 75).

Faitau ma Mafaufau loloto

E mafai faapefea ona e valaaulia Iesu ma le fiafia ma le filemu o Lana talalelei i lou olaga i lenei vaiaso?

Maimoa

“O Le Ulufale Manumalo o le Alii i Ierusalema”

Pese

“Praise to the Lord, the Almighty,”” Hymns, no. 72.