Aoao Atu Pe Faapefea Ona Mama i Feusuaiga ma Saunia
I le avea ai ma se polofesa i le Iunivesite o Polika Iaga, sa ou sailiili ma aoao atu e uiga i le tulaga faamatua mo le 15 tausaga ua mavae. Pe a ou talanoa i matua, o se tasi o fesili masani ou te maua o le taimi ma le auala e talanoa ai i fanau e uiga i tulaga feusuai. Pe a ou talanoa i tamaiti aoga o le kolisi, e masani ona ou faalogo i le latou fefefe po o le le mautonu e uiga i le tulaga feusuai po o le laitiiti latou te iloa ma malamalama i ai.
E faatupulaia ona tatou faalogo mai taitai o le Ekalesia ma punaoa fou matagofie a le Ekalesia pe faapefea e matua ma talavou ona fesootai atili e uiga i amioga feusuai ina ia mafai e tagata talavou ona maua ni vaaiga lelei ma sa’o o le tulaga feusuai ma le tulafono o le ola mama. Na saunoa Peresitene M. Russell Ballard, “Ia e lelei e uiga i le auala e tupu ai le matua matagofie ma matagofie o le vavalalata faaletino pe a oo i totonu o tuaoi ua faatulagaina e le Alii, e aofia ai feagaiga o le malumalu ma tautinoga o le faaipoipoga e faavavau” (“Tamā ma Atalii: O se Mafutaga Tulaga Ese,” Liahona, Nov. 2009, 49).
-
Faatasi ai ma la’u soa-tusitala o Meg Jankovich, ma te faasoa atu ai i matua ni manatu pe faapefea, o afea, ma le aisea o le talanoa atu ia latou fanau e uiga i tulaga feusuai (tagai i le itulau 18).
-
Ua talanoaina e Elder ma Sister Renlund le taua o le tausia o le tulafono o le ola mama. (tagai itulau e 12).
-
O tusiga mo le autalavou matutua ua talanoaina ai pe faapefea ona atiina ae se vaaiga lelei i tulaga feusuai ma pe faapefea ona faamanuiaina i tatou e le tulafono o le ola mama (tagai i le itulau e 42).
-
E mafai e le autalavou ona maua ni fautuaga mo talanoaga faamanuiaina a matua ma talavou e uiga i tulaga feusuai i le itulau e 52.
O la’u tatalo, e ala atu i nei tusiga, o le a mananao ai tagata talavou ma matua e talanoa faafesagai le tasi ma le isi ma latalata atili atu ai i le Alii a o latou teenaina faamatalaga e le sa’o ia ua ta’u mai e le lalolagi i aso nei e uiga i amioga feusuai ae ia mafaufau ai i le mana e le gata o le mama i feusuaiga ma ia saunia.
Ma le faamaoni lava,
Laura M. Padilla-Walker, PhD