« សមាគមសង្រ្គោះ » ដំណើររឿងព្រះគម្ពីរគោលលទ្ធិ និងសេចក្ដីសញ្ញា ( ឆ្នាំ២០២៤ )
« សមាគមសង្រ្គោះ » ដំណើររឿងព្រះគម្ពីរគោលលទ្ធិ និងសេចក្ដីសញ្ញា
ខែមីនា ឆ្នាំ១៨៤២
សមាគមសង្រ្គោះ
ស្ត្រីនៃទីក្រុងណៅវូបម្រើព្រះអម្ចាស់
ម៉ាហ្គារ៉ែត ឃុក រស់នៅក្នុងទីក្រុងណៅវូ ។ នាងបានធ្វើការឲ្យ សារ៉ា ឃិមបឹល ដោយជួយនាងក្នុងការដេរ ។ នៅពេលដែលនាងធ្វើការ ពួកគេចូលចិត្តនិយាយអំពីព្រះវិហារបរិសុទ្ធថ្មីដែលត្រូវបានសាងសង់នៅទីក្រុងណៅវូ ។ ពួកគេរំភើបចំពោះព្រះវិហារបរិសុទ្ធ ។
ពួកបរិសុទ្ធ, ១:៤៤៧
ថ្ងៃមួយ ម៉ាហ្គារ៉ែតកត់សម្គាល់ឃើញថាបុរសជាច្រើនដែលសាងសង់ព្រះវិហារបរិសុទ្ធមានសម្លៀកបំពាក់ចាស់ៗ និងរហែក ។ នាងឆ្ងល់ថាប្រសិនបើនាងនិង សារ៉ា អាចធ្វើការជាមួយគ្នាដើម្បីដេរអាវថ្មីសម្រាប់ពួកបុរស ។ សារ៉ា ពេញចិត្តគំនិតនេះ ។ នាង និង ម៉ាហ្គារ៉ែត បាននិយាយជាមួយស្ត្រីផ្សេងទៀតអំពីការបង្កើតក្រុមមួយដើម្បីជួយដល់កម្មករទាំងនោះ ។
ពួកបរិសុទ្ធ, ១:៤៤៧–៤៤៨
ព្យាការី យ៉ូសែប បានមានប្រសាសន៍ថា ព្រះអម្ចាស់អរព្រះទ័យជាមួយនឹងគំនិតរបស់ពួកគេ ហើយទ្រង់មានអ្វីមួយដែលល្អប្រសើរជាងសម្រាប់ពួកគេ ។ យ៉ូសែបបានអញ្ជើញស្ត្រីឲ្យជួបជាមួយលោកនៅថ្ងៃទី១៧ ខែមីនា ឆ្នាំ១៨៤២ ។ ដោយប្រើសិទ្ធិអំណាចបព្វជិតភាព លោកបានរៀបចំស្ត្រីនៃសាសនាចក្រ ។ ពួកគេបានសម្រេចចិត្តហៅក្រុមរបស់ពួកគេថា សមាគមសង្គ្រោះស្ត្រីនៃទីក្រុងណៅវូ ។
ពួកបរិសុទ្ធ, ១:៤៤៨, ៤៥០–៤៥១
យ៉ូសែបបានស្នើសុំឲ្យសមាគមសង្គ្រោះជួយមនុស្សឲ្យរៀបចំខ្លួនសម្រាប់ពរជ័យនៃព្រះវិហារបរិសុទ្ធ និងជីវិតអស់កល្បជានិច្ច ។ ពួកគេគួរតែធ្វើជាគំរូនៃការធ្វើតាមព្រះយេស៊ូវ ។
ពួកបរិសុទ្ធ, ១:៤៥១
យ៉ូសែបក៏បានមានប្រសាសន៍ថា សមាគមសង្គ្រោះគួរតែស្វែងរកមនុស្សដែលក្រីក្រ ហើយជួយដល់ពួកគេ ។ សូម្បីតែស្ត្រីដែលក្រីក្រក៏ចង់ជួយមនុស្សដែលខ្វះខាតដែរ ។
ពួកបរិសុទ្ធ, ១:៤៤៩
សមាគមសង្គ្រោះត្រូវបានរៀបចំឡើង ។ អិមម៉ា ស្ម៊ីធ ត្រូវបានហៅឲ្យធ្វើជាប្រធាន ។ នាងបានហៅទីប្រឹក្សាពីរនាក់ សារ៉ា ឃ្លីឡែន និង អាន វិតនី ។ នាងក៏បានហៅលេខាម្នាក់ឈ្មោះ អេលីហ្សា អ័រ ស្នូ ផងដែរ ។
ពួកបរិសុទ្ធ, ១:៤៥០
ព្រះអម្ចាស់បានជួយអិមម៉ា បំពេញការហៅរបស់នាង ។ អិមម៉ាបានបង្រៀនស្ត្រីថា ពួកគេអាចធ្វើអ្វីដែលអស្ចារ្យក្នុងការបម្រើព្រះអម្ចាស់ ។ នាងចង់ឲ្យពួកគេម្នាក់ៗស្វែងរកវិធីដើម្បីធ្វើកិច្ចការល្អ ។ សំខាន់បំផុតនោះ នាងបានប្រាប់ពួកគេ ឲ្យស្រឡាញ់មនុស្សដទៃតាមរបៀបដែលព្រះយេស៊ូវបានធ្វើ ។ ស្ត្រីជាច្រើននៅទីក្រុងណៅវូបានចូលរួមជាមួយសមាគមសង្គ្រោះ ។
គោលលទ្ធិ និងសេចក្តីសញ្ញា ២៥:៣, ៧, ពួកបរិសុទ្ធ, ១:៤៥១
ពួកគេបានជួយមនុស្សរៀបចំខ្លួនសម្រាប់ពរជ័យនៃព្រះវិហារបរិសុទ្ធ និងជួយក្រុមគ្រួសារជាច្រើនដែលខ្វះខាតនៅទីក្រុងណៅវូ ។ ចាប់តាំងពីពេលនោះមក ស្ត្រីនៅទូទាំងពិភពលោកបានចូលរួមជាមួយសមាគមសង្គ្រោះ ។ ពួកគេបន្តបម្រើដល់មនុស្សទាំងឡាយ និងជួយពួកគេទទួលបានពរជ័យព្រះវិហារបរិសុទ្ធ ។
ពួកបរិសុទ្ធ, ១:៤៥១