ការយល់ដឹងទាំងឡាយពីព្រះគម្ពីរមរមន
ព្រះយេស៊ូវគ្រីស្ទគឺជា …
អង្គបង្កបង្កើត
« ទ្រង់នឹងត្រូវបានហៅថា ព្រះយេស៊ូវគ្រីស្ទ ព្រះរាជបុត្រានៃព្រះ ព្រះវរបិតានៃស្ថានសួគ៌ និងផែនដី ព្រះដែលបង្កើតវត្ថុសព្វសារពើចាប់តាំងពីដំបូងមក » ( ម៉ូសាយ ៣:៨ ) ។
អ្នកគង្វាលល្អ
« អ្នកគង្វាលល្អនឹងស្រែកហៅអ្នក មែនហើយ គឺដោយនូវឈ្មោះរបស់លោកផ្ទាល់ដែលលោកនឹងហៅអ្នក គឺជាព្រះនាមនៃព្រះគ្រីស្ទ » ( អាលម៉ា ៥:៣៨ ) ។
ព្រះដ៏បរិសុទ្ធនៃសាសន៍អ៊ីស្រាអែល
« មើលចុះ ផ្លូវសម្រាប់មនុស្ស គឺចង្អៀត ប៉ុន្តែសន្ធឹងត្រង់នៅចំពោះមុខគេ ហើយអ្នកឆ្មាំទ្វារ គឺជាព្រះដ៏បរិសុទ្ធនៃសាសន៍អ៊ីស្រាអែល ហើយទ្រង់មិនជួលបាវបម្រើនៅទីនោះឡើយ » ( នីហ្វៃទី២ ៩:៤១ ) ។
កូនចៀមនៃព្រះ
« កូនចៀមនៃព្រះ គឺជាព្រះរាជបុត្រានៃព្រះវរបិតាដ៏នៅអស់កល្បជានិច្ច ហើយគឺជាព្រះអង្គសង្គ្រោះនៃពិភពលោក ហើយ … មនុស្សទាំងអស់ត្រូវតែមករកព្រះអង្គ បើពុំនោះសោតទេ ពួកគេនឹងពុំបានសង្គ្រោះឡើយ » ( នីហ្វៃទី១ ១៣:៤០ ) ។
ព្រះមែស៊ី
« [ លីហ្វៃ ] បានធ្វើបន្ទាល់ថា អ្វីៗដែលលោកបានឃើញ ហើយបានឮ ព្រមទាំងអ្វីៗដែលលោកបានអានក្នុងគម្ពីរផងនោះ បានសម្ដែងយ៉ាងច្បាស់ប្រាប់ អំពីការយាងមកនៃព្រះមែស៊ី » ( នីហ្វៃទី១ ១:១៩ ) ។
ព្រះរាជបុត្រាបង្កើតតែមួយ
« អស់អ្នកណាដែលប្រែចិត្ត ហើយពុំមានធ្វើចិត្តរឹងរូសទេ នោះនឹងបានទទួលសេចក្ដីមេត្តាករុណា តាមរយៈព្រះរាជបុត្រាបង្កើតតែមួយរបស់យើង ចំពោះការផ្ដាច់បាប » ( អាលម៉ា ១២:៣៤ ) ។
ព្រះដ៏ប្រោសលោះ
« ឪពុកដឹងថា កូនត្រូវបានប្រោសលោះឲ្យរួច ពីព្រោះតែសេចក្ដីសុចរិតនៃព្រះដ៏ប្រោសលោះរបស់កូន ត្បិតកូនបានឃើញថា ដល់កាលដ៏ពេញកំណត់ នោះទ្រង់នឹងយាងមកប្រទានសេចក្ដីសង្គ្រោះដល់មនុស្សលោក » ( នីហ្វៃទី២ ២:៣ ) ។
ព្រះអង្គសង្រ្គោះ
« បើសិនជាអ្នករាល់គ្នាជឿដល់ព្រះគ្រីស្ទយ៉ាងនោះមែន ហើយបានទទួលបុណ្យជ្រមុជ ដំបូងដោយទឹក ហើយបន្ទាប់មក ដោយភ្លើង និងដោយព្រះវិញ្ញាណបរិសុទ្ធ គឺធ្វើតាមគំរូនៃព្រះអង្គសង្គ្រោះរបស់យើង … នោះនឹងបានស្រួលដល់អ្នករាល់គ្នាហើយនៅក្នុងថ្ងៃជំនុំជំរះ » ( មរមន ៧:១០ ) ។
ព្រះរាជបុត្រានៃព្រះ
« ហើយពីព្រោះទ្រង់គង់នៅក្នុងសាច់ឈាម នោះទ្រង់នឹងត្រូវឲ្យព្រះនាមថា ជាព្រះរាជបុត្រានៃព្រះ » ( ម៉ូសាយ ១៥:២ ) ។