Fiafia ma Usiusitai

Saunia e Peresitene Russell M. Nelson

Sii mai le “Faasaga Atu ma le Faatuatua i le Lumanai,” Liahona, Me 2011, 34–35.

O oe o se atalii/afafine o le Atua. E tuuina mai e le Atua ia i tatou poloaiga e faamanuiaina ai i tatou ma aumaia ia i tatou le olioli. O nisi taimi e filifili e tagata po o fea poloaiga latou te tausia ma po o fea e le tausia. O le taumafai e usitai i poloaiga uma a le Atua o le a:

Faamanuiaina ai oe i le malamalama ma le olioli.

Fesoasoani ia te oe ia saoloto mai mausa leaga.

Puipui ai lou tino.

Puipui ai lou agaga.

Manatua, e i ai pea lava iina le Atua ma Ana agelu e fesoasoani ia te oe. ●

O a Tatou Talita o le Talalelei

Sa tuu atu e le Taitaiau o Moronae ia talita ia Sa Nifaē ina ia fesoasoani e tausia i latou ia saogalemu. I talita taitasi uma, tusi ai se tulaga faatonuina o le talalelei mai le lisi o i lalo e mafai ona fesoasoani ia te oe ia tumau ai i le saogalemu ma le malosi.

Faalogo i le Agaga Paia.
Salamo pe a e faia se mea sese.
Aua le palauvale pe faaaoga upu masoa.
Tausi le Aso Sapati ia paia.
Faalogologo i musika lelei.
Matamata i mea lelei.
Laei tauagafau.
Taulimaina ma le agalelei ia tagata.
Ia faamaoni.
Faaaoga ma le faaaloalo suafa o le Tama Faalelagi ma Iesu Keriso.