Tala o Tusitusiga Paia
O le Autau Talavou
Faitau e uiga i lenei tala i le Alema 56–57.
Ata na tusia e Apryl Stott
O loo faamatala mai i le Tusi a Mamona e uiga i nisi o alii talavou o e na o e tau e puipuia o latou tagata ma o latou aiga. Ua ta’ua i latou o le autau talavou. O le upu “talavou” o lona uiga o le “laiti.”
O nei fitafita talavou e lei o lava i se taua muamua. Peitai sa i ai ia i latou se kapeteni lelei e taitaia i latou. Ma sa latou manatuaina mea na aoaoina ai i latou e o latou tina.
Sa aoaoina i latou e o latou tina ina ia faatuatua i le Atua. Ona ole atu lea o alii talavou i le Atua e fesoasoani ia i latou. Sa latou usiusitai i lo latou kapeteni. Ona latou tau ai lea ma le lototoa.
Na latou manumalo i le taua! O nisi o i latou sa manunu’a. Ae sa ola uma i latou. O se vavega lava!
E mafai ona ou faalogo i mea lelei e aoao mai e o’u matua ma taitai. O le a fesoasoani mai le Atua ia ou tu atu mo le mea tonu. ●