« ហៃរាំ ភេច និងវិវរណៈ » ដំណើររឿងព្រះគម្ពីរគោលលទ្ធិ និងសេចក្ដីសញ្ញា ( ឆ្នាំ២០២៤ )
« ហៃរាំ ភេច និងវិវរណៈ » ដំណើររឿងព្រះគម្ពីរគោលលទ្ធិ និងសេចក្ដីសញ្ញា
ខែកញ្ញា ឆ្នាំ១៨៣០
ហៃរាំ ភេច និងវិវរណៈ
ពួកបរិសុទ្ធរៀនពីរបៀបដែលព្រះដឹកនាំសាសនាចក្ររបស់ទ្រង់
ហៃរាំ ភេច គឺជាមិត្តរបស់ យ៉ូសែប ស្ម៊ីធ និង អូលីវើរ ខៅឌើរី ។ គាត់ក៏ជាសាក្សីម្នាក់ក្នុងចំណោមសាក្សីទាំងប្រាំបីនាក់នៃផ្ទាំងមាសដែរ ។ ហៃរាំមានថ្មមួយដុំ ហើយគាត់ជឿថាព្រះកំពុងប្រើវាដើម្បីផ្តល់សារលិខិត ឬវិវរណៈដល់គាត់សម្រាប់សាសនាចក្រ ។ អូលីវើរ និងពួកបរិសុទ្ធផ្សេងទៀតបានជឿថាវិវរណៈរបស់ហៃរាំ មកពីព្រះ ។
គោលលទ្ធិ និងសេចក្តីសញ្ញា ២៨ ក្បាលកណ្ឌ និង Saints ១:៩៧
វិវរណៈរបស់ហៃរាំ ស្តាប់ទៅដូចជាបទគម្ពីរ ។ ប៉ុន្តែ វាខុសពីអ្វីដែលព្រះគម្ពីរប៊ីបបង្រៀន ។ វាក៏ខុសពីអ្វីដែលព្រះអម្ចាស់បានមានព្រះបន្ទូលប្រាប់ព្យាការី យ៉ូសែប ។ យ៉ូសែបមិនប្រាកដពីអ្វីដែលត្រូវធ្វើឡើយ ។
Saints ១:៩៧
យ៉ូសែបបានស្នាក់នៅស្ទើរពេញមួយយប់ទូលសូមព្រះឲ្យជួយ ។ លោកព្រួយបារម្ភពីការធ្វើខុស និងការប៉ះពាល់ដល់អារម្មណ៍មិត្តភក្តិរបស់លោក ។
Saints ១:៩៧
យ៉ូសែបចង់ឲ្យមនុស្សស្វែងរកវិវរណៈសម្រាប់ជីវិតខ្លួនរបស់ពួកគេផ្ទាល់ ។ ប៉ុន្តែ វានឹងមានការយល់ច្រឡំ ប្រសិនបើមនុស្សរាល់គ្នាព្យាយាមទទួលបានវិវរណៈសម្រាប់សាសនាចក្រទាំងមូល ។
Saints ១:៩៧
ទីបំផុត ព្រះអម្ចាស់បានប្រទានវិវរណៈមួយដល់យ៉ូសែប ដើម្បីចែកចាយជាមួយអូលីវើរ ។ ព្រះអម្ចាស់បានមានព្រះបន្ទូលថា មានតែព្យាការីប៉ុណ្ណោះដែលអាចទទួលបានវិវរណៈ និងព្រះបញ្ញត្តិសម្រាប់សាសនាចក្រទាំងមូល ។ ទ្រង់បានមានព្រះបន្ទូលថា អូលីវើរគួរតែបង្រៀនការណ៍នេះដល់ហៃរាំ ។
គោលលទ្ធិ និងសេចក្តីសញ្ញា ២៨:២, ៦–១៣
ព្រះអម្ចាស់មានព្រះទ័យចង់ឲ្យហៃរាំយល់ថា គាត់អាចទទួលបានវិវរណៈសម្រាប់ជីវិតរបស់គាត់ផ្ទាល់ ។ ប៉ុន្តែវិវរណៈសម្រាប់សាសនាចក្រនឹងប្រទានដល់ព្យាការីរបស់ព្រះអម្ចាស់ ។ ហៃរាំបានស្តាប់អូលីវើរ ហើយបានប្រែចិត្ត ។ ឥឡូវនេះ ពួកបរិសុទ្ធបានយល់កាន់តែច្បាស់អំពីរបៀបដែលព្រះអម្ចាស់ដឹកនាំសាសនាចក្ររបស់ទ្រង់ហើយ ។
Saints ១:៩៨