យុវវ័យ
ថតរូបដោយ រេនឌី ខូលីយ័រ
ខ្ញុំពិតជាចូលចិត្តចូលរួមក្នុងកម្មវិធី កុមារ និងយុវវ័យ ព្រោះខ្ញុំបានកំណត់គោលដៅរបស់ខ្ញុំផ្ទាល់ដើម្បីសម្រេចវា ។
គោលដៅមួយរបស់ខ្ញុំ គឺខ្ញុំជ្រើសរើសដើម្បីស្វែងរកឈ្មោះគ្រួសារ ហើយធ្វើពិធីបុណ្យជ្រមុជទឹកសម្រាប់មរណជនសម្រាប់ពួកគាត់ ។ វាត្រូវការពេលច្រើនដើម្បីរៀនពីរបៀបធ្វើពង្សប្រវត្តិ ប៉ុន្តែខ្ញុំមានអារម្មណ៍រីករាយរាល់ពេលដែលខ្ញុំរកបានឈ្មោះថ្មីមួយដើម្បីយកទៅព្រះវិហារបរិសុទ្ធ ។
នៅពេលខ្ញុំរៀនចេះពីរបៀបធ្វើវា ខ្ញុំចេះតែបន្តធ្វើហើយធ្វើទៀតព្រោះវាសប្បាយណាស់ ។ មិនយូរប៉ុន្មានខ្ញុំមានឈ្មោះច្រើនពេកដើម្បីធ្វើដោយខ្លួនឯង ។ ដូច្នេះបងប្អូនជីដូនមួយរបស់ខ្ញុំមួយក្រុម និងខ្ញុំបានទៅព្រះវិហារបរិសុទ្ធជាមួយនឹងឈ្មោះដែលខ្ញុំរកឃើញ ហើយយើងបានធ្វើពិធីបុណ្យជ្រមុជទឹក និងពិធីបញ្ជាក់ជាមួយគ្នាបាន ១៧២នាក់ ។
ឪពុកម្ដាយរបស់ខ្ញុំកំពុងធ្វើកិច្ចការដើម្បីបញ្ចប់ពិធីបរិសុទ្ធនៃព្រះវិហារបរិសុទ្ធផ្សេងទៀតសម្រាប់មរណជនទាំងនោះ ដែលជាការល្អណាស់ព្រោះខ្ញុំមានអារម្មណ៍ថាគ្រួសារខ្ញុំទាំងមូលជាក្រុមមួយ ! គោលដៅរបស់យើងគឺដើម្បីជួយបុព្វការីជនរបស់យើងឲ្យបានច្រើនបំផុតតាមដែលអាចធ្វើទៅបាន ។
ការធ្វើពង្សប្រវត្តិបានជួយខ្ញុំឲ្យខិតកាន់តែជិតគ្រួសារខ្ញុំផង និងបុព្វការីជនរបស់ខ្ញុំផង ។ ខ្ញុំសប្បាយចិត្តដែលខ្ញុំបានបញ្ចប់គោលដៅរបស់ខ្ញុំ ហើយឥឡូវនេះខ្ញុំសង្ឃឹមថានឹងដាក់គោលដៅដែលកាន់តែពិបាកជាងនេះ ដើម្បីខ្ញុំអាចបន្តសម្រេចបានកាន់តែច្រើនឡើង ។
អេលដុន អិម. អាយុ ១៣ឆ្នាំ រដ្ឋអូហៃអូ ស.រ.អា.