« ការប្រមូលផ្ដុំគ្នាទៅកាន់រដ្ឋអូហៃអូ » ដំណើររឿងព្រះគម្ពីរគោលលទ្ធិ និងសេចក្ដីសញ្ញា ( ឆ្នាំ២០២៤ )
« ការប្រមូលផ្ដុំគ្នាទៅកាន់រដ្ឋអូហៃអូ » ដំណើររឿងព្រះគម្ពីរគោលលទ្ធិ និងសេចក្ដីសញ្ញា
ខែធ្នូ ឆ្នាំ១៨៣០–ខែឧសភា ឆ្នាំ១៨៣១
ការប្រមូលផ្ដុំគ្នាទៅកាន់រដ្ឋអូហៃអូ
សេចក្ដីជំនឿរបស់ លូស៊ី ស្ម៊ីធ និងអព្ភូតហេតុ
នៅរដ្ឋអូហៃអូ មនុស្សកាន់តែច្រើនឡើងៗបានចូលរួមជាមួយសាសនាចក្រ ។ ព្រះអម្ចាស់បានមានព្រះបន្ទូលប្រាប់ យ៉ូសែប ស្ម៊ីធ ថាពួកបរិសុទ្ធដែលរស់នៅកន្លែងផ្សេងទៀតគួរតែប្រមូលផ្តុំគ្នាទៅកាន់រដ្ឋអូហៃអូ ។ ការណ៍នោះនឹងជាការធ្វើដំណើរដ៏វែងឆ្ងាយ ។ ប៉ុន្តែព្រះអម្ចាស់បានសន្យាថា បន្ទាប់ពីពួកគេបានប្រមូលផ្តុំគ្នាហើយ ទ្រង់នឹងបង្រៀនពួកបរិសុទ្ធនូវក្រឹត្យវិន័យរបស់ទ្រង់ ហើយប្រទានពរដល់ពួកគេនូវអំណាចដើម្បីធ្វើកិច្ចការរបស់ទ្រង់ ។
គោលលទ្ធិ និងសេចក្តីសញ្ញា ៣៧; ៣៨:៣២; Saints ១:១០៩–១១០
លូស៊ី ជាម្ដាយរបស់យូស៉ែប និងក្រុមនៃសមាជិកសាសនាចក្រប្រមាណ ៨០ នាក់បានចាកចេញពីផ្ទះសម្បែងរបស់ពួកគេនៅទីក្រុងនូវយ៉ោក ហើយផ្លាស់ទៅរដ្ឋអូហៃអូ ។ ពួកគេបានជិះទូកដែលនឹងនាំពួកគេទៅដល់ទីនោះ ។ បន្ទាប់ពីពួកគេបានធ្វើដំណើររយៈពេលពីរបីថ្ងៃ ទូកត្រូវឈប់ ។ ទឹកកកក្រាស់ៗនៅក្នុងទឹកបានរាំងផ្លូវពួកគេ ។
Saints ១:១២១–១២២
ពួកបរិសុទ្ធត្រូវរង់ចាំរហូតដល់ទឹកកកបែកជាដុំៗចេញពីគ្នា ។ ពួកគេបានអស់កម្លាំង ឃ្លាន សើម និងរងា ។
Saints ១:១២២
វាពិបាកក្នុងការរង់ចាំ ។ ពួកបរិសុទ្ធមួយចំនួនបានចាប់ផ្ដើមឈ្លោះប្រកែកគ្នា ។
Saints ១:១២២
លូស៊ី មិនចូលចិត្ដឮពួកបរិសុទ្ធឈ្លោះគ្នានោះទេ ។ គាត់បានដឹងថា គាត់ត្រូវតែនិយាយអ្វីមួយ ។ គាត់បានសួរថា « តើសេចក្ដីជំនឿរបស់អ្នកនៅឯណា » ? លូស៊ី បានប្រាប់ពួកបរិសុទ្ធថា ប្រសិនបើពួកគេនឹងអធិស្ឋានទៅកាន់ព្រះ ទ្រង់នឹងបំបែកដុំទឹកកកឲ្យពួកគេបន្ដដំណើររបស់ពួកគេបាន ។
Saints ១:១២៣–១២៣
ភ្លាមៗនោះ ពួកគេបានឮសំឡេងដូចផ្គររន្ទះនៅពេលដែលទឹកកកបានបែកចេញពីគ្នា ។ ទឹកកកបានបែកចេញជាផ្លូវ ដែលធំល្មមអាចឲ្យទូករបស់ពួកគេឆ្លងកាត់បាន ។
Saints ១:១២៣
ពួកបរិសុទ្ធបានភ្ញាក់ផ្អើល និងមានអំណរគុណ ។ ពួកគេបានប្រមូលផ្តុំគ្នាដើម្បីអធិស្ឋាន និងអរព្រះគុណដល់ព្រះវរបិតាសួគ៌ ។ ទូករបស់ពួកគេបានធ្វើដំណើរដោយសុវត្ថិភាពឆ្ពោះទៅរដ្ឋអូហៃអូ ។
Saints ១:១២៣
នៅពេលពួកបរិសុទ្ធបានទៅដល់រដ្ឋអូហៃអូ សមាជិកនៃសាសនាចក្រនៅទីនោះបានស្វាគមន៍ពួកគេ និងជួយពួកគេស្វែងរកកន្លែងរស់នៅ ។ ព្រះអម្ចាស់បានរក្សាការសន្យារបស់ទ្រង់ដើម្បីបង្រៀនពួកគេនូវក្រឹត្យវិន័យរបស់ទ្រង់ ហើយប្រទានដល់ពួកគេនូវអំណាចដើម្បីធ្វើកិច្ចការរបស់ទ្រង់ ។
គោលលទ្ធិ និងសេចក្តីសញ្ញា ៤២; Saints ១:១២៦