« ពាក្យសម្តីនៃប្រាជ្ញាវាងវៃ » ដំណើររឿងព្រះគម្ពីរគោលលទ្ធិ និងសេចក្ដីសញ្ញា ( ឆ្នាំ២០២៤ )
« ពាក្យសម្តីនៃប្រាជ្ញាវាងវៃ » ដំណើររឿងព្រះគម្ពីរគោលលទ្ធិ និងសេចក្ដីសញ្ញា
ខែកុម្ភៈ ឆ្នាំ១៨៣៣
ពាក្យសម្តីនៃប្រាជ្ញាវាងវៃ
ក្រឹត្យវិន័យរបស់ព្រះអម្ចាស់អំពីសុខភាព
យ៉ូសែប ស្ម៊ីធ បានអញ្ជើញបុរសពីរបីនាក់នៅក្នុងសាសនាចក្រឲ្យមកប្រជុំនឹងលោក នៅជាន់លើនៃហាងរបស់ នូវល និង អាន វិតនី ។ នៅទីនោះ ពួកគេបានរៀនអំពីដំណឹងល្អ និងប្រធានបទផ្សេងៗទៀត ហើយពួកគេបានអធិស្ឋានជាក្រុម ។ ពួកគេបានហៅការប្រជុំទាំងនេះថាជា សាលារបស់ពួកព្យាការី ។
គោលលទ្ធិ និងសេចក្តីសញ្ញា ៨៨:១១៧–១៣៧; Saints ១:១៦៦
បុរសជាច្រើនបានជក់ខ្សៀ ហើយទំពារថ្នាំជក់ក្នុងអំឡុងមេរៀន ។ ផ្សែងបានធ្វើឲ្យហប់ខ្យល់ ហើយថ្នាំជក់បានធ្លាក់រាយពពាយពេញលើឥដ្ឋ ។ បន្ទាប់ពីការប្រជុំ អិមម៉ា ស្ម៊ីធ បានឡើងទៅជាន់លើដើម្បីសម្អាតបន្ទប់ ។ វាពិតជាកខ្វក់ខ្លាំងណាស់ !
Saints ១:១៦៧
អិមម៉ាបានជូតឥដ្ឋម្តងហើយម្តងទៀត ប៉ុន្ដែស្នាមប្រឡាក់ថ្នាំជក់នៅតែមិនជ្រះ ។ គាត់បាននិយាយជាមួយយ៉ូសែបអំពីរឿងនេះ ។
Saints ១:១៦៧
យ៉ូសែបបានស្ដាប់អិមម៉ា ។ កាលបានឮពីអិមម៉ា ធ្វើឲ្យគាត់ឆ្ងល់ថា តើព្រះអម្ចាស់មានព្រះទ័យបែបណាអំពីថ្នាំជក់ ។
Saints ១:១៦៧
ដូច្នេះ យ៉ូសែបបានទូលសួរព្រះអម្ចាស់អំពីថ្នាំជក់ ។ ព្រះអម្ចាស់បានមានព្រះបន្ទូលទៅកាន់យ៉ូសែបថា ទ្រង់មាននូវពាក្យសម្ដីនៃប្រាជ្ញាវាងវៃសម្រាប់ពួកបរិសុទ្ធ ។
គោលលទ្ធិ និងសេចក្តីសញ្ញា ៨៩:១–៩; Saints ១:១៦៧
ព្រះអម្ចាស់បានមានបន្ទូលថា ពួកបរិសុទ្ធមិនគួរជក់ ប្រើប្រាស់ថ្នាំជក់ ឬផឹកគ្រឿងស្រវឹង ឬ « ភេសជ្ជៈក្ដៅ » ដែលសំដៅលើកាហ្វេ ឬតែឡើយ ។
គោលលទ្ធិ និងសេចក្តីសញ្ញា ៨៩:១–៩; Saints ១:១៦៧
ព្រះអម្ចាស់ក៏បានបង្រៀនពួកបរិសុទ្ធថា គ្រាប់ធញ្ញជាតិ និងផ្លែឈើគឺល្អសម្រាប់បរិភោគ ។ ទ្រង់ក៏បានមានបន្ទូលថា ពេលខ្លះពួកគេអាចបរិភោគសាច់ផងដែរ ។
គោលលទ្ធិ និងសេចក្តីសញ្ញា ៨៩:១០–១៧; Saints ១:១៦៨
ព្រះអម្ចាស់បានមានបន្ទូលទៅកាន់យ៉ូសែប ថាពួកបរិសុទ្ធដែលបានជ្រើសរើសគោរពតាមពាក្យសម្ដីនៃប្រាជ្ញាវាងវៃរបស់ទ្រង់ នឹងទទួលបានការការពារ ។ ព្រះអម្ចាស់បានសន្យាថានឹងប្រទានពរដល់ពួកគេនូវសុខភាព ចំណេះដឹង និងកម្លាំង ។ យ៉ូសែបបានប្រាប់ពួកបុរសនៅក្នុងសាលានៃពួកព្យាការីអំពីពាក្យសម្តីនៃប្រាជ្ញាវាងវៃរបស់ព្រះអម្ចាស់ ។
គោលលទ្ធិ និងសេចក្តីសញ្ញា ៨៩:១៨–២១; Saints ១:១៦៨
ពួកបុរសនៅក្នុងបន្ទប់បានបោះចោលថ្នាំជក់ និងខ្សៀរបស់ពួកគេចូលទៅក្នុងភ្លើងដើម្បីបង្ហាញថាពួកគេចង់គោរពតាមពាក្យសម្ដីនៃប្រាជ្ញាវាងវៃរបស់ព្រះអម្ចាស់ ។
Saints ១:១៦៨