« យ៉ូសែប និង ស៊ីឌនី ស្វែងយល់អំពីស្ថានសួគ៌ » ដំណើររឿងព្រះគម្ពីរគោលលទ្ធិ និងសេចក្ដីសញ្ញា ( ឆ្នាំ២០២៤ )
« យ៉ូសែប និង ស៊ីឌនី ស្វែងយល់អំពីស្ថានសួគ៌ » ដំណើររឿងព្រះគម្ពីរគោលលទ្ធិ និងសេចក្ដីសញ្ញា
ខែកុម្ភៈ ឆ្នាំ១៨៣២
យ៉ូសែប និង ស៊ីឌនី ស្វែងយល់អំពីស្ថានសួគ៌
ការនិមិត្ដអំពីព្រះពររបស់ព្រះសម្រាប់បុត្រាបុត្រីរបស់ទ្រង់
នៅថ្ងៃមួយ យ៉ូសែប ស៊្មីធ និង ស៊ីឌនី រិកដុន កំពុងអានព្រះគម្ពីរប៊ីប ។ ពួកលោកបានអានអំពីអ្វីដែលកើតឡើងចំពោះមនុស្សនៅពេលដែលពួកគេស្លាប់ ។ យ៉ូសែប និងស៊ីឌនី បានគិតអំពីអ្វីដែលពួកលោកបានអាន ហើយពួកលោកចង់ស្វែងយល់បន្ថែមទៀត ។
គោលលទ្ធិ និងសេចក្តីសញ្ញា ៧៦:១១–១៨
ព្រះអម្ចាស់បានប្រទានដល់ពួកលោកនូវការនិមិត្ដដ៏អស្ចារ្យ ។ ពួកលោកបានឃើញព្រះវរបិតាសួគ៌ និងព្រះយេស៊ូវគ្រីស្ទហ៊ុមព័ទ្ធដោយពួកទេវតា ។ ហើយពួកលោកបានឮសំឡេងមួយដែលមានបន្ទូលថា ព្រះគ្រីស្ទគឺជាព្រះរាជបុត្រានៃព្រះ ។ សំឡេងនោះបានមានបន្ទូលថាព្រះយេស៊ូវបានសុគតសម្រាប់យើង ហើយបន្ទាប់មកទ្រង់បានរស់ឡើងវិញ—ទ្រង់បានមានព្រះជន្មរស់ឡើងវិញ ។ ដោយសារទ្រង់បានមានព្រះជន្មរស់ឡើងវិញ នោះយើងនឹងរស់ឡើងវិញផងដែរ ។
គោលលទ្ធិ និងសេចក្ដីសញ្ញា ៧៦:១៩–២៤, ៣៩–៤៣
យ៉ូសែប និង ស៊ីឌនី បានរៀនថាបន្ទាប់ពីយើងរស់ឡើងវិញ យើងនឹងរស់នៅកន្លែងមួយក្នុងចំណោមកន្លែងទាំងបីនៅលើស្ថានសួគ៌ ដែលហៅនគរនៃសិរីល្អ ។ មនុស្សដែលមិនទទួលយកដំណឹងល្អនៃព្រះយេស៊ូវគ្រីស្ទនឹងទៅនគរទេឡេស្ទាល ។ ព្រះអម្ចាស់បានប្រៀបធៀបនគរនេះទៅនឹងរស្មីនៃដួងតារា ។
គោលលទ្ធិ និងសេចក្តីសញ្ញា ៧៦:៨១–៨៦
យ៉ូសែប និង ស៊ីឌនី ក៏បានរៀនអំពីនគរមួយដែលហៅថានគរទេរេស្ទ្រាលផងដែរ ។ នគរនេះគឺសម្រាប់មនុស្សដែលរស់នៅក្នុងជីវិតល្អ ប៉ុន្ដែមិនបានគោរពតាមដំណឹងល្អនៃព្រះយេស៊ូវគ្រីស្ទពេញលេញ ។ ពួកគេមិនមានសេចក្ដីជំនឿរឹងមាំទៅលើទ្រង់ ។ ព្រះអម្ចាស់បានប្រៀបធៀបនគរនេះទៅនឹងរស្មីនៃព្រះចន្ទ ។
គោលលទ្ធិ និងសេចក្ដីសញ្ញា ៧៦:៧១–៨០
នគរដែលខ្ពស់ជាងគេនោះគឺនគរសេឡេស្ទាល ។ មនុស្សនៅក្នុងនគរនេះបានធ្វើសេចក្ដីសញ្ញា ឬការសន្យាជាមួយនឹងព្រះ ហើយបានរក្សាសេចក្ដីសញ្ញារបស់ពួកគេ ។ ពួកគេបានប្រែចិត្ដ ហើយធ្វើតាមព្រះយេស៊ូវគ្រីស្ទ ។ ពួកគេរស់នៅជាមួយព្រះវរបិតាសួគ៌ និងព្រះយេស៊ូវគ្រីស្ទជារៀងរហូត ហើយក្លាយដូចជាទ្រង់ទាំងទ្វេ ។ ព្រះអម្ចាស់បានប្រៀបធៀបនគរនេះទៅនឹងរស្មីនៃព្រះអាទិត្យ ។
គោលលទ្ធិ និងសេចក្ដីសញ្ញា ៧៦:៥០–៧០
ព្រះអម្ចាស់បានមានព្រះបន្ទូលប្រាប់ យ៉ូសែប និង ស៊ីឌនី កុំឲ្យចែកចាយអ្វីទាំងអស់ដែលពួកលោកបានឃើញនៅក្នុងការនិមិត្ដរបស់ពួកលោកឡើយ ។ ប៉ុន្ដែទ្រង់សព្វព្រះទ័យឲ្យពួកលោកសរសេរអំពីការណ៍មួយចំនួន ហើយចែកចាយវាជាមួយនឹងអ្នកដទៃទៀត ។ សមាជិកសាសនាចក្រជាច្រើនបានមានចិត្ដរំភើបដើម្បីប្រាប់មនុស្សម្នាអំពីការនិមិត្ដនោះ ។
គោលលទ្ធិ និងសេចក្តីសញ្ញា ៧៦:១១៣–១១៩; Saints ១:១៤៩–១៥០
ប៉ុន្តែមនុស្សមួយចំនួនមិនចូលចិត្តការនិមិត្ដនោះទេ ។ វាខុសពីអ្វីដែលពួកគេបានជឿ ។ ប៉ុន្តែពួកបរិសុទ្ធភាគច្រើនបានមានអំណរគុណដើម្បីដឹងអំពីវិវរណៈនេះ ។ វាបានបង្ហាញពួកគេថា ព្រះវរបិតាសួគ៌ស្រឡាញ់បុត្រាបុត្រីរបស់ទ្រង់ ហើយបានបង្កើតផ្លូវមួយដើម្បីពួកគេអាចត្រឡប់ទៅរកទ្រង់វិញ ។
Saints ១:១៤៩–១៥០