Tagata Taaalo Lauiloa ma le Talalelei

E toafa tagata taaalo lauiloa o ni tagata o le Ekalesia ua talanoa e uiga i le auala na fesoasoani ai le talalelei ia i latou e le gata i a latou taaloga ae faapea foi i o latou olaga.

Casey Patterson: Volipolo i le Matafaga

Ata

Casey playing beach volleyball

E lei galo lava ia te au le laina lenei mai se lauga o le konafesi: “Galue malosi … e aofia ai le tulitulimatagauina ‘ma lou loto atoa, mafaufau atoa, manatu atoa ma le malosi atoa’ (Mataupu Faavae ma Feagaiga 4:2). O lena lava mea e tasi o le eseesega lea i le va o le averesi ma le lelei silisili” (F. David Stanley, “O le Mataupu Faavae o le Galue,” konafesi aoao ia Aperila 1993).

I la’u taaloga ou te taulai atu ai i le faamalosi ma le i ai o se uiga faaalia lelei. E faigofie lava ona vaai atu i le tamaitiiti e mafai ona puna maualuga atu nai lo oe po o le faaleleia atili, ae o le puleaina o ou uiga faaalia, o le mea moni lava lena e taua. O le galue malosi o le mea autu lea e puleaina lou taunuuga. E taua le faatusatusa o oe lava ia te oe lava—ae le o se isi lava.

E Uiga ia Casey:

E toeitiiti atoa le 25 tausaga talu ona taalo i le volipolo.
E toatolu ona tuafafine laiti
E taalo mo le ISA.
Mea moni mataina: Sa le faatagaina o ia e lona tina e sele mama autafa o lona ulu ae faaumumu na’o le ogatotonu [mohawk] seia uma ona auauna atu i se misiona ma faaipoipo.

Jason Smyth: Taaloga Tamoe

Ata

Jason running

Ata o Jason Smyth na MAI LE GETTY IMAGES

Sa maua au i se mai mata ina ua valu ou tausaga, ma i le aluga o tausaga ua faaitiitia ai lau vaaiga mamao i le 10 pasene. Ae e tele faamanuiaga sa ou maua e ala i le taaloga o le tamoe ma le tauvā i le Olimipeka mo e e i ai manaoga faapitoa [paralympics]. I ni nai tausaga ua mavae, sa tulai mai ai se manuaga lea na iu i se taotoga, ma sa ou le mautinoa o le a mafai ona ou toe tauvā. Ae sa faamanuiaina au e le Tama Faalelagi e faamalolo lelei ma mafai ai ona faaauau pea ona ou tauvā.

Ou te iloa e alofa le Tama Faalelagi ia te au ma e finagalo i le mea sili mo au, ma ua tuuina mai ai ia te au le faamafanafanaga ma le faamautinoaga o le mea e tupu o le mea sili lea mo au.

E Uiga ia Jason:

Ua 15 tausaga o tamoe.
E tasi lona uso ae toatolu ona tuafafine.
E taalo mo Aialani.
Mea moni mataina: O le auai i taaloga o le lalolagi e na te maua ai se avanoa tulaga ese e faasoa atu ai le talalelei.

Mary Lake: Volipolo

Ata

Mary playing volleyball

O le tuputupu ae, o le tele o teineiti o loo tauivi ma le fili e lamatia lo latou taua faaletagata lava ia. E tuu e le lalolagi se faamamafa i mea tatou te foliga i ai, ma afai o oe o se tagata taalo, o loo tele ina matamata mai ia te oe. Sa ou lagona le popole tele i le taalo volipolo ai i le Iunivesite o Polika Iaga. Sa toatele nisi na matamata mai, ma na aumai ai le le mautonu. Sa ou tatalo ina ia ou sao atu mai ni masalosaloga na oo mai ma nā le mautonu. Sa le o se tali vave mai, ae ou te iloa o na tatalo ma o le taimi lena ma le Tama Faalelagi na fesoasoani ia te au e manumalo ai mai nei masalosaloga.

Na faamanatu mai e le Agaga ia te au ua ese le tagata ua ou i ai nai lo le fa tausaga talu ai. O le toe tepa i tua, e mafai ona ou iloa ai taimi na tuuina mai ai ia te au e le aao o le Tama Faalelagi ni aafiaga ma ni uunaiga ua sili atu ona taua ia te au nai lo le mea sa ou mafaufau i ai.

E sili atu au nai lo o taaloga. Fai mai lo’u tina e mafai ona ou tiaia mea uma e faaigoa ai au e isi tagata, ae e mafai lava ona avea au ma se tagata lelei ma se afafine lelei. E faia au e lo’u aiga o se tagata ma e alolofa ia te au i mea e le o ni taaloga. O lena mea na mafai ai ona ou fiafia tele i lau taaloga ona ua le fesootai lelei lo’u taua faaletagata lava ia i le auala ou te faatinoina ai. O le volipolo ua na o se aofaiga patino o tausaga o lou’ olaga, ae o le tagata e i ai au e le iu.

E masani ona o mai teineiti laiti ma talanoa mai ia te au e uiga i le volipolo. Ou te vaai i se vaaiga po o ai i latou ma lagona o le Tama Faalelagi e uiga ia i latou. Na ona ou manao ia latou malamalama e le faapea e tatau ona avea ma se tagata taalo i le kolisi pe faia soo se mea e tulaga ese ina ia i ai se taua tele ma alofaina ai. O lau savali autu ia i latou o le ole atu lea i le Tama Faalelagi e uiga i lo latou taua ma le iloaina, e le fesootai atu i soo se mea e tasi latou te faia.

E Uiga ia Mary:

Na taalo volipolo talu mai le 7 o ona tausaga.
Uii o nai ona tei e toaono—e toatolu ona uso ma tuagane e toalua.
E taalo mo le ISA.
Mea moni mataina: E fiafia e galue ma numera ma e aoga i le tausitusi i le Iunivesite o Polika Iaga.

Jackson Payne: Tagafiti

Ata

Jackson doing gymnastics

Sa ou maua se avanoa maoae e agavaa ai mo le Olimipeka a Lonetona i le 2012, ae i le tauvaga aupito sili ona taua, na ou pau ese ai mai le masini e fai ai le tagafiti. Sa leai sou avanoa e alu ai i le Olimipeka. Sa ou oo i le afa o le lalolagi, ae sa nutimomoia ai foi ma au miti.

E lei leva ona mavae lena toilalo, ae ou filifili loa ou te fia alu i se misiona. Semanu ou te le alu pe ana ou sao i le Olimipeka, ae o lau misiona sa tumu i vavega. Sa ou matua faafetai lava mo lena avanoa.

Ua fesoasoani le talalelei ia te au i le faia o faaiuga sao, aemaise lava i taimi e faigata ai ona tausia ou tulaga faatonuina. Ua suia ai lo’u tagata ma ou tulaga faatauaina uma o loo i ai.

E Uiga ia Jackson:

Sa tafiti mo le tusa ma le 22 tausaga.
E lona lima o le fanauga e toaono—o uso matutua e toatolu, o se tuafafine matua, ma se tuafafine laitiiti.
E taalo mo Kanata.
Mea moni mataina: Na faatalofa i le lima o Peresitene Gordon B. Hinckley (1910–2008) i le faapaiaga o le malumalu o Edmonton Alberta.