« សុបិនរបស់ដេស៊ីឌៀរៀ » ដំណើររឿងព្រះគម្ពីរគោលលទ្ធិ និងសេចក្ដីសញ្ញា ( ឆ្នាំ២០២៤ )
« សុបិនរបស់ដេស៊ីឌៀរៀ » ដំណើររឿងព្រះគម្ពីរគោលលទ្ធិ និងសេចក្ដីសញ្ញា
ឆ្នាំ១៨៨០–ឆ្នាំ១៨៨៦
សុបិនរបស់ដេស៊ីឌៀរៀ
ដឹកនាំដោយព្រះអម្ចាស់នៅប្រទេសម៉ិកស៊ិក
ដេស៊ីឌៀរៀ យ៉ានេស រស់នៅក្រុងណូប៉ាឡា ប្រទេសម៉ិកស៊ិក ។ យប់មួយ ដេស៊ីឌៀរៀ មានសុបិនមួយអំពីសៀវភៅតូចមួយ ដែលត្រូវបានផលិតនៅទីក្រុងម៉ិកស៊ីកូ ។ វាត្រូវបានគេហៅថា Voz de amonestación ឬ សំឡេងនៃការព្រមាន ។ នៅពេលដែល ដេស៊ីឌៀរៀ ភ្ញាក់ពីដំណេក នាងដឹងថា នាងត្រូវស្វែងរកសៀវភៅនោះ ។
ពួកបរិសុទ្ធ, ២:៤៧៧
ប៉ុន្តែទីក្រុងម៉ិកស៊ីកូនៅឆ្ងាយ ហើយ ដេស៊ីឌៀរៀ មានអាយុច្រើនពេកក្នុងការធ្វើដំណើរឆ្ងាយបែបនេះ ។ នាងមានអារម្មណ៍ថា ព្រះអម្ចាស់ចង់ឲ្យនាងស្វែងរកសៀវភៅនោះ ។ ដូច្នេះ នាងបានប្រាប់កូនប្រុសរបស់នាង ហូសេ អំពីសុបិននោះ ។ លោកជឿថា សៀវភៅនេះក៏មានសារៈសំខាន់ដែរ ។ លោកបានប្រាប់ម្តាយរបស់លោកថា លោកនឹងស្វែងរកវាឲ្យគាត់ ។
ពួកបរិសុទ្ធ, ២:៤៧៨
នៅពេលដែល ហូសេ មកដល់ទីក្រុងម៉ិកស៊ីកូ តាមដងផ្លូវមានសភាពមមាញឹកសំឡេងខ្លាំង និងពោរពេញដោយមនុស្សម្នាច្រើន ។ តើលោកអាចស្វែងរកសៀវភៅនេះនៅកន្លែងដែលមានមនុស្សច្រើនបែបនេះដោយរបៀបណា ?
ពួកបរិសុទ្ធ, ២:៤៧៨
បន្ទាប់ពីប៉ុន្មានថ្ងៃមក ហូសេ បានជួបអ្នកផ្សព្វផ្សាយសាសនាម្នាក់ឈ្មោះ ជេមស៍ ស្ទូវើត ។ ជេមស៍ បាននិយាយថា គាត់កំពុងធ្វើការបោះពុម្ពសៀវភៅមួយក្បាលដែលមានឈ្មោះថា Voz de amonestación ។
ពួកបរិសុទ្ធ, ២:៤៧៨
ហូសេ រំភើបខ្លាំងណាស់ ! លោកបានប្រាប់ ជេមស៍ អំពីសុបិនរបស់ម្តាយគាត់ ។ ជេមស៍ បានពន្យល់ថា ពួកអ្នកផ្សព្វផ្សាយសាសនានឹងប្រើសៀវភៅ Voz de amonestación និងសៀវភៅបទគម្ពីរថ្មីមួយគឺ ព្រះគម្ពីរមរមន ដើម្បីបង្រៀនមនុស្សអំពីព្រះយេស៊ូវគ្រីស្ទ ។
ពួកបរិសុទ្ធ, ២:៤៧៨
សៀវភៅ Voz de amonestación មិនទាន់បញ្ចប់នៅឡើយទេ ហើយព្រះគម្ពីរមរមនក៏មិនទាន់បានបកប្រែទៅជាភាសាអេស្ប៉ាញនៅឡើយ ។ ប៉ុន្តែ ជេមស៍ បានផ្តល់ឲ្យ ហូសេ នូវសៀវភៅ និងឯកសារផ្សេងទៀតដើម្បីជួយគាត់ និងម្តាយរបស់គាត់រៀនអំពីព្រះយេស៊ូវគ្រីស្ទ ព្រះគម្គីរមរមន និងសាសនាចក្រដែលបានស្តារឡើងវិញ ។
គោលលទ្ធិ និងសេចក្តីសញ្ញា ៩០:១១, ពួកបរិសុទ្ធ, ២:៤៧៨–៤៧៩
ហូសេ បានប្រញាប់ប្រញាល់ត្រឡប់ទៅផ្ទះទៅរកម្តាយរបស់គាត់វិញ ។ ពួកគេបានសិក្សាដំណឹងល្អជាមួយគ្នា ហើយពួកគេដឹងថាវាជាការពិត ។ ដេស៊ីឌៀរៀ បានស្នើសុំឲ្យពួកអ្នកផ្សព្វផ្សាយសាសនាមកធ្វើបុណ្យជ្រមុជទឹកឲ្យនាង ។
ពួកបរិសុទ្ធ, ២:៤៧៩
ដេស៊ីឌៀរៀ គឺជាស្ត្រីម្នាក់ក្នុងចំណោមស្ត្រីដំបូងគេដែលបានធ្វើពិធីបុណ្យជ្រមុជទឹកនៅប្រទេសម៉ិកស៊ិក ។ ហូសេ និងកូនស្រីរបស់គាត់ក៏បានធ្វើបុណ្យជ្រមុជទឹកផងដែរ ។
ពួកបរិសុទ្ធ, ២:៤៧៩
នៅពេលដែលសៀវភៅ Voz de amonestación បានបញ្ចប់រួចរាល់ហើយ ហូសេ ទទួលបានសៀវភៅ១០ក្បាលសម្រាប់ម្តាយរបស់គាត់ ដើម្បីចែកចាយជាមួយអ្នកដទៃនៅក្រុងណូប៉ាឡា ។ ប៉ុន្មានឆ្នាំក្រោយមក នៅទីបំផុតពេលដែលព្រះគម្ពីរមរមនត្រូវបានបោះពុម្ពជាភាសាអេស្ប៉ាញ ដេស៊ីឌៀរៀ គឺជាមនុស្សដំបូងគេនៅប្រទេសម៉ិកស៊ិក ដែលទទួលបានច្បាប់ចម្លងនេះ ។ នាងបានដឹងថា ព្រះអម្ចាស់បានដឹកនាំនាងទៅកាន់សាសនាចក្រដែលបានស្តារឡើងវិញរបស់ទ្រង់ ។
គោលលទ្ធិ និងសេចក្ដីសញ្ញា ៨៨:៨១, ពួកបរិសុទ្ធ, ២:៤៧៩