Fuafuaga o le Eseta
E Uiga i le Fuafuaga mo Suesuega o le Eseta

“E Uiga i le Fuafuaga mo Suesuega o le Eseta,” Fuafuaga mo Suesuega o le Eseta (2024)

E Uiga i le Fuafuaga mo Suesuega o le Eseta

“Ua ou iloa ua oulua sailia mai Iesu na faasatauroina. E le o iinei o ia: aua ua toe tu mai o ia” (Mataio 28:5 - 6).

Ata
O Keriso ma Maria i le Tuugamau, saunia e Iosefa Brickey

O lenei fuafuaga o suesuega e maua ai musumusuga i aso taitasi e fesoasoani ia te oe e faamalosia lou faatuatua ia Iesu Keriso i lenei vaitau o le Eseta. O le fuafuaga o loo aofia ai tala mai le galuega a le Faaola i le olaga nei i le nuu o Isaraelu faapea foi Lana galuega i Amerika anamua ina ua mavae Lona Toetu. E mafai ona e filifili pe o se tasi po o nei auala o le a faaleleia ai lau tapuaiga i lenei vaitau o le Eseta.

Ata
Painting depicting two scenes from the life of Jesus Christ. The left side of the painting portrays the Crucifixion of Christ in Jerusalem. A design of the Old World continents is in the background. A copy of the Bible is depicted at the top of the continents. The right side of the painting displays Christ visiting the Nephites in the Americas. Designs showing the continents of the New World are in the background. A copy of the Book of Mormon is on top of the continents. The painting illustrates the concept that both the Book of Mormon and Bible testify of the divinity of Christ.

Na saunoa mai Peresitene Russell M. Nelson e faapea, “O le faateleina o lo tatou iloa e uiga i le galuega ma le misiona a le Faaola—o le faateleina lea o lo tatou malamalama i Lana aoaoga faavae ma le mea na Ia faia mo i tatou—o le faateleina foi lena o lo tatou iloaina e mafai ona Ia auina mai le mana lea tatou te manaomiaina mo o tatou olaga.”1

E ui o aso tonu o le vaiaso na tutupu ai ni mea patino faatusi paia e le o iloa i nisi taimi, ae o le faasologa o faigalotu i aso taitasi o lenei fuafuaga o le a fesoasoani e taulai atu ai ou mafaufauga i mea na tutupu o loo siomia ai le Togiola ma le Toetu o Iesu Keriso. A o e suesue, o le a e iloa ai pe faapefea ona faatatau le Togiola ma aoaoga a Iesu Keriso i lou olaga.

Ata
Jesus Christ descends from Heaven in a beam of light in front of a temple in Land Bountiful.

O le asiasiga a le Faaola toetu i tagata o Amerika anamua, lea na faamatalaina i le 3 Nifae, o se vaega o le savali mamalu o le Eseta. Sa valaaulia i tatou e Elder Gary E. Stevenson e suesue lenei tala o se vaega o lo tatou aafiaga i le Eseta. Na ia aoao mai: “Ua matou faamoemoe e fai mataupu nei o le 3 Nifae e avea ma a matou agamasani o le Eseta e faapei foi o la matou agamasani i le Luka 2 o le Kerisimasi. Ua faasoa mai e le Tusi a Mamona le tala aupito silisili ua faamatalaina o le Eseta. Aua ne’i avea ma tala aupito sili o le Eseta e lei faamatalaina lava. Ou te valaaulia outou e vaavaai i le Tusi a Mamona i se malamalama fou ma mafaufau i le molimau maoa’e o loo tuu mai ai i le moni o le Keriso toetu.”2

O fuaitau o le Feagaiga Fou ma le Tusi a Mamona i lenei fuafuaga suesue e mafai ona fesoasoani ia te oe ma lou aiga e faamalosia ai au molimau ia Iesu Keriso o lo tatou Faaola ma le Togiola. Mafaufau e talanoaina malamalama’aga mai lenei fuafuaga o suesuega faatasi ma aiga ma uo e fiafia i ai. Mo nisi punaoa e uiga i le Togiola ma le Toetu o le Faaola, tagai i le lesona o lenei tausaga o le Eseta Sau,Mulimuli Mai ia te Au poo le asiasi i le Easter.ComeUntoChrist.org.