Malologa ma Vavega

“O au nei o le toe tu ma le ola: o lē faatuatua mai ia te au, e ui lava ina oti, a e ola lava ia” (Ioane 11:25).

Ata

O Iesu i fafo o le tuugamau ma le aao faaloaloa

I le vaiaso mulimuli o Lana galuega i le olaga nei, sa faaalu ai e le Faaola se taimi i le taulaga o Petania. I sina taimi puupuu na muamua atu, sa asiasi atu ai Iesu i Petania e toe faatu mai Lana uo o Lasalo mai le oti. Ina ua uma ona vaai i lenei vavega, e toatele tagata i le taulaga sa talitonu o Iesu o le Alo o le Atua.

I le 2022, na fautua mai ai Peresitene Russell M. Nelson tatou te saili ma faamoemoe i vavega e fesoasoani ia i tatou e faatumauina ai le mausali lelei faaleagaga:

O le a faamanuia e le Alii oe i vavega pe afai e te talitonu ia te Ia, “ma le lē masalosalo i se mea” [Mamona 9:21]. Fai le galuega faaleagaga e saili ai vavega. Ia ōle atu ma le agaga tatalo i le Atua e fesoasoani mai ia te oe ia faatino lena ituaiga o faatuatua. Ou te folafola atu e mafai ona e lagonaina mo oe lava ia e faapea o Iesu Keriso “Na te avatua le malosi i e ua vaivai; a o e ua leai se malosi na te faatuputele i ai le malosi” [Isaia 40:29]. E i ai nai mea o le a faatelevaveina lou malosiaga faaleagaga e sili atu nai lo le iloaina o loo fesoasoani le Alii ia te oe e aveese se mauga i lou olaga. (“O Le Mana o le Malosiaga Faaleagaga,” Liahona, Me 2022, 100)

Faitau ma Mafaufau loloto

O a ni vavega ua mafai ona faia e Iesu Keriso i lou olaga?

Maimoa

“Ua Faatuina Lasalo mai le Oti”

Pese

“Ou Te Talitonu ia Iesu,” Viiga, nu.71